Numri i të infektuarve dhe i të vdekurve me Covid-19 përsëri u rrit

Gjatë 24 orëve të fundit janë regjistruar 3860 raste të reja të koronavirusit nga 19 210 teste të kryera, tregojnë të dhënat e Portalit të Unifikuar të Informacionit. Kjo do të thotë se 20% e mostrave kanë rezultuar pozitive. Numri më i lartë i njerëzve të infektuar rishtas është në Sofje - 1029, në Plovdiv - 384, në Varna - 251, në Stara Zagora - 227 dhe në Ruse - 167. 2996 janë kuruar, 197 njerëz kanë vdekur dhe 10 402 pacientë janë në spital - 734 prej tyre në njësitë e kujdesit intensiv. 58 mjekë janë infektuar me Covid-19 nga gjithsej 12,203 që nga fillimi i epidemisë. 6479 njerëz u vaksinuan dje. Deri më tani, të imunizuarit janë 510,049, nga të cilët 102,427 me dy doza.

10% rritje e shpalljeve për punë, megjithë lock down-it  

Numri i shpalljeve për punë gjatë marsit janë rritur me 10%, megjithë lock down-it dhjetëditor, sipas platformës më të madhe për oferta te ne. Tendenca e rritjes së tyre po vëzhgohet në të gjithë sektorët e ekonomisë. Analistët vënë në dukje se punëdhënësit gjatë marsit – në kushtet e kufizimeve të vendosura,kanë reaguar në një mënyrë më të zhdërvjelltë, në krahasim me muajin e njëjtë të vitit të kaluar. Që nga fillimi i vitit 2021 tendenca e rritjes është e përhershme dhe më të kërkuar mbeten punonjësit në sektorët “Tregtia dhe shitjet”, “Prodhimi” dhe “Teknologjitë e Informacionit”.

Nderojmë kujtesën e mjekëve të vdekur nga koronavirusi me një heshtje njëminutëshe

Gjatë vitit të kaluar mbi 120 mjekë, infekrimeve, sanitarë dhe shoferë ambulancash humbën jetën e tyre, duke luftuar deri në fund kundër Covid-19 dhe duke përmbushur me dinjitet detyrën e tyre profesionale dhe morale, sipas Bashkimit të Mjekëve Bullgarë. Me rastin e Ditës Botërore të Shëndetit nesër në orën 12.00 mjekët e spitaleve dhe të qendrave të urgjencës në vend do të qëndrojnë një minutë të heshtur dhe bashkë me sirenat e ambulancave do të nderojnë kujtimin e kolegëve të tyre. Në Sofje kjo do të ndodhë përpara Monumentit të Gradave Mjekësore, i vendosur në kopshtin përpara Akademisë Ushtarake Mjekësore.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpiloi: Gergana Mançeva dhe ekipi “Lajme”

Përgatiti në shqip: Vesella Mançeva