Të Lidhurat e Djathit është një nga festat më laramane bullgare. Gjithnjë bie ditën e diele para Kreshmës së Madhe. Në të kaluarën tërë javën ishte mbushur me dëfrime – tundeshin djepa, dridheshin valle, njerëzit mblidheshin në tryeza për të cilët gatuheshin gjella dhe ëmbëlsira nga qumështi, djathi, vezët. Pas Të Lidhurave të Mishit, festë kjo e cila bie një javë më parë ditën e diele, vjen koha nga ushqimi të përjashtohen edhe bulmetrat – deri në Pashkët.

Ky zakon quhet ndryshe Sirni Pokladi ose Falje, sepse darkës i paraprin kërkimi dhe dhënia e faljes. Të rinjtë kërkojnë falje nga më të moshuarit, porsamartuarit vizitojnë kumbarët e tyre, zanatçinjtë - mjeshtrit që “u dhanë bukë në duart e tyre”. Fjalët me të cilët kërkohet dhe jepet ndjesë janë: “Më fal!” Përgjigja është “Të faltë Zoti!”. Në thelbin e këtij riti është që njeriu të bëjë një pastrim fizik dhe shpirtëror të cilin do të arrijë përmes agjërimit pasi të marrë falje nga të afërmit e tij. Dhe pasi ai vetë ka dhënë falje për gabimet që të gjithë kanë bërë, me dëshirë apo pa dëshirë.

Më shumë për këtë rit lidhur me besimet e popullit bullgar mund të lexoni në botimin “Po të ketë gabim, ka edhe falje” nga koleksioni i Radio Bullgarisë.

Përpilues: Allbena Bezovska

Përgatiti në shqip: Svetllana Dimitrova