Adriana Budevska mbeti në historikun e teatrit bullgar jo vetëm me rikrijimin e mrekullueshëm të më se 100 roleve, por edhe me një fakt pikant - ajo ishte e para midis aktoreve bullgare që guxoi të dilte në skenë me rroba të pakta.

Ylli teatror lindi në vitin 1878 në qytetin Dobriç (Bullgari Verilindore) disa muaj pas Çlirimit të Bullgarisë nga sundimi turk. Pasi u diplomua me nota të shkëlqyeshme në Shkollën e Mesme të Vajzave në qytetin Varna, ajo fitoi bursë në Malij Teatrin në Moskë ku studioi aktrim për katër vjet. Duke zotëruar shumë nga hollësitë e mjeshtërisë së aktrimit, ajo u kthye në Bullgari për të shkëlqyer me talentin e saj dramatik në skenën e Teatrit Kombëtar dhe për të fituar pseudonimin “Bullgarja Sarah Bernhardt”.

Sot shtëpia e saj në lagjen e kryeqytetit “Llozenec” është kthyer në një hapësirë artistike për të kujtuar për këtë artiste të madhe bullgare e cila ndihmoi krijimin e teatrit profesional bullgar.

Më shumë për artisten Adraina Budevska mund të lexoni në botimin e Radio Bullgarisë “Shtëpia e Sofjes” gjallëron kujtimin për aktoren e madhe Adriana Budevska.