Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 423

Foto: pixabay

Bojko Borisov: Bullgaria doli nga vala e tretë e Covid-19

Bullgaria doli nga vala e tretë e koronavirusit. Kjo u njoftua nga Kryeministri i dorëhequr Bojko Borisov, duke iu referuar një studimi i Institutit “Robert Koch”.

Ai vuri në dukje se ky rezultat i mirë në vendin tonë u arrit me masa shumë më të lehta sesa në vendet e tjera ku kishte një mbyllje të plotë.

Sipas Institutit “Robert Koch”, vendi ynë tashmë po hyn në zonën në rrezik të infektimit me Covid-19 pasi të dalë nga zona e vendeve me rrezik të lartë.


9 për qind rezultuan pozitivë për koronavirus

631 janë rastet e reja të koronavirusit në Bullgari.

9.38 për qind e 6724 testeve janë pozitive, sipas të dhënave në Portalin e Unifikuar të Informacionit në mesnatë. 56 veta vdiqën me Covid-19 të konfirmuar dhe 726 u shëruan.

6706 pacientë me infeksionin e koronavirusit trajtohen në spital, 649 prej tyre - në njësitë e kujdesit intensiv.

Shumica e rasteve të reja janë në Sofje - 206, Burgas - 43, Plovdiv - 38, Varna - 33.

Në 24 orët e fundit u dhanë 8887 vaksina. Personat total të vaksinuar me dozën e dytë janë 219 833.


Korridoret e gjelbra të vaksinimit mund të zgjaten

Gati 274 000 doza të vaksinës Pfizer-BioNTech kundër Covid-19 u furnizuan në vend këtë mëngjes. Ky preparat, si dhe vaksina AstraZeneca, do të vendosen në korridoret e gjelbra të vaksinimit deri në 9 maj. Ministri i dorëhequr i Shëndetësisë Kostadin Angellov deklaroi në një konferencë se do të bëhet analizë e dozave ekzistuese të vaksinave dhe nëse është e mundur korridoret e gjelbra do të zgjaten.

Ai tha se më 10 maj do të nisë një modul, ku mjekët e përgjithshëm do të jenë në gjendje të kërkojnë numrin e vaksinave që ata dëshirojnë dhe të marrin informacione se kur mund t’i marrin ato. Për momentin, mjekët rreshtohen në radhë të mëdha për të marrë vaksinat e nevojshme.


Hotelierët mbulojnë kostot e testeve PCR të turistëve rumunë

Turistët bullgarë dhe rumunë mbizotërojnë në bregdetin verior të Detit të Zi që nga fillimi i pushimeve të Pashkëve. Këtë e njoftuan hotelierët nga vendpushimet në afërsi të Varnës para BNR. Rumunët janë gjysmë më pak se në vitin 2019. Disa hotelierë filluan të mbajnë koston e testeve PCR të turistëve rumunë, të cilat u kërkohen atyre kur të kthehen në vend. Kjo masë për të tërhequr turistë po mendohet nga hotelierë të tjerë në vend.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Përpiloi: Miglena Ivanova

Përgatiti në shqip: Svetllana Dimitrova


Më shumë nga rubrika

Jakub Kulhánek (majtas) dhe Svetllan Stoev

Bullgaria dhe Republika Çeke janë duke shkëmbyer intensivisht informacione në lidhje me shpërthimet në Varbetice

Shkëmbimi intensiv i informacionit midis Bullgarisë dhe Republikës Çeke për hetimin e shpërthimeve në një depo ushtarake në Varbetice , ku ishte i përfshirë emri i tregtarit bullgar të armëve Emilijan Gebrev, po vazhdon. Kjo u bë e qartë pas një..

botuar më 21-06-11 4.26.MD
Laura Kovesi

Fillon një procedurë e re për zgjedhjen e prokurorëve bullgarë në Prokurorinë Evropiane

Prokuroria Evropiane - PE nuk është një institucion i huaj - ajo u shërben qytetarëve evropianë, tha Prokurorja e Përgjithshme Evropiane Laura Kovesi në një konferencë shtypi në Shtëpinë e Evropës në Sofje. “Ne do të hetojmë krimet me fondet..

botuar më 21-06-11 3.49.MD
Violeta Komitova

Dhoma e Ndërtuesve është e pakënaqur nga kabineti i përkohshëm

Dhoma Bullgare e Ndërtuesve i dërgoi një deklaratë proteste Presidentit Rumen Radev. Kompanitë janë të pakënaqura me punën e qeverisë së përkohshme dhe më saktë me punën e ministres rajonale arkitektes Violeta Komitova, njoftoi BGNES...

botuar më 21-06-11 2.18.MD