Pjesëmarrja e Ambasadës Shqiptare në Sofje në nismën “Ambasador për një ditë”

Për vitin e tretë me radhë Ambasada e Republikës së Shqipërisë në Bullgari ishte pjesë e nismës “Ambasador për një ditë”. Në kuadrin e iniciativës Ambasada Shqiptare në Sofje organizoi dy aktivitete kushtuar fuqizimit të femrave me temë “Femrat në diplomaci” dhe “Femrat në pozicione të larta drejtuese”. Aktivitetet u organizuan në bashkëpunim me United Nations Association Albania (UNA Albania), UN Delegates Albania, United Nation Association Bulgaria (UNA Bulgaria), UN Delegates Bulgaria dhe Ladies` Forum.

Diskutimi i hapur virtual “Gratë në diplomaci” mblodhi të rinj nga UNA Albania, UNA Bulgaria dhe UN Delegates për të diskutuar me fituesen e këtij viti, 18 vjeçaren Martina Dimitrova, rreth rolit të grave në diplomaci.

Të rinjtë shqiptarë dhe bullgarë shkëmbyen mendime dhe evidentuan nevojën për bashkëpunim në kuadër të barazisë gjinore dhe kuptimit të vërtetë të punës dhe rolit të femrave në diplomaci. Gjithashtu, ata identifikuan problematikat kryesore, të cilat po rishfaqen në këtë situatë të vështirë pandemike, por theksuan edhe aktivizmin pozitiv të të rinjve, që kërkojnë të ndryshojnë dhe përmirësojnë situatën e femrave në shoqëri dhe në ҫdo fushë tjetër.

Ambasadorja për një ditë, Martina Dimitrova, bëri thirrje për të ndjekur ëndrrat dhe për të qenë të vendosur në arritjen e asaj, që të rinjtë dëshirojnë më shumë.

Aktiviteti “Gratë në pozicione të larta drejtuese” kishte në fokus femrat në pozicione të larta drejtuese, sfidat me të cilat përballen dhe mënyrat për të mbështetur vajzat e reja dhe femrat drejt arritjes së suksesit. Pjesë e këtij aktiviteti kanë qenë përfaqësueset e Ladies`Forum, Ambasadorja e Gjerogjisë Tamara Liluashvili dhe dy fitueset e këtij vitit, Martina Dimitrova për Shqipërinë dhe Ivana Ivanova për Gjeorgjinë.

Në këtë diskutim u vu në pah fakti se në Bullgari, femrat janë në pozicione të larta drejtuese dhe se vërehet një trend pozitiv edhe në botë duke marrë si shembull Zelandën e Re dhe Finlandën, të cilat drejtohen nga femra. Gjithashtu, u nënvizua fakti se edhe numri i ambasadoreve femra në Bullgari është rritur dhe se në rajon vërehet një përmirësim i situatës së fuqizimit të femrave, gjë që është tregues i politikave kombëtare.


Informacioni është i Ambasadës së Republikës së Shqipërisë në Bullgari.

Foto: Ambasada e Republikës së Shqipërisë në Bullgari


Më shumë nga rubrika

Avokati i popullit i Bullgarisë nis një fushatë në mbështetje të shëndetit mendor të fëmijëve

Çdo ditë avokati i popullit merr sinjale nga prindërit, organizatat prindërore dhe psikologët e fëmijëve, të cilët paralajmërojnë për simptoma të ankthit tek adoleshentët si rrjedhoje e mbylljes gjatë pandemisë. Sipas të dhënave të sektorit..

botuar më 21-06-06 7.25.PD

Edicioni i tetëmbëdhjetë i nismës “Krishtlindjet Bullgare” mbështeti mjekimin e 326 fëmijëve

Edicioni i fundit i nismës “Krishtlindjet Bullgare”, që mbahet nën egjidën e Presidentit mblodhi 1 850 000 leva. Me përpjekjet dhe ndjeshmërinë e njerëzve “Krishtlindjet Bullgare” ndihmojnë diagnostikimin dhe mjekimin me kohë nëpërmjet siguimit të..

botuar më 21-06-05 7.15.PD

Prokuroria ka premtuar veprime kundër personave të sanksionuar nga SHBA-ja

Zyra e Prokurorisë njoftoi se do të marrë masa kundër të gjitha personave të sanksionuar nga SHBA-ja. Prokuroria e shtetit njoftoi se edhe para vendosjes së sanksioneve sipas ligjit global "Magnitski", ishin sjellë në gjykatë Petër Harallampiev dhe..

botuar më 21-06-03 4.07.MD