Programi i ditës
Radioja Kombëtare Bullgare © 2022 Të gjitha të drejtat janë të rezervuara

Patrice Rayssac - francezi i cili fotografon detin bullgar

Foto: Patrice Rayssac

Çfarë është e përbashkët midis Francës Jugore dhe bregdetit verior bullgar të Detit të Zi? Ne do t’u japim një nga përgjigjet e mundshme - Patrice Rayssac

“Unë jam nga Franca Jugore, afër qytetit Toulouse. Ky është një qytet i madh i cili gjendet midis oqeanit dhe detit dhe është afër Pirenejve. Aty është shumë bukur, e këndshme dhe mjaft ngrohtë, por unë kam jetuar aty shumë vjet dhe dua të shikoj një vend të ri.”

Ky vend i ri për Patrice del se është qyteti Varna. Ai vjen për të jetuar në kryeqytetin detar bullgar përpara 7 vjetëve, i mahnitur nga mënyra e lirë e të jetuarit dhe atmosfera e qytetit. Fillon t’u japë mësime në gjuhën franceze online njerëzve nga e gjithë bota dhe të fotografojë. E përcakton veten e vet si një fotograf adhurues, kurse tema e tij e dashur është deti, të cilin ai e do fortë. Thotë se këtu në qytetin Varna zbulon vende dhe pamje të bukura, gjë e cila i jep një motivacion dhe frymëzim të madh.

“Unë e dua Bullgarinë, e dua detin dhe e pëlqej shumë qytetin Varna, sepse këtu ka Kopsht Detar, ka një plazh të shkëlqyer dhe këtu ka një atmosferë shumë speciale. Nuk ka një qytet tjetër në Bullgari me një atmosferë të tillë. Njerëzit janë të mirë”.



Patrice tanimë e flet mirë gjuhën bullgare, por pohon se nuk i ka qene fare lehtë. Ai do që të përmirësojë nivelin e tij dhe e bën këtë përmes librave të ndryshëm, të cilat i lexon në gjuhën mjaft të çuditshme për të. Dhe e gjithë kjo në emër të dashurisë së tij ndaj Bullgarisë dhe regjionit.

“Mua më pëlqen kjo pjesë nga Evropa  -këtu, në Lindje. Më pëlqen dhe Greqia dhe Rumania - që të gjitha vendet ballkanike  më janë shumë interesante. Të jetosh  gjatë gjithë jetës në një atmosferë nuk më pëlqen. Kam nevojë të shikoj vende të reja, sepse ne jemi një botë me njerëz shumë të ndryshëm. Dhe kultura, filozofia e vendeve të ndryshme më është shumë interesante.”

Nga Franca i mungojnë shumë pak gjëra - familja dhe shokët e tij, por pohon se ai përshtatet shumë lehtë dhe në Bullgari nuk i mungon asgjë.

Intervistë: Vanja Sllavova, BNR  -Varna
Përgatiti në shqip: Nataniela Vasileva
Foto: Patrice Rayssac

Më shumë nga rubrika

Nina Dimitrova – ukrainasja nga Sellanovci, e cila ra në dashuri me vallet bullgare

Gjërat e mira në jetë zakonisht na vijnë papritur. Kështu ndodhi në vitin 1995, kur gjatë festimeve në dy qytete simotra - Orjahovo në Bullgari dhe Shostka në Ukrainë, lindi dashuria mes ukrainases Nina dhe burrit të saj të ardhshëm - një bullgar,..

botuar më 22-05-23 7.15.PD

Trabanti rozë i Ina Nikollovës, apo kur ëndrrat bëhen realitet

Kur një person ka një ëndërr, asgjë nuk mund ta ndalojë atë për ta realizuar. Në rininë e saj Ina Nikollova ëndërronte që një ditë të blinte një Trabant, ta lyente rozë dhe të udhëtonte nëpër Bullgari me të. 25 vjet më vonë, ëndrra e saj u bë..

botuar më 22-05-19 7.15.PD

Bronisllav Likomanov – artisti që do të krijojë një monument të alfabetit cirilik në Los Anxhelos

Zemra, shpirti dhe e gjithë qenia e tij janë të lidhura me artet figurative. Përkushtimi që ai bën në animacionet që ka krijuar kanë fituar besimin dhe respektin e liderëve të padiskutueshëm të industrisë, duke përfshirë kompanitë Disney dhe..

botuar më 22-05-11 11.48.PD