Radioja Kombëtare Bullgare © 2021 Të gjitha të drejtat janë të rezervuara

Po fillon punë Parlamenti i ri bullgar

Foto: BGNES

Sot është seanca e parë e Legjislaturës së 45 të Kuvendit Popullor të zgjedhur më 4 prill. Nëse kërkojmë një simbolikë në zgjedhjen e datës - 15 prill, do të vëmë re se ajo është e lidhur me akoma dy ngjarje të tjera të rëndësishme, që kanë të bëjnë me historinë e parlamentarizmit bullgar.

Më 14  prill 1876 në zonën Oborishte pranë qytetit Panagjurishte u mblodh kuvendi i konsideruar si i pari popullor. Në të mbrojtësit e lirisë bullgare morën vendim të shpallin një kryengritje për çlirimin e vendit nga sundimi osman.

Vetëm tre vjet më vonë, më 17 prill 1879, në qytetin Veliko Tërnovo, u mblodh dhe Kuvendi i Parë i Madh Popullor, si një vazhdimësi e Asamblesë Kushtetuese (10 shkurt 1879-16 prill 1879), e cila miratoi ligjin themelor të vendit për 68 vitet e ardhshme - Kushtetutën e Tërnovos. Kryetar i mbledhjes-takim ishte ekzarku bullgar Antim I.  

Në kohën më të re, tradita dikton që seanca e parë e secilit parlament të ri të drejtohet nga anëtari më i vjetër i parlamentit. Pas vitit 1989 ky nder i ka rënë një numri figurash të shquara publike, mes të cilëve janë poeti Josif Petrov, historiani Andrej Pantev, aktorët Kosta Conev dhe Stefan Danaillov.....

Sot përgjegjësinë të hap Parlamentin e 45 Bullgar e ka zonja Mika Zajkova, deputete e zgjedhur nga lista e partisë “Ka një popull të tillë”. Ajo është këshilltare në vazhdim të shumë viteve mbi çështjen ekonomike në Konfederatën e Punës “Podkrepa” dhe në moshën 79 vjeçe është doajeni në parlamentin aktual.  Anëtari më i ri në Kuvendin Popullor është Sasho Savov – një ekonomist 25 vjeç, i cili ka hyrë me preferenca nga lista e partisë GERB në qytetin Haskovo.

Në Kuvendin e 45 Popullor hyjnë 6 parti. Më i madh do të jetë grupi parlamentar i partisë GERB me 75 deputetë,  ndjekur nga partia “Ka një popull të tillë” - me 51 deputetë, Partia Socialiste Bullgare (BSP) me 43 deputetë, Lëvizja për të Drejtat dhe Liritë (DPS) - me 30 deputetë , “Bullgaria Demokratike” me 27 deputetë dhe “Ngrihu! Kriminelët jashtë!”-me 14.

Seanca e parë solemne do të zhvillohet në ndërtesën historike të Kuvendit Popullor, në sheshin me të njëjtin emër në Sofje. Për këtë u morën vesh përfaqësuesit e të gjitha formacioneve politike të përfaqësuara në parlament, pa partinë GERB.


Përpiloi: Joan Kolev

Përgatiti në shqip: Nataniela Vasileva


Më shumë nga rubrika

Presidenti Radev

Presidenti paralajmëroi për rreziqet nga planet e BE-së për klimën

Pas vendimit për të zvogëluar gazrat serë me më shumë se 55% deri në 2030 dhe në mungesë të masave që mbrojnë vendet si Bullgaria, shtetet e pasura do të bëhen edhe më të pasura, ndërsa ato të varfra - edhe më të varfra dhe jokonkurruese. Kjo u..

botuar më 21-05-26 9.14.PD
Prof. Angell Dimitrov

Bullgaria insiston që Maqedonia Veriore të njohë historinë tonë të përbashkët

Historianët maqedonas humbën 3 vjet duke mos dashur të pranojnë formulën e Traktatit të Miqësisë dhe Fqinjësisë së Mirë, se Bullgaria dhe Maqedonia Veriore kanë një histori të përbashkët. Këtë e tha për bTV Prof. Angell Dimitrov, bashkëkryetar i..

botuar më 21-05-25 10.22.PD
Presidenti Rumen Radev

Rruga evropiane e Maqedonisë së Veriut kalon përmes Sofjes, tha Presidenti bullgar

Së bashku me Presidentin e Republikës së Maqedonisë së Veriut, ne jo vetëm që do të bëjmë homazhe në Romë për veprën e madhe të Vëllezërve të Shenjtë Kirill dhe Metodij, por gjithashtu do të udhëtojmë në një aeroplan, tha Presidenti Rumen Radev me..

botuar më 21-05-24 12.28.MD