Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 408

Foto: pixabay

Pas dozës së parë të AstraZeneca e dyta mund të jetë Pfizer

Vaksina AstraZeneca nuk do të përdoret te gratë nën 65 vjeç me rrezik në rritje të trombozës dhe / ose një anamnezë të trombocitopenisë. Një vendim i tillë u mor nga Shtabi Kombëtar i Vaksinimit, njoftuan në një konferencë për shtypin Ministrin e Shëndetësisë të dorëhequr Prof. Kostadin Angellov dhe Kryeinspektorin e Shëndetit Doc. Angell Kunçev.

U zbulua gjithashtu se të gjithë njerëzit që morën dozën e parë të vaksinës AstraZeneca dhe nuk treguan ndonjë efekt serioz anësor mund të imunizohen me një dozë të dytë të së njëjtës vaksinë.

Individët e vaksinuar me dozën e parë të vaksinës AstraZeneca që nuk dëshirojnë të marrin një dozë të dytë të së njëjtës vaksinë, mund të marrin një dozë të vaksinës Pfizer jo më herët se 84 ditë pas dozës së parë të AstraZeneca. Pas kësaj vaksinimi do të konsiderohet i plotë.

Te individët me Covid-19 pas dozës së parë të vaksinës, doza e dytë do të jepet jo më herët se 6 muaj pas konfirmimit laboratorik të diagnozës.

Të mbijetuarit Covid-19 mund të vaksinohen me një skemë të plotë të imunizimit jo më herët se 3 muaj pas konfirmimit laboratorik të diagnozës.

Njerëzit që nuk duan një dozë të dytë nuk do të marrin një certifikatë vaksinimi, tha Angellov.


Shfuqëzim i masave anti-epidemike

Që nga e hëna – 19 prilli, lejohen vizitat në qendrat për fëmijë, me kushtin se përdoret jo më shumë se 50% e kapacitetit të ambienteve dhe mbahen maska nga personeli.

Lejohet zhvillimi i aktiviteteve argëtuese dhe kulturore, përsëri duke u përdorur jo më shumë se 50% e kapacitetit të ambienteve.

Kjo u përket edhe palestrave, sallave dhe komplekseve  sportive dhe pishinave. 


9% janë rastet e reja të koronavirusit gjatë 24 orëve të fundit

418 janë rastet e reja të konfirmuara të koronavirusit në vend për 24 orët e fundit, sipas të dhënave të Portalit të Unifikuar të Informacionit të publikuara në mesnatë. Kjo është 9% e 4644 testeve të kryera laboratorike. Të infektuarit janë tradicionalisht më pak të dielën. Shumica e rasteve të reja janë në qytetin e Sofjes - 125, në rrethin e Varnës - 67 dhe në rrethin e Burgasit - 26.

Nga 64 508 të infektuarit 9229 mjekohen në spitale. 783 janë në njësitë e kujdesit intensiv. 57 njerëz kanë vdekur në 24 orët e fundit. 1441 njerëz u shëruan. 1227 vaksina janë vendosur të dielën. Shumica e tyre janë të preparateve amerikane ARN të "Pfizer" dhe "Moderna". Bashkë me to, dozat totale të vendosura në vend janë tashmë 638 443.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Përpiloi: Vesella Krësteva dhe Ekipi "Lajme"

Përgatiti në shqip: Stafi i Redaksisë së Gjuhës Shqipe


Më shumë nga rubrika

Një festival origjinal mbledh njerëz nga i gjithë vendi në malin Stranxha

Edicioni i 17-të i Festivalit të Bedit /Rhododendron ponticum/ po zhvillohet këtë fundjavë në krahinën Tullpan afër fshatit Zabernovo të Mallko Tërnovos. Festa mbahet çdo vit në një vend të ndryshëm në Stranxha, por është gjithmonë në maj, kur..

botuar më 21-05-15 8.25.PD

“Libra për Plehra” në nëntë qytete bullgare

Për të nëntin vit radhazi në Bullgari do të mbahet një fushatë e madhe ekologjike kushtuar riciklimit të plastikës dhe leximit me titull "Libra për Plehra". Këtë vit mikpritësit do të jenë nëntë qytete, në dy fundjavë në maj dhe qershor. Fillimi..

botuar më 21-05-15 7.15.PD

Covid-19 në Bullgari – Dita e 433

Vaksinim masiv në vendpushimin Sllënçev Brjag Kryhet vaksinimi masiv i punonjësve në hotelet dhe restorantet në vendpushimin Sllënçev Brjag dhe sigurohet një “korridor i gjelbër” për imunizimin, si dhe mundësia për vaksinimin e të..

botuar më 21-05-14 7.29.MD