Radioja Kombëtare Bullgare © 2021 Të gjitha të drejtat janë të rezervuara

Kur robotët shpëtojnë jetë dhe ndërmarrje

Foto: ЕPА/BGNES

Kur kontakti midis njerëzve duhet të jetë minimal robotët shpëtojnë jetë dhe ndërmarrje. Sidoqoftë kur kriza me koronavirusin do të mbarojë a nuk do të rrisin prapë papunësinë?

Gjithnjë e më shumë veprimet tona të përditshme po automatizohen, për më tepër – robotizohen. Vitet e fundit po rritet interesi ndaj “makinave të urta”, të cilat mund të kryejnë një pjesë prej punës së mërzitshme shtëpiake. Dhe një nga prognozat më të përhapura për të ardhmen se teknologjitë do të depërtojnë gjerësisht në përditshmen e njerëzve po realizohet.

Vallë, a e përshpejtoi pandemia depërtimin e këtyre makinave në jetën tonë?

Çavdar Kostadinov

“Kjo ndoshta është ana pozitive e kësaj pandemie, të cilën e përjetojmë – komentoi inxhinieri Çavdar Kostadinov nga Klubi “Robotikë” pranë Universitetit “Angell Kënçev” në qytetin Ruse. – Kjo bëri të mundur që mbi robotët shtëpiak të shikohet nga një këndvështrim tjetër, sepse gjërat janë të ndryshme për ata industrialë dhe special. U duk se ka shumë punë të cilën ata mund të bëjnë dhe përkatësisht se shumë firma i ofrojnë ata. Nuk do të thosha se kjo është mirë për njerëzit. Gjithçka është individuale. Për momentin shumica prej nesh gëzohen të bëjnë gjëra të vogla dhe të bezdisshme në shtëpi. Kjo perceptohet ndryshe nga njerëzit – disa janë të kënaqur se ka dikush që i zëvendëson, ndërsa të tjerë nuk duan që ndonjëri tjetër ta kryejë këtë punë. Po flas në kontekstin e pandemisë dhe të izolimit të imponuar.”

Kur mund të na krijojnë probleme robotët?

“Problemet mund të linden gjithmonë. Përveç teknike ato mund të jenë në komunikimin njeri - makinë. Ato makina në praktikë tani për tani zëvendësojnë njerëzit kryesisht në shtëpi. Edhe modelet më të reja të automobilave gjithashtu mund të pranohen si robotë, pasi ato kanë një pjesë të madhe të elementeve të një roboti – sensorë, drejtim dhe kontroll, disa mund të punojnë në mënyrë të pavarur deri në një farë mase. Posaçërisht për veturat tani po diskutohet nëse makinat e ardhshme do të ofrojnë mundësi për t’i drejtuar ato.

Inxhinieri Çavdar Kostadinov është i bindur sesa e mirë të jetë një makinë, ajo ka nevojë për mirëmbajtje, pra ajo akoma nuk mund të punojë pa njeriun. Por kjo punë shkon në një nivel tjetër, kërkon aftësi të veçanta, njohuri, përvojë, të cilat nuk fitohen menjëherë por ka nevojë për një mësim të gjatë. Përsa i përket domosdoshmërisë së teknologjive të reja në situata të tilla të jashtëzakonshme inxhinieri Kostadinov është kategorik:

“Të paktën të lehtësohet puna e njerëzve që janë në zonën e rrezikut ku ka virus dhe mund të infektohen, do të thotë që i ndihmojmë këta njerëz. Mundësitë janë të shumta, dhe pyetja është nëse spitalet dhe klinikat mund t’i përdorin ato, nëse e dinë që ekzistojnë dhe nëse mund t’i përballojnë shpenzimet për ta.”

Përgatiti në shqip: Svetllana Dimitrova

Foto: EPA/BGNES dhe arkiv


Më shumë nga rubrika

Prof. Nikollaj Vitanov

Matematikani Prof. Nikollaj Vitanov: Vdekshmëri e lartë nga Covid-19 - të paktën deri në fund të shtatorit

Skenari i pafavorshëm i epidemisë së koronavirusit po bëhet realitet, tha matematikani nga Akademia Bullgare e Shkencave, Prof. Nikollaj Vitanov, për Nova TV. Ai parashikon që vdekshmëria e lartë në Bullgari të mbetet të paktën deri në fund të..

botuar më 21-09-01 10.18.PD

Kufizime të reja për udhëtarët nga Bullgaria për në Shqipëri

Nga 6 shtatori me hyrjen në Shqipëri, qytetarët bullgarë duhet të paraqesin një pasaportë vaksinimi (e vlefshme 14 ditë pas riimunizimit), një test negativ PCR i vlefshëm për 72 orë ose një test i shpejtë antigjeni i vlefshëm për 48 orë. Gjithashtu..

botuar më 21-08-31 11.38.PD

7 medalje për nxënësit bullgarë nga Olimpiada Evropiane e Informatikës

Nxënës bullgarë fituan 3 medalje argjendi dhe 4 bronzi në Olimpiadën Rinore Evropiane në Informatikë. Nxënësit janë nga shkollat ​​e mesme të matematikës në qytetet Sofje, Varna dhe Shumen, të cilat konkurruan online. Kjo u njoftua nga Ministria e..

botuar më 21-08-30 4.45.MD