Radioja Kombëtare Bullgare © 2021 Të gjitha të drejtat janë të rezervuara

Shikoni se cilat janë këngët e preferuara të bullgarëve në historinë e Evrovizionit

Viktorija Georgieva
Foto: Eurovision

“Waterloo” i grupit ABBA është kënga e preferuar e evropianëve ndër të gjitha ato që kanë marrë pjesë në historinë 65-vjeçare të Konkursit Evrovizion. Këtë e tregojnë rezultatet e votimit në klasifikimin “Evrovizion Top 50”, i cili përfundoi në prag të edicionit të sivjetshëm të konkursit.

Sidoqoftë, auditori bullgar ka favoritë të tjerë. “If Love was a Crime” (2016) në interpretim të këngëtares Poli Genova është kënga e dashur e bullgarëve, ndër të gjitha këngët që u prezantuan në konkursin “Evrovizion” gjatë viteve. Pas saj në vendin e dytë renditet “Beautiful Mess” e Kristian Kostov (2017) dhe në vendin e tretë është kënga “Ujë” e duetit Elica dhe Stunxhi (2007). Në vendin e katërt dhe të pestë bullgarët vendosën dy hite suedeze “Euphoria” (Loreen, 2012) dhe “Waterloo” (ABBA, 1974).

Gjashtë nga 10 hitet e dashura të bullgarëve nga “Evrovizion” janë këngë bullgare që u prezantuan në konkurs, bëhet e qartë nga sondazhi.

Para dy ditësh me një ceremoni zyrtare në Roterdam u vu fillimi i konkursit “Evrovizion 2021”.

“Mbeten ditë të numëruara deri në gjysmëfinale më 20 maj dhe nuk kam durim të interpretoj këngën “Growing Up is Getting Old” në skenën më të madhe muzikore, tha përfaqësuesja bullgare në konkursin e sivjetshëm Viktorija Georgieva. “Më pëlqen të këndoj për histori personale, kjo është mënyra se si publiku të lidhet me muzikën time duke thënë me vete “ajo është si unë”. Dëshiroj t’u tregoj njerëzve se interesohem për ta. Me këtë këngë dëshiroj t’u kujtoj se duhet t’i duam familjet tona, t’i vlerësojmë të afërmit tanë, sepse jeta është e shkurtër.”

Kënga bullgare do të konkurrojë në gjysmëfinale me përfaqësuesit e 16 vendeve - San Marino, Estonia, Greqia, Çekia, Austria, Polonia, Moldavia, Islanda, Serbia, Gjeorgjia, Shqipëria, Portugalia, Finlanda, Letonia, Zvicra, Danimarka. Finalja është më 22 maj.

Nëse kënga “Growing Up is Getting Old” do të jetë ndër më të preferuarat e publikut evropian mbetet të shohim. Nëse ajo ka arritur të prekë zemrën tuaj, ju mund ta mbështesni atë më 20 maj.

Redaktore: Elena Karkallanova

Përgatiti në shqip: Svetllana Dimitrova

Më shumë nga rubrika

Bullgaria bëhet për herë të parë mikpritëse e EXIT

Festivali muzikor EXIT në Serbi është një nga ngjarjet më të mëdha dhe më të vizituara muzikore në Evropë. Pas një ndërprerje prej një viti, për shkak të pandemisë botërore nga COVID-19, gjatë muajit korrik festivali u kthye në Serbi me 20 skena..

botuar më 21-07-25 8.45.PD

"Këtu pranë meje" – albumi i ri i këngëtares së re të muzikës pop Neli Petkova

"Këtu pranë meje" është balada e cila ia dha titullin albumit të ri të Neli Petkovës . Kënga tregon për dashurinë që të jep forcën për t’i fshirë dhimbjet nga e kaluara që të mund të ecësh përpara. Muzika është nga Spas Lazarov, Dejan Asenov..

botuar më 21-07-24 11.55.PD

Muzika në çati ose sesi mblidhen "vibracionet e shpërndara"

Që të dy janë bullgarë, që të dy kanë mësuar në Holandë, janë shokë dhe e adhurojnë xhazin. Këta janë Mihaill Ivanov - kontrabas dhe Aleksandër Llogozarov - kitarë. Prej viteve çdo një prej tyre ecën nëpër rrugën e vet personale muzikore. Mihaill..

botuar më 21-07-19 2.11.MD