Radioja Kombëtare Bullgare © 2021 Të gjitha të drejtat janë të rezervuara

Profesoresha Borisllava Taneva: “Kemi se çfarë t’i japim botës”

100 vjet Akademia Kombëtare Muzikore “Profesor Panço Vlladigerov”

Foto: arkiv

Gjatë vitit 2021 shkolla më e vjetër e lartë për muzikë tek ne feston jubileun e vet 100 vjeçar. Ky rast i shquar shënohet me një program të pasur dhe shumëngjyrësh prej ngjarjeve bazë dhe shoqëruese, kurse përgatitja ka filluar akoma vjet, mësojmë nga profesoresha Borisllava Taneva  - pedagoge, kompozitore, interpretuese e njohur, zëvendës rektore e Akademisë.

“Ngjarja e parë e madhe, e cila i është kushtuar përvjetorit është më 22 maj - hapja festive e Festivalit Ndërkombëtar “Javët Muzikore të Sofjes” - tregon profesoresha Taneva. Do të marrin pjesë të gjitha grupet përfaqësive të Akademisë – Big Bendi, Orkestra Studentore e Dhomës, Orkestra Simfonike e Studentëve, Orkestra Simfonike Akademike e të tjera. Në të njëjtën ditë në hyrjen e sallës “Bëllgaria” hapet ekspozita “Kujtesa Muzikore e Bullgarisë - lavdi dhe tradita”, që do të jetë aty gjatë kohës së gjithë festivalit. Aksenti i dytë nga programi bazë është vepër e Fakultetit Vokal. Me ndihmën e Operës së Stara Zagorës, studentët tanë do të prezantojnë operën “Eliksiri i dashurisë” në sallën e teatrit “Sofja”. Spektaklet janë më 25 e 26 qershor dhe janë pjesë  nga Festivali Muzikor Evropian. Ngjarjen qendrore e kemi planifikuar në Ditën Ndërkombëtare të Muzikës 1 tetor. Në sallën e madhe të koncerteve do të tingëllojë himni i Akademisë Kombëtare Muzikore, i shkruar posaçërisht për këtë rast nga akademiku Vasill Kazanxhiev, si dhe krijime të Panço Vlladigerovit, Listit e të tjerë, në ekzekutim të studentëve tanë më të mirë. Do të ketë dhe takim të rektorëve të akademive muzikore nga Evropa Lindore dhe Ballkani. Në Ditët e Dyerve të Hapura (29-31) tetor çdo një i cili ka interes, do të ketë mundësi të njihet me veprimtarinë e fakulteteve dhe të degëve të ndryshme. Ngjarja e fundit më e madhe  do të jetë më 1 nëntor - një koncert të pedagogëve tanë. Në programin bazë janë përfshirë po kështu klasat e mjeshtërisë të primës sonë të operës Krasimira Stojanova dhe të regjisores së shquar të operës Vera Nemirova.

100 vjetori do të nderohet dhe nga Ministria e Komunikacioneve me një pullë jubilare, si dhe nga Banka Popullore Bullgare, e cila po përgatit një monedhë jubile.

“Programi shoqërues tanimë filloi - shton profesoresha Taneva. Kemi planifikuar ngjarje me përkrahjen dhe të ambasadave, të qendrave kulturore tek ne dhe jashtë shtetit. Po planifikojmë dhe një koncert të interpretuesve të njohur, të cilët janë dhe shpresat e reja në radhët tona pedagogjike. Dua të shënoj se të gjitha festivalet më të mëdha tek ne i përkushtojnë koncerte këtij përvjetori. Të mos lemë pa përmendur dhe faktin se që të gjitha orkestrat simfonike dhe teatrot e operës të paktën njëherë gjatë këtij viti jubile do t’u ofrojnë skenë studentëve tanë të njohur.”

100 vjet padyshim që është një periudhë kohe mjaft respektuese, por dhe siç dihet, nëpër botë ka shkolla të larta për muzikë me një histori shumë më të gjatë. Pavarësisht nga kjo Akademia Kombëtare Muzikore u jep mundësi unike studentëve dhe mësuesve të saj, sipas Prof. Taneva, e cila ka studiuar, ka dhënë mësime dhe ka organizuar klasa mjeshtërie kudo në botë:

“Mund të them se Akademia Kombëtare Muzikore është në një vend jashtëzakonisht të lartë. Jo sepse kështu do të doja, por në bazë të shkaqeve fare objektive  - ne kemi një bibliotekë jashtëzakonisht të pasur, pedagogë të shkëlqyeshëm, një studio të shkëlqyer për regji të zërit. Por para se gjithësh mund t’i gëzohemi diçka, e cila mungon në botë - Orkestra Simfonike Akademike me të cilën studentët në degën e dirigjimit çdo javë zhvillojnë koncerte, kurse solistë janë përfaqësues të degëve skenike. Kemi dhe kor, me të cilin punojnë studentët në degën e dirigjimit koral. Pohoj se ky është një prioritet luksi i jashtëzakonshëm. Kemi se me çfarë të krenohemi dhe se çfarë t’i japim botës”.

Përgatiti në shqip: Nataniela Vasileva

Më shumë nga rubrika

Moni Simeonov

Festë verore e muzikës së dhomës

Tashmë më shumë se një javë Shkolla Muzikore Kombëtare "Ljubomir Pipkov" është mikpritëse e Festivalit të Parë Veror për Muzikë Dhome, në të cilin marrin pjesë instrumentistë të rinj bullgarë. Ngjarja përfshin trajnime, leksione, prezantime dhe një..

botuar më 21-07-09 2.13.MD

Vasill Petrov me një album romantik, turne dhe ekspozitë

“Ky është albumi im i 14, më romantik deri tani”- në këtë mënyrë xhaz këngëtari më i dashur prezanton koleksionin e tij të titulluar Love Songs vol.1. Ai përmban standarde të dashura të xhazit, kurse si një bonos vjen kënga “Strehë në shi” Looking..

botuar më 21-07-06 10.25.PD

Radka Aleksova: Unë kam përjetuar një gëzim jo tokësor në skenë

Radka Aleksova është një nga këngëtaret popullore më me stil, e dhuruar jo vetëm me zë, por dhe me një jetëgjatësi krijuese për t’u lakmuar. Ajo është në skenë më shumë se gjysmë shekulli, ka përjetuar çaste të shumta të një emocioni dhe të një..

botuar më 21-07-05 7.15.PD