Fëmijët mbi moshën 12 vjeç mund të vaksinohen kundër Covid-19 me vaksinën e "Pfizer" / "Biontech", njoftoi Ministria e Shëndetësisë. Për këtë qëllim prindërit duhet të plotësojnë një formular për pëlqimin e tyre të informuar.

Ndërkohë, Ministri i Shëndetësisë, dr. Stojço Kacarov, tha në një takim me përfaqësuesen e re të UNICEF, Christina Dorothea de Bruin, "Ne nuk kemi zgjidhje tjetër veçse të provojmë gjithçka për t'i bindur njerëzit të vaksinohen." Sipas Ministrit, ne kemi të gjitha parakushtet për imunizim, por megjithatë mbulimi i vaksinimit të popullsisë në vend mbetet i ulët.

Nga ana e saj, Christina de Bruin tha se është e gatshme ta ndihmojë fillimin e një fushate informacioni në mbështetje të vaksinave. "Kjo është e nevojshme për shkak të sinjaleve alarmuese se madje disa profesionistë mjekësorë në Bullgari janë skeptikë rreth vaksinave," tha ajo.