Shipka ose Monumenti i Lirisë - një nga monumentet më emblematike bullgare, i cili është kthyer në simbol të pavarësisë dhe të identitetit tonë kombëtar, me krenari ngrihet në 1326 metra në zemër të malit Stara Pllanina.
Në fillim të muajit gusht 1877 këtu zhvillohen beteja dramatike për ecurinë e Luftës Ruso-Turke. Pikërisht mbrojtja e Qafës së Shikës i jep kthesë luftës dhe i sjellë popullit bullgar lirinë kaq të përvuajtur pas një zgjedhe osmane 5 shekullore. Vite pas Çlirimit, në këtë vend të shenjtë për bullgarët, me një ceremoni festive është inauguruar Monumenti i Lirisë.
Sot, mbase nuk ka bullgar, i cili të mos ketë ngjitur 890 shkallët e tij të paktën njëherë në jetë. Çdo vit më 3 Mars, Dita e Çlirimit të Bullgarisë, përpara monumentit zhvillohet një miting solemn me rastin e festës kombëtare. Dhe pavarësisht se sivjet, për shkak të shpërndarjes së koronavirusit, për herë të parë ceremonia e përkujtimit u anulua, mijëra bullgarë nga e gjithë Bullgaria, të zbukuruar me flamurin trengjyrësh, kurse disa madje të veshur në petka popullore, u mblodhën përpara monumentit, për të nderuar ata që vdiqën për lirinë e atdheut.
Akoma për monumentin dhe për emblemën tjetër të vendosur këtu pranë, në kohën e Bullgarisë socialiste, mund të lexoni në materialin “Majat Shipka dhe Buzlluxha të cilat pa tjetër duhet të vizitohen” nga koleksioni i Radio Bullgarisë.
Përpiloi: Veneta Nikollova
Përgatiti në shqip: Nataniela Vasileva
16 vjet kaluan nga ai 17 shkurt i vitit 2008 kur Kosova u bë shteti më i ri në botë. Kjo ndodhi pasi shumica e deputetëve të Kuvendit të Kosovës dhe Presidenti i atëhershëm Fatmir Sejdiu shpallën Deklaratën e Pavarësisë së Kosovës. Më 15 qershor të..
Vreshtarët dhe prodhuesit e verërave në rajonin e qytetit të Bullgarisë Juglindore Strallxha shënojnë festën e Shën Trifonit në stilin e vjetër më 14 shkurt, njoftoi pushteti vendor. Rituali tradicional i krasitjes së hardhive do të zhvillohet në..
Në lidhje me 6 vjetorin e vdekjes së gjyshit Dobri, më 10 shkurt në fshatin Bajllovo do të shërbehet liturgjia e shenjtë rekuiem, njoftoi Mitropolia e Sofjes. Shërbesa do të drejtohet nga Shkëlqesia e Tij peshkopi i Bellogardçikut Polikarp, Vikar i..
Përfaqësuesit e popullit nderuan në Parlament kujtimin e viktimave të shfarosjes masive të armenëve në Perandorinë Osmane me një minutë heshtje dhe..