Kartolina, suvenire dhe dhurata shumëngjyrëshe prej lëkure, filli, argjile dhe tekstili, të punuara në punishtet sociale të “Karitas”- organizatë me një përvojë shumëvjeçare në ndihmën për grupet të prekshme njerëzish. Të gjitha punimet mbajnë dhe sjellin mesazhin e përgjithshëm - për dorën e zgjatur të një njeriu në nevojë, për kapërcimin e barrierave kulturore dhe gjuhësore dhe për një ikje nga izolimi i rëndë social.
Punëtoritë e specializuara krijuese hapin dyer në qendra të ndryshme sociale në Sofje dhe shumë shpejt bëhen një vend për takime të grave-refugjate nga brezat e ndryshme, të cilat kanë gjetur strehim dhe një shtëpi të re në vendin tonë. Mundësia të komunikojnë, të ndihen të pranuar në shoqëri dhe të dobishëm për veten e vet dhe për njerëzit përreth i ka sjellë aty, ku kontaktojnë në gjuhën bullgare, mësojnë për traditat dhe mënyrën e jetesës së vendit i cili i ka pranuar, takohen me bashkatdhetar të vet me një histori të përafërt jetike. Dobrinka Dobreva:
“Është shumë mirë se, refugjatet e ndiejnë punëtorinë sociale si një mjedis të qetë, i cili i predisponon të dalin nga izolimi i tyre. Ato kanë ardhur në kohë të ndryshme në Bullgari, por ndihen po aq të mbyllura, kurse roli i punëtorisë është tu japë mundësi të shprehin veten e vet dhe të demonstrojnë përvojën, të cilën e sjellin duke ardhur në Bullgari” thotë Sofia Bahudejlla - përkthyese në ndërmarrjen sociale dhe ndihmëse e njerëzve nga grupet e prekshme në Bullgari:
“Vështirësi më të mëdha kemi me barrierën gjuhësore. Shpesh herë refugjatët mundohen vet ta kapërcejnë, të flasin në gjuhën bullgare. Është shumë e vështirë, por mundohen, përfshihen në kurse gjuhësore dhe çfarë mësojnë, menjëherë e venë në përdorim në praktikë.”
“Mundësia të komunikoj më gëzon shumë, por po kështu se në moshën time mund të takoj njerëz të rinj dhe të ndryshëm, si bullgarë, kështu dhe refugjatë - këtë e thotë Inam 66 vjeçe nga Siria, e cila ndodhet në Bullgari prej 6 vjetëve.
“Në fillim fare nuk ishte e lehtë, por me kalimin e kohës e njoha popullin bullgar, kurse ai është një popull shumë i mirë, simpatik dhe i hapur për ne të gjithë, kështu që tani jeta ime është e lehtë. Në Siri unë kam zhvilluar një veprimtari të ngjashme sociale. Dua që ajo që mësova këtu, tani t’ua transmetojë nipërve të mi.”
Në Bullgari me të gjithë familjen e vet ka ardhur dhe Rene nga Siria. Gruaja është në moshën 64 vjeçe dhe po kështu mundohet të flasë bullgarisht, që të mund të përshtatet në mjedisin e ri:
“Vet pjesëmarrja në punëtoritë krijuese, më jep besim. Unë pëlqej të punoj me shtiza. Nga Siria kam sjell një model të shportave të punuara me dorë, ato më janë të njohura, sepse shumë herë me radhë i kam punuar aty. Tani ato punohen këtu.”
Përveç një vend për përshtatje sociale, ndërmarrja sociale është vend për shfaqjen e talentit, shkathtësisë dhe aftësive për më të rinjtë. Kështu e përcakton këtë vend Sirin - 37 vjeçe nga Palestina. Ajo ka faqe të vet në internet dhe aty eksponon artikuj të ndryshëm, për të cilët është frymëzuar në mjedisin e ndarë artistik.
“Unë jam e mirë në qepje - si me dorë ashtu dhe me makinë, kjo është në natyrën time. Ndihem shumë mirë, mësoj gjëra shumë të reja, mjedisi është shumë i dobishëm. Kurse të tjerët, të cilët i takoj këtu i ndiej si motrat e mia më të mëdha. Komunikimi me zonjat këtu është burim i ideve të shumta. Faleminderit të gjithë ekipit këtu.”
Përpiloi: Gergana Mançeva /në bazë të intervistës së Dobrinka Dobreva, BNR-“Horizont”/
Përgatiti në shqip: Nataniela Vasileva
17 janë bizonët që janë liruar dhe jetojnë të lirë në Rodopet Lindore. Ata janë të ndarë në dy tufa dhe së fundmi bizoni i parë i lindur në liri ka të voglin e tij. Fondacioni Wilder Rhodope (Rodope më të egra), i cili po punon për një projekt për të..
Bullgarët, rumunët, serbët dhe ukrainasit janë pjesëmarrësit kryesorë në rrjetet më të rrezikshme kriminale për trafikimin e qenieve njerëzore në BE për punë dhe shfrytëzim seksual. Kështu thuhet në një raport të Europolit të publikuar sot, 5..
Nënpresidentja Ilijana Jotova u takua me kryesinë e bashkisë shqiptare të Kukësit ku jeton pakica kombëtare bullgare. Ajo bisedoi me kryetarin e komunës së Kukësit Albert Halilaj dhe me nënkryetarin Agron Nuredinaj , i cili është pjesë e..
Dy medalje argjendi fituan ekipet bullgare në Olimpiadën Evropiane të Shkencave Eksperimentale EOES 2024, e cila u mbajt nga 7 deri më 14 prill 2024..
Radio Bullgaria, si program i BNR-së, i botuar në 11 gjuhë, ka një audiencë të shpërndarë në gjashtë kontinente. Një pjesë e saj ka një qëndrim të..
Të lodhur nga kriza politike që vazhdon për të tretin vit me përsëritjen e pafundme të zgjedhjeve parlamentare, bullgarët nuk janë entuziastë për..