Radioja Kombëtare Bullgare © 2021 Të gjitha të drejtat janë të rezervuara

Survakarët do të dëbojnë koronavirusin në fshatrat e Pernikut

Foto: arkiv EPA/BGNES

Sipas traditës banuesit e fshatrave të Pernikut dhe sivjet do të ndezin zjarre rituale, që të shënojnë festën “Surva”. Tradita, e cila është një pjesë e trashëgimisë botërore kulturore të UNESKO-s, urdhëron që banuesit vendas të maskohen në natën e 13 duke u gdhirë 14 janari, kur shënohet festa e Shën Vasilit sipas stilit të vjetër. Për shkak të epidemisë nga koronavirusi në Pernik nuk do të zhvillohet festivali ndërkombëtar me të njëjtin emër të lojërave të maskaradës.


“Surva” e sivjetshme do të jetë më e ndryshme-jo vetëm e errësuar nga virusi korona, por dhe nga stuhia e ujit e cila përmbyti vendbanime të shumta. Prandaj dhe survakarët do të dalin me maskat e veta frikësuese, që të mundohen me një vallëzim të zjarrtë të dëbojnë koronavirusin si dhe të gjitha gjërat e këqija. Në nanurisjet e tyre ata do të kërkojnë më tepër shëndet gjatë Vitit të Ri. Grupet e survakarëve (djem që shkojnë shtëpi më shtëpi për të uruar Vitin e Ri) do të parakalojnë nëpër rrugët e caktuara paraprakisht dhe do të trokasin nëpër dyert e disa shtëpive, por pa hyrë brenda në to. Nuk lejohet dhe bashkimi i survakarëve nga fshatrat e veçanta.

Rekomandimet e sigurisë të përgatitura nga Inspektorati Rajonal Shëndetësor iu janë dorëzuar kryetarëve të komunave. 150 administratorë me jelekë reflektues do të ndjekin për respektimin e rregullave kundra epidemiologjike nga publiku. Do t’u ndahen po kështu një mijë maska mbrojtëse pjesëmarrësve në këtë rit tradicional.  

“Surva” është festa më e madhe dimërore në rrethet  e qytetit Pernik i cili gjendet fare afër kryeqytetit (në Bullgarinë Perëndimore). Gjatë natës së Shën Vasilit  dëbohet e keqja dhe hapen dyert përpara së mirës. Besohet se sa më të frikshme janë maskat, kaq më e fortë është forca e tyre magjike.

Akoma për traditat e festës mund të lexoni KËTU dhe KËTU.

Përpiloi: Diana Cankova 

Përgatiti në shqip: Nataniela Vasileva

Foto: arkiv EPA/BGNES


Më shumë nga rubrika

Pandemia na rikujton karakterin familjar dhe traditat në ditët e Krishtlindjes

Sivjet festat e Krishtlindjes dhe të Vitit të Ri do të kalojnë në mënyrë më të ndryshme se kurdoherë. Prandaj viti 2020 nuk do ta ndryshojë stilin e vet për të na befasuar deri në fund. Një nga elementët e detyrueshëm për këtë periudhë nga viti -..

botuar më 20-12-23 7.10.PD

Për Krishtlindjen dhe traditat bullgare në shtëpinë e Sabina Nedelcheva-Williams në Londër

Sivjet përhapja e koronavirusit tërheq vëmendjen e njerëzve të gjithë botës. Edhe në kryeqytetin shumëmilionësh anglez tashmë jeta nuk është e njëjtë, thotë bullgaria Sabina Nedelcheva-Williams. Më se 20 vjet ajo jeton jashtë kufirit, ndërsa në..

botuar më 20-12-17 6.15.PD

Koleksioni mahnitës i sendeve shtëpiake të Rumjana Pençevës

Më shumë se 40 vjet Rumjana Pençeva koleksionon sende të vjetra jetike autentike shtëpiake, të krijuara prej duarve të bullgarëve të talentuar. Sot ajo është mbase pronarja e koleksionit më të madh privat prej sendeve shtëpiake tek ne. Duke u kthyer..

botuar më 20-12-15 6.15.PD