Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Fillon fushata paraelektorale në Bullgari

Foto: arkiv

Që sot, Bullgaria zyrtarisht është në një garë zgjedhore. Ajo vazhdon 29 ditë dhe përfundon në orën 24.00 në mesnatë më 2 prill 2021, tregon vendimi i Komisionit Qendror Zgjedhor. 24 orë përpara zhvillimit të zgjedhjeve parlamentare më 4 prill agjitacioni parazgjedhor është i ndaluar, kështu që 3 prilli të mund të jetë një ditë për t’u menduar përpara votimit.

Gjatë garës parazgjedhore për të marrë pjesë në Legjislaturën e 45 të Kuvendit Popullor qytetarët, partitë, koalicionet, komitetet e iniciativës, kandidatët dhe avokatët kanë lirinë të bëjnë agjitacion në formë gojore dhe me shkrim. Kjo mund të ndodhë në takimet parazgjedhore, si dhe përmes ofruesve të shërbimeve mediatike, ku mediat sociale dhe bloget personale nuk konsiderohen si të tilla. Një kusht i rëndësishëm është se fushata zgjedhore zhvillohet vetëm në gjuhën bullgare. Në kushtet e epidemisë nga koronavirusi, ministri i shëndetësisë u rekomandoi politikanëve të kujdesen për shëndetin e zgjedhësve të vet, duke zhvilluar agjitacionin e vet në distancë, kurse takimet me njerëzit të bëhen në të hapur gjatë respektimit  të distancës dhe me mjete mbrojtëse. Për rrendin e zhvillimit të aktiviteteve zgjedhore përgjigjen organizatorët, si dhe organet e Ministrisë së Punëve të Brendshme.

Gjatë 30 ditëve të ardhshme është ndaluar publikimi i materialeve anonime të agjitacionit, si dhe të tilla, të cilat shkelin moralin e mirë, dhe po kështu dhe nderin dhe emrin e mirë të kandidatëve. Gjatë kohës së fushatës zgjedhore ndalohet po kështu agjitacioni politik nëpër institucionet dhe ndërmarrjet shtetërore dhe në transportin urban.

Detyrim i mediave publike - Radioja Kombëtare Bullgare dhe Televizioni Kombëtar Bullgar është të pasqyrojnë në mënyrë objektive dhe të drejtë shfaqjet e kandidatëve, të regjistruar nga partitë, koalicionet dhe komitetet e iniciativës, duke respektuar barazinë dhe rëndësinë e tyre. Fushata zgjedhore pasqyrohet në mediat shoqërore përmes formave të ndryshme, por detyrimisht në një kohë të përcaktuar posaçërisht për këtë qëllim.

Në një afat prej 7 ditëve pas ditës së zgjedhjeve partitë, koalicionet dhe komitetet iniciative duhet të heqin materialet e agjitacionit të vendosura prej tyre në lidhje me zgjedhjet tanimë të përfunduara.

Objekt i agjitacionit parazgjedhur janë të gjithë qytetarët bullgarë, të cilët me datë të zgjedhjeve kanë mbushur 18 vjeç, me përjashtim të atyre që janë të vendosur nën kujdestari dhe që janë të dënuar me burgim . Të dhënat paraprake të Komisionit Qendror Zgjedhor tregojnë se në listat e zgjedhjeve janë 6 732 316 veta. Kodi Zgjedhor i detyron qytetarët bullgar të marrin pjesë në votim, por nuk parashikon sanksione për ata të cilët nuk kanë votuar.

Përpiloi: Elena Karkallanova

Përgatiti në shqip: Nataniela Vasileva




Последвайте ни и в Google News Showcase, за да научите най-важното от деня!

Më shumë nga rubrika

Margaritis Shinas

Pas zgjedhjeve evropiane, pritet qartësi për anëtarësimin në Shengen еdhe nga toka

Pas zgjedhjeve për Parlamentin Evropian , pres një vendim që Bullgaria dhe Rumania të mund t'i bashkohen Shengenit dhe në rrugë tokësore, tha nënkryetari i Komisionit Evropian, Margaritis Shinas . Progresi duhet të pritet në fund të këtij viti..

botuar më 24-03-13 9.57.PD

Qeveria raportoi aktivitetet e saj për 9 muajt e fundit të qeverisjes

Programi i menaxhimit vazhdon edhe për nëntë muajt e ardhshëm, me mbi gjysmën (56%) prej masave të zbatuara. Duke marrë parasysh punën e nëntë muajve të qeverisë, kryeministri i dorëhequr Nikollaj Denkov deklaroi se me zëvendëskryeministren dhe..

rinovuar më 24-03-08 6.37.MD

Zëri i bullgarëve - si për parlamentin kombëtar

Nëse zgjedhjet për Parlamentin Evropian do të ishin këtë javë, koalicioni GERB-SDS do të kishte mbledhur më shumë vota - 22,9%, i ndjekur nga "Po e vazhdojmë ndryshimin - Bullgaria Demokratike" (PP-DB) me 19,7%, Lëvizja për të Drejtat dhe Liritë..

botuar më 24-03-08 11.27.PD