“Tek dy gra në Bullgarinë Veriore me variantin britanik të Covid-19 u zbulua një mutacion i cili është në fillimin e proteinës spike në thumb“, informoi në brifingun e autoriteteve shëndetësore profesori Todor Kantarxhiev, drejtor i Qendrës Kombëtare mbi Sëmundjet Infektive dhe Parazitare. Ky është një shtam që kërkon kujdes, por nuk presim që kjo të çojë deri tek ajo e cila po e shqetëson të gjithë botën - nevoja për një vaksinim ose për një shërim të ri”, tha akoma ai. Po bëhet i ashtuquajturi “sekuenim i mutacionit” në Institutin e Biologjisë Molekulare pranë Akademisë Bullgare të Shkencave. Të dyja gratë janë mjekuar në kushte shtëpiake dhe tanimë janë të shëruara.
Po e përballojmë valën e tretë të Covid-19, masat e mara ishin në kohë, të plota dhe efektive dhe dhanë rezultat, përgjithësoi pamjen epidemiologjike ministri i shëndetësisë në dorëheqje profesori Kostadin Angellov. “Sistemi shëndetësor rezistoi pavarësisht nga presioni i madh “, shtoi ai. Sipas fjalëve të tij, tendenca për pakësimin e numrit të të sëmurëve të shtrirë në spital është e qëndrueshme dhe do të ndihet pas disa javëve. Numri i pacientëve të shëruar po vazhdon të jetë më i madh nga ky i porsa të infektuarve. Ministri vizatoiskenarë të ndryshëm për arritjen e një imuniteti kolektiv - ai më optimist është që kjo të ndodhë në fund të muajit qershor, kurse ai më pesimist - në fund të gushtit. Atëherë do të mund t’i lejojmë vetes mungesën e masave ose kufizime minimale.
Vendi ynë renditet në vendin e 11 për nga sëmundshmëria me 570 në 100 mijë veta në Bashkimin Evropian dhe në vend të 2 për nga vdekshmëria me 24 në 100 mijë veta, sipas të dhënave nga dy javët e fundit, njoftoi inspektori shtetëror shëndetësor docenti Angell Kunçev.
“Kurba e epidemisë po bie tanimë për javë të tretë të radhës dhe nëse ne mundim të ruajmë këtë ritëm, do të ecim drejt përfundimit të valës së tretë”, komentoi ai. Inspektori citon akoma rezultate, sipas të cilave po vihet renjë dyfishim i numrit të rasteve kritike - më pak të infektuar në një moshë më të ulët, por me një sëmundje më të rëndë dhe një vdekshmëri më të lartë.
Shpërbërja e Shtabit Operativ Kombëtar me urdhër të kryeministrit në dorëheqje Bojko Borisov është “absolutisht e logjikshme”, sipas profesorit Kostadin Angellov. Një strukturë e tillë mbi institucionale, e cila koordinon organet shtetërore, është e udhës të formojë kryeministri tjetër, mendon ai. Urdhri për shpërndarjen e Shtabit Operativ Kombëtar është nga data 26 shkurt, nënvizoi ministri në dorëheqje. Pavarësisht se organi tanimë nuk ekziston, ai do të vazhdojë të japë brifingje.
Sipas kryetarit të Shtabit Kombëtar të vVaksinimit profesor Krasimir Gigov më shumë njerëz janë të imunizuar me preparatin e “Phizer”-afro 307 mijë doza. Vaksina të “AstraZenekës” u është vënë rreth 240 mijë vetave, kurse të “Modernës” - rreth 71 mijë. Deri në mesin e muajit qershor presim që tek ne të mbërrijnë 3,5 milionë doza nga vaksina e “Pfizerit”, 450 mijë të “Modernës”, 1 milionë të “Astra Zenekës” dhe 500 mijë të “Jansenit”, thaBogdan Kirillov, drejtor i Agjencisë për Ilaçet.
Sipas profesorit Kostadin Angellov situata e jashtëzakonshme epidemike duhet të zgjatet edhe më një muaj, por vendimi do të merret nga kabineti i ardhshëm.
Përgatiti në shqip: Nataniela Vasileva
Në vitin 1979, Bullgaria u bë vendi i tretë në botë, pas Bashkimit Sovjetik dhe SHBA-së, që krijon ushqime kozmike. "Ne kishim gjithçka në dispozicion - fruta, perime, supa dhe të gjitha llojet e shijshme. Një person atje lart nuk e ndjen se është i..
Nxënësi i klasës së shtatë Kallojan Geshev nga shkolla e 125 e kryeqytetit "Bojan Penev" u bë tre herë kampion në llogaritjen e shpejtësisë. Ai fitoi vendin e parë në Olimpiadën e Llogaritjes Mendore, e cila u mbajt online. Kallojan shënoi 243..
Pas vitesh debatesh dhe mosmarrëveshjesh, Parlamenti Evropian më në fund miratoi javën e kaluar Paktin për Migracionin dhe Azilin. Ai prezanton solidaritetin e detyrueshëm midis shteteve anëtare në rast të fluksit të migrantëve dhe trajtim të barabartë..
Dy medalje argjendi fituan ekipet bullgare në Olimpiadën Evropiane të Shkencave Eksperimentale EOES 2024, e cila u mbajt nga 7 deri më 14 prill 2024..
Radio Bullgaria, si program i BNR-së, i botuar në 11 gjuhë, ka një audiencë të shpërndarë në gjashtë kontinente. Një pjesë e saj ka një qëndrim të..
Të lodhur nga kriza politike që vazhdon për të tretin vit me përsëritjen e pafundme të zgjedhjeve parlamentare, bullgarët nuk janë entuziastë për..