Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Greqia kërkoi në OKB që Turqia të kthejë statutin e muzeut të “Shën Sofjes”


Greqia bashkë me një sërë organizatash ndërkombëtare, kërkon nga Turqia për të kthyer statusin e mëparshëm të muzeut të “Shën Sofjes” në Stamboll. Monumenti antik arkitekturor u kthye gjatë vitit 2020 nga Ankaraja në xhami. Këtë e deklaroi ministri i jashtëm grek Nikos Dendias përpara sesionit të 46 të Këshillit të OKB-së mbi të drejtat e njeriut, transmetoi Agjencia Telegrafike Bullgare. Diplomati nënvizoi se çështja për ushtrimin e plotë të të drejtave kulturore dhe ruajtjen e trashëgimisë kulturore është mjaft e rëndësishme për Greqinë. “Transformimi i monumentit  “Shën Sofja” në xhami është në kundërshtim të çdo lloj koncepti për respektimin e trashëgimisë kulturore”, deklaroi ministri i jashtëm grek.

Parlamenti Evropian kritikon Serbinë


Deputetët nga Komisioni mbi Punët e Jashtme të Parlamentit Evropian janë të shqetësuar nga mbështetja e vazhdueshme e Serbisë për aneksimin e Krimesë nga Rusia në Asamblenë e Përgjithshme të OKB-së. Kjo thuhet në raportin e pranuar për përparimin e vendit në rrugën e saj drejt Bashkimit Evropian. Deputetët evropian janë të shqetësuar dhe nga ndikimi në rritje i Kinës në regjionin e Ballkanit Perëndimor si tërësi dhe më në veçanti nga mungesa e një transparence gjatë vlerësimit të ndikimit të investimeve dhe huave kineze mbi mjedisin rrethues dhe social, thuhet në dokument. Beogradi thirret të tregojë rezultate bindëse në reformimin e sistemit gjyqësor, të lirisë së fjalës dhe të luftës me korrupsionin dhe krimin e organizuar. “Normalizimi i marrëdhënieve midis Serbisë dhe Kosovës është prioritet  dhe një kusht paraprak për të dyja vendet për aderimin e tyre ndaj Bashkësisë” është konkluzioni i deputetëve evropianë, njoftoi agjencia BGNES.

Kroacia kërkoi të blejë F-35, por Shtetet e Bashkuara i propozojnë F-16


Kroacia tregonte interes të blinte avionët gjuajtës F-35, por në këtë moment “Lockheed Martin” ia propozon vendit avionin gjuajtës F-16, tha John Nilson, drejtor i korporatës “ Komunikime” për Evropën. Një përfaqësues i Ambasadës Kroate në Shtetet e Bashkuara deklaroi se Zagrebi, i cili në këtë moment disponon vetëm avionët e vjetër MiG-21, “i bën një vlerësim ofertës për avionët e rinj amerikan F-16 Block 70/72. Oferta amerikane do të konkurrojë bashkë me disa përgjigje të tjera në tenderin tonë për avion gjuajtës me funksione të shumta, të rinj ose të përdorur”, thotë burimi, cituar nga Agjencia Telegrafike Bullgare.  

Malazezët gjithashtu do të jenë në gjendje të kenë shtetësi serbe

Pas 12 vjetëve Mali i Zi më në fund mund t’u lejojë qytetarëve të vet shtetësi të dyfishtë - malazeze dhe serbe, shpalli kryeministri Zdravko Krivokapiç në rrjetin social Twitter. “Shumë qytetarë, të cilët prej viteve jetojnë në Malin e Zi, por nuk kanë marrë shtetësinë e vendit tonë, meritojnë që kjo çështje të zgjidhet përfundimisht”, nënvizoi Krivokapiç, duke shtuar se qeveria do të fillojë ta zgjidhë këtë problem gjatë periudhës së ardhshme. Sipas Ligjit për shtetësinë malazeze nuk lejohet një shtetësi e dyfishtë - malazeze dhe serbe - që nga viti 2008 e këtej, transmetoi Agjencia Telegrafike Bullgare.

Në nëntor Rumania fillon nxjerrjen e gazit nga Deti i Zi

Molekula e parë e gazit natyror rumun do të nxirret nga Deti i Zi sivjet gjatë muajit nëntor, shpalli ministri  i energjetikës Virgil Popescu. Kjo do të bëhet nga perimetri Aurora dhe do të nxirret nga kompania Black Sea Oil & Gas. Sa i përket perimetrit Neptun Deep, ku janë rezervat më të pasura të gazit, ministri shpalli hyrje në projektin e kompanisë Romgaz. Ajo do ta zëvendësojë investuesin amerikan, i cili do që të heqë dorë nga eksploatimi i gazit në Detin e Zi, sqaroi ministri. Shpresa është që deri në vitin 2025 që aty të merret më shumë gaz, saç konsumon Rumania, tha ministri  i cituar nga AGERPRESS.

Turqia do të vazhdojë të mbështesë gagauzët në Moldavi

Ministri i punëve të jashtme i Turqisë Mevlüt Çavuşoğlu priti në Ankara guvernatoren e rajonit autonom Gagauzia në Moldavi Irina Vlah, njoftoi Anadolu agency. Në postimin e tij në Twitter ministri i jashtëm turk shpalli se takimi ka qenë i dobishëm  dhe me Vlah kanë shqyrtuar mundësitë për bashkëpunim. Çavuşoğlu shpalli se gagauzët janë urë e miqësisë midis Turqisë dhe Moldavisë, kurse Ankaraja do të vazhdojë përkrahjen për ta në çdo fushë. Gagauzët janë një pakicë turqisht folëse në Moldavi me besim ortodoks.

Përpiloi: Ivo Ivanov

Përgatiti në shqip: Nataniela Vasileva

Foto: EPA/BGNES, lockheedmartin.com, blackseaog.com, mfa.gov.tr

Më shumë nga rubrika

Rumen Radev dhe Klaus Iohannis në nënshkrimin e një deklarate politike për partneritet strategjik midis Bullgarisë dhe Rumanisë (Sofje, 15.03.2023)

Partneriteti strategjik midis Bullgarisë dhe Rumanisë ishte në fokus në Bukuresht

Tryezë e rrumbullakët kushtuar përvjetorit të parë të partneritetit strategjik bullgaro-rumun u zhvillua në Bukuresht Instituti Diplomatik Rumun dhe Instituti Diplomatik Bullgar organizuan një tryezë të rrumbullakët me temë: "Bullgaria dhe Rumania..

botuar më 24-03-19 7.25.PD

A do të gjendet një formulë për qeverisjen në Bullgari?

Bullgaria është në prag të rotacionit të parë në historinë e saj demokratike, të rënë dakord 9 muaj më parë nga dy forcat e para parlamentare GERB-SDS dhe PP-DB, si kusht për formimin e qeverisë dhe një rrugëdalje nga kriza politike.  Megjithatë, a do..

botuar më 24-03-14 7.05.PD
Margaritis Shinas

Pas zgjedhjeve evropiane, pritet qartësi për anëtarësimin në Shengen еdhe nga toka

Pas zgjedhjeve për Parlamentin Evropian , pres një vendim që Bullgaria dhe Rumania të mund t'i bashkohen Shengenit dhe në rrugë tokësore, tha nënkryetari i Komisionit Evropian, Margaritis Shinas . Progresi duhet të pritet në fund të këtij viti..

botuar më 24-03-13 9.57.PD