Programi i ditës

Radioja Kombëtare Bullgare © 2021 Të gjitha të drejtat janë të rezervuara

Bullgaria përkrah iniciativën e Francës dhe Gjermanisë për dialog të drejtpërdrejtë me Rusinë

Rumen Radev
Foto: EPA/BGNES

Pas pjesëmarrjes së tij në mbledhjen e Këshillit Evropian në Bruksel, Presidenti Rumen Radev tha para gazetarëve, se çështjet e hapura midis BE-së dhe Rusisë duhet të zgjidhen në një dialog të drejtpërdrejtë. Këtë e njoftoi zyra presidenciale e shtypit. Kreu i shtetit theksoi se bëhet fjalë gjithashtu për nivelin e ambicies së BE për të qenë një faktor ose një vëzhgues në një shkallë globale. Sipas tij, realizmi është i nevojshëm në gjeopolitikë dhe jo rastësisht në Këshillin e fundit Evropian ai shprehu qëndrimin se shtatë vjet sanksione nuk kanë çuar në rezultatet e dëshiruara dhe për këtë arsye është e nevojshme të kërkohen mjete të reja për të zhvilluar marrëdhëniet me Rusinë. “Ne po humbasim vetëm nga opozita e ndërsjellë dhe kjo është arsyeja pse Presidentët Biden dhe Putin dhanë sinjalin e parë në këtë drejtim”, tha Rumen Radev.

Lidhur me Planin për Rindërtimin dhe Qëndrueshmërinë e Bullgarisë, Presidenti vuri në dukje se ai duhet të zhvillohet në mënyrë të tillë që të arrijë sa më shumë njerëz të jetë e mundur dhe të çojë në modernizimin e vërtetë të vendit. Kreu i shtetit theksoi se qeveria e përkohshme po punon shumë për Planin, për të qenë ai në përputhje me kërkesat evropiane dhe për të çuar në rritje ekonomike me përparësi të qarta. Një shembull në këtë drejtim është projekti për krijimin e një sistemi të urgjencës mjekësore ajrore me 6 helikopterë, i cili do të lejojë një përgjigje brenda orës së parë pas marrjes së një sinjali emergjence.

I pyetur në lidhje me diskutimin mbi ligjin kundër pedofilisë të miratuar nga Hungaria, presidenti theksoi se dënimi i Hungarisë nuk do të zgjidhë problemin. “E drejta e vetëvendosjes është një vlerë themelore dhe duhet të përkrahet, por askush nuk e ka të drejtën t’u imponojë të tjerëve kuptimet dhe botëkuptimin e vet”, tha kreu i shtetit, duke theksuar se pala hungareze është ajo e cila mund të shpjegojë motivet për të miratuar një ligj në mbrojtje të fëmijëve dhe familjes.


Më shumë nga rubrika

Të pavaksinuarit të paguajnë për një pjesë të trajtimit të tyre kërkojnë nga spitalet

Pacientët me Covid-19 që nuk janë të vaksinuar dhe shtrihen në spitale të paguajnë një pjesë të kostos së trajtimit të tyre. Këtë do të kërkojë Shoqata e Spitaleve Bullgare nga Ministria e Shëndetësisë në lidhje me numrin e madh të njerëzve të..

botuar më 21-10-14 5.12.MD
Angell Xhambazki

Dy varreza ushtarake bullgare në Maqedoninë е Veriut u shkatërruan

Varrezat ushtarake bullgare pranë qytetit Kavadarci në Maqedoninë e Veriut u përdhosën, tha për bTV Viktor Stojanov, kryetar i Fondacionit “Maqedonia”. Të dy varrezat janë regjistruar në Ministrinë e Mbrojtjes të Bullgarisë. Ata mbajtën eshtrat e..

rinovuar më 21-10-14 4.25.MD

Bullgaria do të negociojë me BE-në për mbylljen e minierave të qymyrit deri në vitin 2040

Plani i Rimëkëmbjes dhe Qëndrueshmërisë së Qeverisë përcakton dy data për mbylljen e termocentraleve me qymyr - 2038 ose 2040, tha kryeministri në detyrë Stefan Janev. “Mekanizmi për fiksimin e kësaj date nuk është sqaruar ende, bazuar në..

botuar më 21-10-14 2.12.MD