Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Varna feston 100 vjetorin nga shpallja e saj zyrtare si një qytet turistik

Zhurmë laike, banja të ndara dhe rojë-mbikëqyrëse - ky është qyteti i Varnës përpara 100 vjetëve

Gjatë viteve 20 të shekullit të XX banjat e qytetit të Varnës kanë qenë të përmbushura me pushues, duke u kthyer në një qendër për kontakte sociale, flirte dhe dëfrime

Foto: arkiv

Pas Çlirimit qeveria lokale filloi të bënte përpjekjet e para për të zhvilluar Varnën si një destinacion detar. Për këtë qëllim u morën hua për tharjen graduale të kënetave pranë qytetit, për ndërtimin e hotelit të parë dhe krijimin dhe formimin e Kopshtit Detar. Në fillim të shekullit të XX Varna tanimë dispononte afro 20 hotele dhe dhjetëra pijetore, të cilat gëzonin klientë më të ndryshëm. Gjatë kësaj kohe këtu erdhën dhe turistët e parë të organizuar të huaj - një grup i madh francez, i cili u ankorua në portin e Varnës, që të mund të shikojë kureshtjet e afërta natyrore “Pobitite Kamëni” dhe burimet karstike të Devnjas.


Pas francezëve vijnë çekët

Ata bëhen miqtë më të shumtë të huaj në qytet. Për nder të tyre është emërtuar hoteli “Praga” në vendpushimin e sapo ndërtuar “Shën Konstantin dhe Elena”. “Katër vjet pas shpalljes së Varnës një qytet pushimor, këtu vijnë rreth 24 mijë turistë, me kusht se popullsia atëherë ka qenë rreth 30 mijë veta” - tregon Sonja Georgieva, drejtoreshë e Drejtorisë “Turizëm” pranë Bashkisë së qytetit Varna.

Në fillim fare pushuesit kanë hyrë në det me rroba, por pak nga pak, për tmerr të mbrojtësve të moralit, paraqiten dama gjithnjë e më të zhveshura me fustane “tmerrësisht” të shkurtra. Kurse meshkujt kanë shëtitur me kominoshe të thurura.

“Banjat e para kanë qenë të ndara në banja për gratë dhe për meshkujt.  Në mes, nga njëra anë e urës kanë qenë banjat e grave, kurse nga ana tjetër - ato të meshkujve. Nëpër urë ka ecur një rojë, që ka ndjekur që të mos të ketë një përzierje të grave dhe të meshkujve - tregon Sonja Georgieva.

Por, çfarë të themi për vitet e socializmit, kur Varna bëhet kryeqyteti detar i Bllokut Lindor?

Atëherë shteti lidh kontratat e para me vendet nga kampi socialist për grupe të mëdha, të cilat mbërrijnë në bazë të sindikatave. Për tërheqjen e turistëve perëndimorë, bisedohet me firmën gjermano perëndimore Fröhlich Reizen - pohon Sonja Georgieva. Gjatë viteve 60 paraqiten dhe komplekset kulturore rreth qytetit Varna. Kështu vihen themelet e turizmit masiv nëpër bregdetin tonë të Detit të Zi.

“Mund të them se gjatë viteve 2018-2019, përpara krizës lidhur me Covid-19, Varna priti rreth 1 milionë e 100 mijë turistë dhe llogaritëm rreth 4 milionë e gjysmë fjetje. Me fjalë të tjera gjatë të gjitha këtyre viteve, në një distancë prej një shekulli, turistët tanë janë shtuar nga 24 mijë deri në mbi 1 milion”, tha në përfundim Sonja Georgieva.

Përgatiti në shqip: Nataniela Vasileva

Foto: arkiv, culturespace.bg


Последвайте ни и в Google News Showcase, за да научите най-важното от деня!

Më shumë nga rubrika

Manastiri i mbijetuar i shekullit të 17-të "Shën Athanasi i Madh" mbrojti kishën dhe popullin tonë

Një bekim dhe gëzim i madh për të gjithë bullgarët ortodoksë është manastiri “Shën Athanasi” pranë qytetit të Çirpanit. Ai u themelua nga vetë shenjtori në shekullin e IV (v. 344), pranë një kështjelle të vjetër romake, pranë qytetit të atëhershëm të..

botuar më 24-01-18 7.30.PD

Të krishterët ortodoksë në Bullgari festojnë Ditën e Shën Andonit

Sot Kisha Ortodokse Bullgare nderon Osh. Andonin e Madh. Festa njihet si Dita e Andonit. Andoni konsiderohet themeluesi i murgërisë së krishterë. Sipas besimeve popullore, në Ditën e Andonit respektohen një sërë ndalimesh për t'u mbrojtur nga..

botuar më 24-01-17 6.05.PD

Një ekspozitë virtuale tregon historinë e Teatrit Kombëtar "Ivan Vazov"

Një kartolinë me pamje nga Teatri Kombëtar i ri dhe një mbishkrim në anën e pasme - "Kujtim i hapjes së teatrit. Josef Shmaha, 1907" – është pjesë e ekspozitës virtuale që mund të shihet në faqen e Muzeut Historik Kombëtar. Ajo i kushtohet 120 vjetorit..

botuar më 24-01-14 8.00.PD