Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

A do të shpëtojë mali Vitosha nga ndotja me kanoçe alumini?

Foto: park-vitosha.org

Një pjesë nga shtëpitë e pushimit në malin Vitosha, mali i cili është në një afërsi të drejtpërdrejtë me kryeqytetin tonë, do të pajisen me makina të specializuara për kompresimin e kanoçeve prej alumini në kuadrin e iniciativës së “ Klubit Malor të Sofjes”. Në bazë të kësaj mënyre mbeturinat të cilat e ndotin mjedisin do të rikuperohen nga një kompani riciklimi, kurse mali do të ruhet nga ndotja, pohojnë ekologët e rinj.

Përpara Radio Sofjes të Radios Kombëtare Bullgare, Dora Mihajllova nga klubi malor sqaroi se pronarët e shtëpive për pushim, por dhe vetë turistët, preferojnë pijet freskuese në kanoçe dhe jo në butile:

“Këto paketime, zënë mjaft shumë vend pa qenë të kompresuar. Kjo u krijon problem shtëpive për pushim për magazinimin e tyre dhe transportin përkatës. Prandaj na lindi ideja të montojmë këto presa, të cilat i bëjnë kanoçet mjaft kompakte.”

Makinat për kompresimin e aluminit do të lejojnë që mbeturinat në fjalë të shtypen dhe të ruhen, derisa të mblidhet një sasi e mjaftueshme, pas së cilës të transportohen. Ato do të montohen vetëm nëpër shtëpitë e pushimit dhe strehimoret, të cilët shesin pije të ndryshme në paketime të ngjashme. Por, për mbrojtjen e natyrës jashtë tyre, mbështetemi tek vetëdija dhe ndërgjegjja e turistëve, të cilët duhet të mbledhin pas vetes plehrat e bëra dhe paketimet prej alumini.


Depozitat e xehes nga të cilat prodhohet alumini pothuajse janë në shterim e sipër si një resurs natyror, tregojnë të dhënat nga një studim i madh ndërkombëtar. Deri tani alumini në vendet nga Bashkimi Evropian grumbullohej bashkë me paketimet e tjera metalike. Por, sipas rregulloreve të reja, kanoçet duhet të mblidhen dhe të riciklohen veç e veç.  Si një pjesë nga Bashkimi Evropian në Bullgari deri në vitin 2025 paketimi i ricikluar i aluminit duhet të arrijë 50%, kurse deri në vitin 2030 - 60%. Në fakt, mbledhja e veçuar dhe riciklimi i paketimit të aluminit ose të ashtuquajturat kanoçe është një sfidë e re e madhe përpara biznesit dhe organizatave për rikuperimin e mbetjeve dhe mbrojtjen e mjedisit.

Përpiloi: Veneta Nikollova

Përgatiti në shqip: Nataniela Vasileva

Foto:park-vitosha.org, arkiv




Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD