Radioja Kombëtare Bullgare © 2021 Të gjitha të drejtat janë të rezervuara

Deljan Vëllçev “përcjell” frymën e metrosë së Nju Jorkut në Varna

“In Transit”- projekte fotografike për tranzicionin në emocionet tona, tjetërsimin dhe artin që na tregon fytyrën e së tanishmes

10
Foto: Deljan Vëllçev

Cilët jemi duke udhëtuar  në ditët tona të përditshme? Si ndryshon gjendja jonë emocionuese? A ka një gjendje transit të mendjes? Këto janë pjesë e pyetjeve të cilat ia drejton vetes fotografi Deljan Vëllçev në fotoekspozitën e tij debutuese “In Transit”. Kurse përgjigjet sikurse janë të ngulitura në vet imazhet, të cilat janë treguar në Galerinë Artistike të Qytetit “Boris Georgiev” në Varnë.


Deljani është njeri i cili e njeh gjendjen e tranzisionit. Ai ka lindur përpara 36 vjetëve në qytetin Ruse,  rritet në qytetin Varna, kurse kur është vetëm 15 vjeç, niset bashkë me prindërit e tij për të jetuar në Nju Jork. Aty ai përfundon arsimin e mesëm, merr diplomën baçelor në fushën e arteve dhe mbaron specialitetin "Projektim Grafik”. Që nga viti 2013 e deri më sot është fotograf i lirë dhe disa vjet merret me mësimdhënie.

Deljan Vëllçev

Fotografitë  të cilat i prezanton në Varnë janë rezultat i një fotografimi për vite me radhë në Metronë e Nju Jorkut - vendin, në të cilin njëri afër tjetrit, në sedilet e afërta ose përballë mund të shikoni një ndërmjetës nga Wall Street dhe imigrant nga Meksika për shembull.

“Fillova të fotografoj në metro gjatë vitit 2014-pa një koncept, por vazhdimisht. Dhe një vit më vonë, në procesin e xhirimit dhe të meditimit, munda të formoj konceptin tim për ekspozitën e tanishme. Projekti fokusohet mbi idenë për kohën transite. Kjo është periudha, të cilën njujorkezët e kalojnë në metro, në një kalim nga njëra pjesë e kohës së tyre të përditshme drejt një pjese tjetër. Dhe në këtë tranzicion ata kalojnë nga një gjendje emocionale dhe psikike në një tjetër të tillë. Për shembull nga problemet në shtëpi, ata shkojnë në një biznes takim ose zhyten në rutinën e punës. “E pikërisht pritja dhe udhëtimi në metro është një gjendje ndërmjetëse psikologjike, e cila është në mesin e projektit tim. Duke udhëtuar në metro njerëzit qetësohen dhe e lëshojnë veten për pak dhe në këtë segment nga “pa kohësia” ata zbulojnë veten e tyre”- sqaron fotografi përpara Radio Bullgarisë. 


Fotografitë janë bërë që nga viti 2014 deri në fillimin e pandemisë. Metroja e Nju Jorkut është një qendër përmbledhëse e qytetit, sepse mbase rreth 90% nga qytetarët udhëtojnë me të. Prandaj mund të themi pa tepruar se ekspozita “In Transit” prezanton një portret të banuesve të qytetit. 


“Këto janë rreth 30 fotografi. Disa prej tyre janë portrete në një plan të afërt, kurse disa të tjera janë skena më përgjithësuese nga platformat ose vagonët. Që të gjithë kanë fytyra mbi to, njerëz, kështu që mund t’i përcaktojmë si portrete.”


Tjetërsimi ynë sot është një temë dytësore në projekt. “Kur ti fotografon fotografinë rrugore, është e pashmangshme të mos të  kapen disa nga temat kryesore në jetën shoqërore dhe publike, të cilat janë dalluese për kohën e vet. Po, tjetërsimi, largimi është diçka e natyrshme në qytetin e madh me siguri - të paktën sipas meje - telefonat, teknologjitë e reja e forcojnë këtë largësim “, thotë Deljan Vëllçev.


Fotografitë mund të shikohen në Galerinë e Qytetit të Varnës deri më 6 korrik. Deljan Vëllçev ka dëshirë që ekspozita “In Transit” shumë shpejt të tregohet dhe në shtëpinë e tij të dytë Nju Jork, por dhe në qytete të tjera të Bullgarisë. “Shpresoj që njerëzit të reagojnë në mënyrë emocionale, pasi të shikojnë fotografitë, të mund të ndiejnë ekspozitën” - thotë ai.

Foto: Deljan Vëllçev

Përgatiti në shqip: Nataniela Vasileva



Më shumë nga rubrika

Disa bullgarë e kthyen katedralen në Amsterdam në një kanavacë në të cilën "pikturuan" historinë e Van Gogh dhe Rembrandt

“Njeriu duhet të ketë vdekur shumë herë, që të mund të pikturojë në këtë mënyrë. Me shumë të drejtë e quajnë Rembrandt in “magjistari” – këtë e shkruan Vincent Van Gogh me admirim për bashkatdhetarin e tij në një nga letrat drejtuar vëllait..

botuar më 21-07-29 7.05.PD

Pjesëmarrësit në Shkollën e parë Verore në Gjuhën Bullgare në Universitetin e Tiranës morën certifikatat e tyre

Më 23 korrik 2021 Ambasadori bullgar në Shqipëri Momçill Rajçevski u dorëzoi certifikata pjesëmarrësve në Shkollën e parë Verore në Gjuhën Bullgare në Universitetin e Tiranës. Ambasadori Rajçevski theksoi Programin që po përgatitet nga të dyja vendet..

botuar më 21-07-26 8.06.MD
Rajna Kabaivanska dhe Aleksandra Mihajllova

Një grua bullgare fitoi një vend në Akademinë e Teatrit të Operës “La Scala” në Milano

Të nisesh nëpër gjurmët e mësuesit tënd - pikërisht këtë po e bën sopranoja Aleksandra Mihajllova me suksesin e saj të fundit në konkursin për këngëtarë të rinj të operës “La Scala” - në Milano. Nxënësja e primas së madhe të operës Rajna..

botuar më 21-07-25 7.35.PD