Radioja Kombëtare Bullgare © 2021 Të gjitha të drejtat janë të rezervuara

Votimi i diasporës bullgare u shton vlerë zgjedhjeve në vend

Foto: Facebook /Petër Jakimov

Në votën e parakohshme parlamentare më 11 korrik për herë të parë jashtë shtetit pritet të hapen një numër rekord qendra të votimit  - më se 750. Që prej 30 vjetësh diaspora bullgare voton jashtë vendit por kjo e drejtë akoma ngjallë debate. Për analizuesin politik Petër Jakimov i cili jeton në Londër kundërshtimi gjithmonë ka qenë i çuditshëm sepse është i bindur, se historikisht populli bullgar gjithnjë ishte i integruar, jo i ndarë.

“Mendoj, se kjo është një pasojë e pushtetit komunist kur njerëzit që u larguan nga vendi shpalleshin armiq të popullit dhe të pakthyer. Për mua kjo është paksa e çuditshme pasi shumë nga bullgarët jashtë shtetit paguajnë tatime edhe në Bullgari. Duke shtuar edhe statistikat e Bankës Popullore Bullgare, sipas të cilave investitori më i madh i huaj në Bullgari është diaspora jashtë shtetit – humbet kuptimin teza se ai i cili nuk jeton  në Bullgari dhe nuk paguan tatime, nuk e ka të drejtën për të votuar.”

Jakimov mendon se është një mit thënia, se votimi i bullgarëve jashtë shtetit ndryshon rezultatin zgjedhor në vend.

“I kam gjurmuar rezultatet e zgjedhjeve prapa në kohë dhe votimi standard jashtë shtetit është diku rreth 120 -130 mijë vota.  Kjo përbën nja 3-4 për qind nga vota e përgjithshme dhe në asnjë mënyrë nuk mund të ndikojë mbi vendimet e bullgarëve të cilët jetojnë në Bullgari. Teza ime është, se zgjedhjet vendosen nga bullgarët në Bullgari, ndërsa bullgarët jashtë shtetit vetëm i shtojnë vlerë këtij rezultati.”

Petër Jakimov pret që më 11 korrik të votojnë përafërsisht 200 000 bullgarë jashtë shtetit në sfondin e rekordit nga më se 170 000 të cilët ushtruan të drejtën e tyre për të votuar në prill. Në zgjedhjet e mëparshme u përgënjeshtrua edhe statistika sipas së cilës shpërndarja e votave të diasporës për partitë është e krahasueshme me shpërndarjet e tyre në vend.

Zgjedhjet e fundit janë shumë interesante, pasi bullgarët jashtë për herë të parë nuk votuan për fituesit e këtyre zgjedhjeve. Në zgjedhjet e mëparshme, ndodhi që bullgarët jashtë vendit të ndiqnin trendin e përgjithshëm të gjërave që ndodhin në Bullgari. Këto përqindje, të cilat u shtohen votave të partive në Bullgari janë rreth 1 për qind d.m.th. nuk ka asnjë mënyrë. Deri më tani nuk ka ndodhur kurrë, që vota e bullgarëve jashtë vendit ta kthejë votën në Bullgari, sepse vota jashtë vendit është shpërndarë, nuk është e përqendruar në një parti.”

Në zgjedhjet në korrik në Britaninë e Madhe për herë të parë do të ketë më shumë seksione se sa në Turqi. Pritjet e Jakimovit janë se kjo  mund të rrisë pak numrin e votuesve por do të lehtësojë punën e seksioneve lokale.

“Ekziston një veçori e votimit jashtë vendit - kufiri për të hapur një seksion, i cili kësaj here është 40 aplikime. Por ditën e zgjedhjeve, kushdo me një pasaportë bullgare mund të shkojë në seksion dhe të votojë.”

Jakimov thekson se organizimi i votës jashtë shtetit realizohet më në veçanti me përpjekjet e mëdha të vullnetarëve, të njerëzve të cilët jetojnë në shtetet përkatëse, por me rëndësi është edhe komunikimi i mirë me ambasadat.

Për bullgarët jashtë shtetit është pa rëndësi nëse ata do të votojnë me makina apo me fletëvotime, thekson Jakimov dhe e argumenton qëndrimin e tij ashtu:

“Jashtë vendit votohet vetëm për parti. Nuk votohet me preferenca për kandidatë të caktuar. Kjo i bën gjërat më të lehta kur votohet dhe numërohen votat.”

Përgatiti në shqip: Svetllana Dimitrova

Më shumë nga rubrika

Viti i ri shkollor filloi dhe nëpër shkollat bullgare nëpër botë

Mbi 20 000 nxënës do të mësojnë gjatë vitit të ri shkollor në shkollat bullgare të së dielës jashtë vendit. Viti i ri shkollor u hap në mënyrë festive në respektim të të gjitha masave kundër epidemike, të shpallura në nivel lokal. Një nga 245..

botuar më 21-09-20 1.15.MD
Violeta Ivanova

Sindikatat duan një rritje prej 17% të pagës minimale

Paga minimale të bëhet 388 euro nga 1 janari 2022. Për këtë këmbëngul sindikata më e madhe në Bullgari Konfederata e Sindikatave të Pavarura (KNSB). Rritja në krahasim me 332 eurot aktuale është 17%. Kjo është mënyra e vetme për t'iu përgjigjur..

botuar më 21-09-20 12.26.MD

Shkenca bullgare ka një përfitim të rëndësishëm – anijen “Shenjtorët Kirill dhe Metodij”

Ideja e Bullgarisë për të pasur një anije kërkimor-shkencore për të lundruar në Oqeanin Botëror dhe mbi të gjitha në Antarktidë është shumë e vjetër, që përpara 30-40 vjetëve. Me përpjekjet e studiuesve bullgarë në Antarktidë, Instituti Bullgar i..

botuar më 21-09-20 7.15.PD