Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 361

Foto: Georgi Cvetkov

Shqyrtohen rregullat për hyrjen e turistëve në Bullgari në kushtet e pandemisë

Kryeministri Bojko Borisov i ka dhënë urdhër Ministrit të Shëndetësisë Kostadin Angellov për të filluar shqyrtimin e rregullave dhe masave për hyrjen e turistëve të huaj në Bullgari në kushtet e pandemisë. Kjo u bë e qartë në mbledhjen e sotme të Kryeministrit me Shtabin Operativ Kombëtar. "Ne duhet ta bëjmë të qartë për industrinë tonë të turizmit se si do t’i presim turistët - me PCR, pa PCR, me një test antigjeni, me një pasaportë të gjelbër ose siç ju duket e përshtatshme. Por duhet të përcaktohet qartë në mënyrë që të mos e dështojmë sezonin e ri turistik ", ishte kategorik Kryeministri Borisov.


2403 raste të reja të koronavirusit u zbuluan në 24 orët e fundit

2403 raste të reja të koronavirusit janë zbuluar në Bullgari në 24 orët e fundit, pas 14 563 testeve të kryera, ose 16.5% e mostrave janë pozitive, tregojnë të dhënat e Portalit të Unifikuar të Informacionit. Shumica e të infektuarve janë në Sofje - 737, Plovdiv - 187 dhe Pleven - 129. Dje kanë vdekur 83 veta me koronavirus dhe bashkë me ta numri i përgjithshëm i viktimave arriti në 10 391 veta.Rastet aktive janë 33.227. 5009 persona u shtruan në spital, nga të cilët 423 në njësinë e kujdesit intensiv. Për 24 orët e fundit u vaksinuan 20 233 njerëz. Që nga fillimi i programit të imunizimit me një dozë të dytë janë vaksinuar 41 525 persona.


Spitalet po përballen me rritjen e numrit të të shtruarve në spital me Covid-19

Nuk ka presion mbi spitale. Sistemi është i përgatitur për rritjen e rasteve për shkak të versionit britanik të Covid-19. Kjo u raportua në një takim pune me Kryeministrin Bojko Borisov pasi më shumë se 2 000 raste të reja të koronavirusit u raportuan për të dytën ditë me radhë dhe për herë të parë këtë vit gjatë 24 orëve të fundit numri i njerëzve të shtruar në spital me infeksionin e koronavirusit kaloi 5000. Shtretërit spitalorë sipas bazës kombëtare aktualisht janë duke u rritur për të përgatitur sistemin. Doza të reja të vaksinës priten në Bullgari jo më herët se 8 ose 9 marsi.


Covid-19 u bë shkak për pezullimin e pjesëmarrjes së Maria Micovës në turneun e badmintonit në Bazel

Lojtarja bullgare e badmintonit Maria Micova është pezulluar nga pjesëmarrja në turneun e madh në Bazel, Zvicër, me një fond çmimi prej 130 mijë dollarësh. Arsyeja është se ajo ka qenë në kontakt me një anëtar të ekipit bullgar, i cili doli pozitiv për koronavirus, njoftoi Federata Botërore e Badmintonit (BWF), cituar nga BNR - "Horizont". Micova është në karantinë në hotelin zyrtar të turneut. Bullgaria do të përfaqësohet në turne nga Gabriella dhe Stefani Stoevi dhe nga Linda Zetchiri.


Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Përpiloi: Miglena Ivanova

Përgatiti në shqip: Vesella Mançeva


Më shumë nga rubrika

Lejlekët në fshatin Baniçan vërehen nga mijëra njerëz

Në fshatin Baniçan, në Bullgarinë Jugperëndimore, të njohur si “fshati i lejlekëve”, prej disa vjetëve kanë kamera për mbikëqyrje të vazhdueshme të njërës prej foleve të shumta të lejlekëve. Ideja është e vatrës së kulturës vendase “Izgrev-1930” dhe..

botuar më 21-04-10 9.35.PD

30 vjet nga paraqitja e toto-milionerit të parë në Bullgari

Gjatë vitit 1957 është krijuar totalizatori sportiv Bullgar me idenë, që përmes organizimit të lojërave të lotarisë dhe të basteve sportive, të mund të ndihmojë edukimin fizik dhe sportin tek ne. Kurse historia e toto /lloto/ milionerëve bullgarë..

botuar më 21-04-10 8.30.PD
Rumen Radev dhe Vlladica Dimitrov

Rumen Radev: Bullgarët në Serbi janë një urë shpirtërore midis dy vendeve

Çështjet aktuale në lidhje me pakicën kombëtare bullgare në Caribrod, Republika e Serbisë, diskutoi në Sofje Presidenti Rumen Radev me kryebashkiakun Vlladica Dimitrov dhe kryetarin e Këshillit Bashkiak Zoran Xhurov. “Do të doja që bullgarët..

botuar më 21-04-09 7.08.MD