Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

7 ide për një fundjavë të paharrueshme në bashkinë Gërmen

7
Foto: Veneta Nikollova

Burime minerale, vendbanime etnografike, tradita kolorite, gjurma nga antikiteti, tablo të bukura natyrore – Bashkia Gërmen në Rodopet Perëndimore është e pasur me oferta për pushim dhe itinerare njohëse. Për disa prej fenomeneve më të famshme në këtë rajon mund të lexoni më poshtë:

Pushim i shëndetshëm në fshatin Ognjanovo

Fshati Ognjanovo ofron relaksim dhe pushim të shëndetshëm

Fshati i strukur në këmbët e malit Rodopa u dëgjua për ujërat e tij shëruese, të kapura dhe të shfrytëzuara që në kohën romake. Sipas banuesve vendorë ata kurojnë më se 100 sëmundje. Një pjesë prej hoteleve punojnë tërë vitin dhe kanë qendra moderne spa. Nga çezmat në shtëpitë e vendasit rrjedh i njëjti ujë mineral që mbush pishinat.

Kovaçevica – një përrallë 5-shekullor prej guri

Kovaçevica magjeps turistët me shtëpitë prej guri dhe shpirtin rilindës

Një nga vendbanimet më piktoreske etnografike në Bullgari pret miq gjatë tërë vitit. Turistët janë të mahnitur nga shtëpitë e vjetra të ndërtuara fund e krye prej guri dhe druri dhe nga fryma rilindëse që mbretëron nëpër rrugicat e kalldrëmta të fshatit, e shpallur jo rastësisht rezervat arkitekturor.

Leshten – shëtitje në të kaluarën

Nëpër rrugicat me kalldrëm të fshatit Leshten

Pjesa e madhe e shtëpive të vjetra gurore janë të shndërruara në hotele të këndshme që ofrojnë atmosferë nga kohëra të vjetra. Vite me radhë pronarët e tyre mirëpresin adhuruesit e turizmit rural nga e gjithë bota. Ndër atraksionet vendore është shtëpiza prej balte e Flinstounit (The Flintstones), ku mund të kaloni një natë unike parahistorike në mesë të bjeshkëve të malit Rodopa. Këtu ajri është i kristaltë ndërsa kupa e qiellit plotë yje është në majë të gishtave.

Ribnovo në stinën e dasmave

Ngjitja e gelinës në fshatin Ribnovo

Fshati Ribnovo njihet me popullsinë e vet bullgaro-mohamedane e cila ruan me zell traditat vendore. Në se do të vini këtu gjatë stinës dimërore mund të bëheni dëshmitarë të dasmave shumëngjyrëshe lokale.

Rrapi pesëshekullor në Gërmen

Rrapi pesëshekullor në Gërmen në sfondin e kishës Shën Gjergji

Në afërsi të drejtpërdrejtë të kishën “Shën Gjergji” në fshatin Gërmen do të zbuloni një monument unik i gjallë. Bëhet fjalë për një rrap 6-shekullor përfaqësues i të ashtuquajturit platanus orientalis – një specie pemësh që në të kaluarën e largët formonin pyje të dendura në këtë pjesë të Ballkanit. Në vitin 2020 Rrapi në Gërmen u radhit i dyti në Konkursin “Pema Evropiane e Vitit”.

Qyteti antik romak “Nikopolis ad Nestrum”

Rrënojat arkeologjike Nikopolis ad Istrum në vitin 2006

Ky është qyteti i vetëm nga koha romake në Rodopet. Në përkthim emri i tij do të thotë “Qyteti i fitores pranë (lumit) Mesta”. Kjo për arsye se ai u themelua nga perandori Trajan për nder të fitores së tij mbi dakët. Sot nga shkëlqimi i dikurshëm kanë mbetur vetëm rrënojat, të shpërndara aty këtu përreth fshatit Gërmen.  Por akoma shihen gjurmët e mureve të kështjellës, godina të kultit dhe banjat.

Parku Natyror dhe Historik “Gradishte”

Në këtë pjesë të Rodopeve zbulohen pamje të mrekullueshme

Në afërsi të fshatit Dollno Drjanovo do të hasni një kompleks të strukturave megalite. Bëhet fjalë për gurë të mëdhenj të përngjashëm të kokave njerëzore dhe për një sërë figurash të kafshëve të skalitura nga  njerëzit e lashtë në shkëmbinjtë si peshq, gjarpërinj, breshka etj. Syri më i kujdesshëm mund të gjejë ulluqe dhe puse të gdhendura në gurët përreth. Supozohet se këtu kishte shenjtërore në  periudhën e shekujve V-IV para erës sonë.

Përgatiti në shqip: Svetllana Dimitrova

Foto: Veneta Nikollova



Последвайте ни и в Google News Showcase, за да научите най-важното от деня!

Më shumë nga rubrika

Varna dhe vendpushimet përreth janë gati të arrijnë rekordet e vitit para pandemisë 2019

Ata që punojnë në industrinë turistike në rajonin e Varnës po përgatiten që tani për sezonin e verës. Duke gjykuar nga rezervimet paraprake, ka një shans për të arritur më në fund nivelet rekord për sektorin në vitin 2019, mësojmë nga një intervistë me..

botuar më 24-02-29 7.25.PD

Ishulli Shën Anastasia tashmë pret turistët në një kishëz nënujore

Atraksioni më i ri në rajonin e qytetit tonë të Detit të Zi Burgas është një kishëz nënujore pranë ishullit Shën Anastasia. Kishëza u zhyt në janar dhe ndodhet në një thellësi prej rreth 15 metrash, raportoi euronewsbulgaria. Ajo është rreth 3..

botuar më 24-02-28 6.25.PD

Bullgaria pret turistë të rinj nga Hungaria

Bullgaria është ftuar si mysafir ekskluziv në ekspozitën ndërkombëtare të udhëtimit TRAVEL+ në Budapest. Kjo është ngjarja më e rëndësishme në Hungari me një fokus të drejtpërdrejtë turistik, duke paraqitur ofertat më të fundit dhe më interesante..

botuar më 24-02-22 1.25.MD