Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 436

Foto: Pixabay

Organizim i ri i imunizimit kundër Covid-19

Në një video-fjalim Ministri i Shëndetësisë Dr. Stojço Kacarov u bëri thirrje qytetarëve bullgarë që të vaksinohen. "80% e atyre që vdiqën nga Covid-19 ishin bashkatdhetarë tanët mbi moshën 60 vjeç. Ju kujtoj se vaksinimi është falas. Kohëzgjatja e masave anti-epidemike varet nga kur do të arrijmë imunitet kolektiv! Vaksinimi është falas. Çdonjëri duhet të vendosë vetë duke menduar për veten e vet dhe për të afërmit e vet! Unë nuk mund t’ju ruaj nga sëmundja, në qoftë se vetë ju nuk e dëshironi!” – tha Ministri Kacarov.

Nga 18 maji do të krijohen qendra logjistike në çdo bashki. Njerëzit mbi 60 vjeç dhe të sëmurët kronikë do të imunizohen atje nga e hëna deri të enjten. Nga e premtja deri të dielën do të vaksinohen të gjithë qytetarët, që kanë dëshirë, sipas rendit të regjistrimit të tyre.


3.5% janë të infektuarit me Covid-19 gjatë 24 orëve të fundit

151 janë rastet e reja të koronavirusit në vend gjatë 24 orëve të fundit. Testet e kryera janë 4309, tregojnë të dhënat zyrtare. 3.5% e mostrave janë pozitive. Më shumë të infektuar ka në Burgas – 2, rrethet e qytetit të Sofjes - 25, Varna - 22.

34 458 pacientë janë me simptoma të shfaqura. 4858 pacientë janë të shtruar në spital. 499 trajtohen në njësitë e kujdesit intensiv.

Nëntë njerëz me Covid-19 të diagnostikuar kanë vdekur në 24 orët e fundit. 148 njerëz u raportuan të kuruar.

3390 janë vaksinat e injektuar në harkun e shënuar kohor. Me to numri total i vaksinave të bëra në Bullgari janë 1 116 741. 414 729 njerëz u imunizuan me nga dy vaksina.


Bashkohemi në kontratat e KE me Pfizer për 2 vjet

Qeveria ka vendosur të bashkohet me marrëveshjen që Komisioni Evropian arriti për vaksinat Pfizer për vitet 2022 dhe 2023. Kështu, vaksinat do të sigurohen për dy vitet e ardhshme, nëse është e nevojshme. Kjo u njoftua në një konferencë nga Ministri i Shëndetësisë Stojço Kacarov.

Sipas kontratës për furnizimin e vaksinave në dy vitet e ardhshme, vendi ynë duhet të marrë gjithsej 14 milion vaksina.

Kacarov gjithashtu tha se sipas tij nga këndvështrimi i menaxhimit të krizës, nuk është e nevojshme të vazhdojë puna e Shtabit Operativ Kombëtar. “Gjëja e rëndësishme është të bindim njerëzit që përballimi i krizës varet nga të gjithë. Detyra ime është të organizoj procesin”, shtoi Kacarov.


Sistemi bullgar i certifikimit për Covid-19 është i integruar me atë evropian

Më 14 maj përfundoi integrimi i sistemit bullgar të certifikatës digjitale që vërteton imunizimin kundër Covid-19, një test negativ ose prania e antitrupave pas një infeksioni koronavirus, me sistemet e vendeve të tjera evropiane. Kjo u njoftua nga Ministri i përkohshëm i Transportit, Teknologjisë së Informacionit dhe Komunikacioneve Georgi Todorov. Certifikata e vetme Evropiane e Gjelbër Digjitale pritet të hyjë në fuqi më 1 qershor në mënyrë që të lehtësojë lëvizjen e lirë në BE.

Todorov gjithashtu njoftoi se 500 000 receta elektronike u lëshuan tashmë në vend. Sistemi përdoret në mënyrë aktive nga mbi 2300 mjekë të përgjithshëm dhe 2100 farmaci. Një urdhëresë aktuale përcakton që pas 1 qershorit, recetat në letër do të zëvendësohen plotësisht nga ato elektronike.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.



Përpiloi: Joan Kolev dhe Ekipi “Lajme”

Përgatiti në shqip: Vesella Mançeva dhe Svetllana Dimitrova



Më shumë nga rubrika

Në zgjedhjet e 14 nëntorit pritet një aktivitet më i madh jashtë vendit

Mund të pritet që të ketë më shumë aktivitet midis bashkatdhetarëve tanë në Britaninë e Madhe dhe vende të tjera në Evropë në zgjedhjet e ardhshme parlamentare dhe presidenciale. Këtë e parashikoi para Radios Kombëtare Bullgare bullgarja Marija..

botuar më 21-09-17 11.46.PD

Blejnë më shumë makina për zgjedhjet e 14 nëntorit

Komisioni Qendror Zgjedhor (KQZ) do të blejë një shtesë prej 1600 makinash votimi pë zgjedhjet e 14 nëntorit. Kështu, vota “dy në një” për parlamentin dhe presidentin, si dhe votimin me makinë jashtë vendit do të sigurohet edhe në raundin e dytë të..

botuar më 21-09-17 11.37.PD

Në fund të javës numri i të infektuarve me Covid zvogëlohet

1724 janë sapo të infektuarve me koronavirusi në 24 orët e fundit. 8.1 për qind e 21 167 testeve të kryera ishin pozitive, sipas Portalit të Unifikuar të Informacionit. Në baza ditore, rastet u ulën me 138 të infektuar, por u rritën si përqindje me..

botuar më 21-09-17 8.53.PD