Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kënde për historinë bullgare do të ketë në 7 shkolla moldaviane

Bashkatdhetarët tanë në Moldavi realizojnë ëndrra të veta me ndihmën e bashkëmendimtarëve në vendin tonë

Foto: svetlina.online

Dashuria, patriotizmi dhe krenaria për të përcaktuar veten si bullgarë janë karakteristike për bashkatdhetarët tanë në të gjithë botën. Është tepër prekëse kur dëgjosh sesi u dridhet zëri i tyre kur flasin për Nënën Bullgari. Me një ngazëllim të pafshehur bashkatdhetarët tanë që jetojnë në territorin e Republikës së Moldavisë thithin dhe shqiptojnë çdo fjalë për vendin tonë.

Bashkatdhetarët tanë në rajonin Taraklija, ku banon një popullsi kompakte bullgare, janë jashtëzakonisht të bashkuar dhe ruajnë me zell çdo kujtim, traditë, dhuratë nga Bullgaria. Pikërisht me ruajtjen e traditave dhe kujtesën historike për atdheun e tyre paraardhës lidhet projekti për krijimin e 7 këndeve të historisë, kulturës dhe letërsisë bullgare në 7 shkolla në Moldavi. Ai realizohet nga Fondacioni Moldavian “Shpirti Bullgar” dhe Asociacioni Bullgar “Prek ylberin”.

“Projekti që ne aktualisht po zbatojmë po ndodh falë Ambasadës së Republikës së Bullgarisë në Moldavi dhe Ministrisë së Punëve të Jashtme – tha në një intervistë për Radio Bullgarinë Denisllava Angellova, kryetare e Këshillit Drejtues të Asociacionit. - Për iniciativën morëm mbështetjen e  shumë muzeve, bashkive, institucioneve shtetërore, personave private të cilët mbajnë bullgaren në vetvete. Ne arritëm të krijojmë një kopje të “Historisë Sllavo-bullgare”, të Thesarit nga Panagjurishte, shumë prej muzeve na siguruan kopje të fotografive të revolucionarëve të njohur.”

Me ndihmën e ekspertëve të muzeve në Batak, Smoljan, Kazanllëk, Karllovo, Panagjurishte dhe Vraca u shkruan edhe tekste të cilat zbulojnë veprat më të rëndësishme të heronjve të prezantuar, në mënyrë që nxënësit të provokohen për të mësuar më shumë për ta.

Përveç materialeve historike në ato kënde do të prezantohen edhe 7 veshje popullore nga krahina të ndryshme etnografike të  Bullgarisë, bashkë me uniforma të gardës dhe të vullnetarëve bullgarë në Luftën Ruso-Turke nga vitet 1877-1878 që ishte Çlirimtare për Bullgarinë. Ndër dhuratat ka edhe shumë libra me tematikë historike dhe vepra të krijuesve të dalluar bullgarë.

Me ndihmën e fondacionit moldavian, Denisllava dhe ekipi i saj realizojnë edhe ëndrrën e nxënësve të disa shkollave lidhur me sportin. Falë klubeve profesionale futbollistike bullgare, 6 shkolla në Moldavi formojnë ekipe të tyre.

Ministria e Mbrojtjes e Bullgarisë iu përgjigj lutjes së banorëve të qytetit Tvardica, rajoni i Taraklisë, të cilët dëshirojnë që në qytet të ngrihet një monument i viktimave të Luftës së Parë Botërore.

“Dëshira erdhi prej tyre me një letër të veçantë - thotë Denisllava Angellova. - Së bashku me ta bëmë projektin e monumentit. Ai u krijua nga arkitektja e re me rrënjë bullgare Alina Pasllar.”

Është i frytshëm bashkëpunimi i asociacionit bullgar me Universitetin Shtetëror të Tarakalisë “Grigorij Cambllak”. Udhëheqja e tij ndihmon organizimin e olimpiadës vjetore të gjuhës bullgare. Vendi i parë në të u jep mundësinë nxënësve në klasën e dymbëdhjetë të vazhdojnë arsimin e tyre në një universitet bullgar.

Përgatiti në shqip: Svetllana Dimitrova

Foto: Fondacioni Moldavian “Shpirti Bullgar”, svetlina.online, catchtherainbow.eu, BGNES


Последвайте ни и в Google News Showcase, за да научите най-важното от деня!

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD