Radioja Kombëtare Bullgare © 2021 Të gjitha të drejtat janë të rezervuara

Ngjarjet me adresë ballkanike

Serbia do të prodhojë Sputnik V

Vaksina e parë ruse kundër Covid-19, Sputnik V, do të prodhohet në Serbi. Fondi Shtetëror i Investimeve i Rusisë  arriti marrëveshje me Institutin Serb të Virusologjisë “Torlak” për të filluar prodhimin në maj. Qytetarët serbë dhe të huajt që janë të vaksinuar me Pfizer, Sinopharm, AstraZeneca dhe Sputnik V do të jenë në gjendje të hyjnë në vend pa një test PCR dhe izolim, njoftoi qendra e shtypit pranë qeverisë serbe. Deri më tani, Serbia 7 milionëshe vaksinoi më shumë se 2.241 milion qytetarë të saj, nga të cilët 903 000 morën tashmë një dozë të dytë të vaksinës. Për nga numri i të vaksinuarve për 1 milion banorë, vendi renditet i pari në rajon dhe i dyti në Evropë, njoftoi BTA.

Shqipëria porositi një vaksinë kineze prodhuar në Turqi

Qeveria shqiptare nënshkroi marrëveshje me një kompani turke për të furnizuar 1 milion doza të vaksinës kineze Sinovak kundër koronavirusit, njoftoi sajti Exit. Kontrata me kompaninë turke klasifikohet si një “sekret tregtar”, kështu që çmimi i vaksinave nuk do të zbulohet, thekson sajti. Me një sanksion parlamentar, qeveria në Tiranë vendosi të fillojë negociatat me çdo kompani që dëshiron të sigurojë vaksina kundër Covid-19 të miratuara në vendin e origjinës. 192 000 dozat e para të vaksinës Sinovak tashmë u furnizuan. Pjesa tjetër pritet brenda 2 muajve. Shqipëria, popullsi e së cilës është 2.8 milion veta, nënshkroi gjithashtu një kontratë për 500 000 doza të vaksinës Pfizer / Biontech. Deri më tani, më shumë se 50 000 njerëz në vend u imunizuan me këtë vaksinë dhe me vaksinën ruse Sputnik V.

Vaksinimi filloi edhe në Malin e Shenjtë

120 dozat e para të vaksinës Pfizer / Biontech iu dhanë murgjve dhe civilëve në Aton. Në prill priten doza të reja të vaksinës në republikën e murgjve. Njoftohet për interes të shtuar të vëllazërive ndaj imunizimit që kryhet në kryeqytetin Kareja. Dhjetëra raste të infektimit me koronavirus kishte në Malin e Shenjtë, me të paktën katër murgj humbën jetën e tyre dhe shumë të tjerë u trajtuan në Selanik. Për të parandaluar raste të reja dhe përhapjen e virusit, pelegrinëve iu ndalua hyrja në Aton dhe murgjit dhe punëtorët që erdhën atje iu nënshtruan testeve të shpejta.

Iliesku do të vazhdojë të studioje aktivitetet revolucionare

Gjykata Kushtetuese e Rumanisë “shpëtoi” Institutin e Revolucionit Rumun, të udhëhequr nga ish Presidenti Jon Iliesku. Ligji me të cilin qeveria donte të shfuqizonte institutin u shpall antikushtetues, njoftoi sajti Ziare. Në dhjetor 2019, qeveria deklaroi se aktivitetet e institutit nuk korrespondonin me fondet e shtetit të shpenzuara për të. Instituti i Revolucionit Rumun duhet të analizojë atë që ndodhi gjatë trazirave në dhjetor 1989, kur regjimi komunist u përmbys në vend dhe gati 1000 njerëz vdiqën. Më shumë se 30 vjet më vonë, pjesëmarrësit në këto ngjarje dhe qytetarët e vendit janë akoma duke pritur të vërtetën për revolucionin rumun, të udhëhequr nga Jon Iliesku.

Mali i Zi filloi kërkimet për naftë dhe gaz

Mali i Zi filloi shpimin e parë për naftë në shelfin e tij në det të hapur me platformën Topaz Drillër, njoftoi HINA. Kompania italo-ruse Enel-Novatek po eksploron rajonin pranë qytetit adriatik të Ulqinit. Kërkimi për depozitat e gazit dhe naftës pritet të zgjasë 180 ditë. Eksplorimet e para të gazit dhe naftës në brigjet e Malit të Zi u kontraktuan me një koncesion të nënshkruar në 2016. Thellësia e shpimit do të jetë 6525 metra. Organizata mjedisore joqeveritare ngritën zërin e tyre kundër shpimit. Banorët e Ulqinit gjithashtu kanë frikë se studimi mund t’i largojë turistët nga plazhet me rërë me gjatësi 15 kilometra në rajon, njoftoi BTA.

Trazira financiare dhe të kapitalit në Turqi

Shahap Kavxhëogllu është guvernatori i ri i Bankës Qendrore të Turqisë. Në më pak se dy vjet, ky është guvernatori i katërt i thesarit i emëruar nga Presidenti Rexhep Tajip Erdogan, njofton Bloomberg. Lajmi çoi në një zhvlerësim të lirës turke me 9-7 për qind dhe një kolaps të bonove dhe aksioneve turke. Profesori universitar dhe kolumnisti proqeveritar Kavxhëogllu është një kritik i paraardhësit të tij Naxhi Agball, i cili rriti normat e interesit dhe stabilizoi monedhën kombëtare. Për të qetësuar investitorët, ministri i financave tha se Turqia do të mbante një regjim të lirë të këmbimit valutor pavarësisht nga zhvlerësimi i lirës turke.

Përpilues: Ivo Ivanov

Përgatiti në shqip: Svetllana Dimitrova

Foto: Reuters, Vantage Drilling International, Twitter / Şahap Kavcıoğlu


Më shumë nga rubrika

Bullgaria prapë është në një ritëm parazgjedhor

Që nga sot, 11 qershor, Bullgaria prapë hyn në një fushatë parazgjedhore, pasi asnjë nga partitë në Legjislaturën e 45-të të Kuvendit Popullor, zgjedhjet për të cilën u zhvilluan më 4 prill të këtij viti, nuk arriti të formojë kabinet. Zgjedhjet e..

botuar më 21-06-11 1.52.MD

Formimi i një qeverie vepruese pas zgjedhjeve është një hipotezë gjithnjë e më e mundshme

Kaloi dita e fundit në të cilën partitë dhe koalicionet mund të regjistronin listat e tyre të kandidatëve për zgjedhjet e parakohshme të 11 korrikut. 18 parti dhe 9 koalicione janë regjistruar për të marrë pjesë në votim. Cilat janë hipotezat për..

botuar më 21-06-09 3.40.MD
Edi Rama dhe Rumen Radev

Presidenti Radev konfirmoi mbështetjen e Bullgarisë për fillimin e bisedimeve të Shqipërisë për anëtarësim në BE

Integrimi evropian i vendeve të Ballkanit Perëndimor është në interes të tërë regjionit ballkanik dhe të Bashkimit Evropian. Bullgaria do të vazhdojë të mbështesë përpjekjet e fqinjëve të saj në këtë proces. Këtë e deklaroi Presidenti Rumen Radev..

botuar më 21-06-09 1.20.MD