Ministri i Jashtëm i Maqedonisë Bujar Osmani tha se nëse një gjë e tillë ka rëndësi për bullgarët, ai nuk ka problem që në Kushtetutën e Maqedonisë së Veriut ata të përmenden qartë si pjesë e grupeve të tjera etnike në vend.

“Bullgarët në Maqedoninë e Veriut duhet të ndjehen si qytetarë plotësisht të lirë që mund të organizohen në bashkësi dhe të kenë të gjitha të drejtat. Nëse është e nevojshme, ata do të përmenden në mënyrë të qartë në Kushtetutë”, tha Osmani para televizionit lokal TV 21. Pyetur nëse ndonjë nga Bullgaria ka kërkuar diçka si kjo, Ministri i Jashtëm u përgjigj: “Unë nuk kam dëgjuar. Një gjë e tillë nuk kërkohet”, njoftoi BGNES.