Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 320

Foto: Ani Petrova

Shtami i ri i koronavirusit fsheh rreziqe të mëdha

I ashtuquajturi variant anglez i Covid-19 tanimë është tek ne dhe do të fillojë të grumbullojë shpejtësi, paralajmëruan autoritetet shëndetësore në brifingun e rregullt të Shtabit Operativ Kombëtar. Po vazhdon tendenca që numri i njerëzve të shëruar të tejkalojë disa herë numrin e atyre të cilët janë të sapo infektuar, tha ministri i shëndetësisë profesori Kostadin Angjellov. Por kjo situatë mund të ndryshojë me tipin e ri të koronavirusit, paralajmëroi inspektori shtetëror shëndetësor docenti Angjell Kunçev.

Më shumë mbi temën mund të lexoni KËTU:


Zbutjе të masave tani për tani do të ketë vetëm në arsim

Tani për tani është e sigurt se pas datës 31 janar, kur përfundon afati i gjendjes së jashtëzakonshme epidemike, do të zbuten  vetëm masat sa i përket kthimit të nxënësve të mëdhenj në klasë dhe të hapjes së palestrave.


Pronarët e restoranteve po përgatiten për protesta

Pronarët e lokaleve dhe restoranteve në Bullgari mendojnë protesta pasi në brifingun e rregullt të Shtabit Operativ Kombëtar për luftimin e koronavirusit u shpall se nuk diskutohet lehtësimi i masave deri në fund të janarit. Këtë e tha para BNR kryetari i Shoqatës së Restoranteve Emill Kollarov.

Nga dega këmbëngulin që restorantet të hapen nga fillimi i shkurtit dhe objektet e argëtimit - nga fillimi i marsit. Propozimi i qeverisë është për lehtësimin e masave jo më herët se 18 shkurt, duke përfshirë kapacitetin dhe orarin e kufizuar të punës.


Nga 8057 teste u zbuluan 482 të infektuar me Covid-19 për 24 orët e fundit

Në 24 orët e fundit, 482 të infektuar rishtas me koronavirus u zbuluan në vend nga 8057 teste, tregojnë të dhënat e Portalit të Unifikuar të Informacionit. Më pak se 6 për qind e mostrave janë pozitive.

Numri i pacientëve të konfirmuar që nga fillimi i pandemisë u bë 213,409. Numri i rasteve aktive arriti 29 660.

3220 pacientë trajtohen në spital prej tyre 327 janë në njësitë e kujdesit intensiv.

Numri i të vdekurve për 24 orët me koronavirus të konfirmuar është 37. Me ta numri i përgjithshëm i të vdekurve arriti në 8651 persona.

4600 pacientë u shëruan në 24 orët e fundit. Numri i përgjithshëm i atyre që e kapërcyen infeksionin është 175 098.

Të sapo vaksinuarit kundër Covid-19 janë 1901. Që nga fillimi i fushatës së imunizimit 24,127 njerëz u vaksinuan.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.



Më shumë nga rubrika

Prof. Todor Kantarxhiev

Asnjë version brazilian, afrikano-jugor ose nigerian i Covid-19 nuk është zbuluar tek ne

Mbi 85 për qind e viruseve që qarkullojnë në vendin tonë janë nga lloji britanik i koronavirusit, tha para BNT Prof. Todor Kantarxhiev, drejtor i Qendrës Kombëtare të Sëmundjeve Infektive dhe Parazitare. Deri më tani, asnjë mutacion brazilian,..

botuar më 21-03-08 11.27.PD

Një sasi e re e vaksinave Pfizer/BioNTech u furnizua në Bullgari

21 060 doza të vaksinës Pfizer/BioNTechmbërritën në Bullgari këtë mëngjes. Ky është furnizimi i dytë nga një total prej pesë që priten në mars, tha Bogdan Kirillov, drejtor i Agjencisë Bullgare të Barnave. Ai shtoi se kompania tashmë ka konfirmuar..

botuar më 21-03-08 10.16.PD

5776 persona me Covid-19 në trajtim spitalor

497 raste të reja të koronavirusit janë identifikuar në 24 orët e fundit nga 2971 teste të kryera, sipas të dhënave nga Portali i Unifikuar i Informacionit. Gati 17 për qin e mostrave janë pozitive. Numri më i lartë i të sapo infektuarve është në..

botuar më 21-03-08 10.06.PD