Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ollga Borisova: Përkulem përpara gjeniut krijues të popullit tonë

Foto: Facebook/GlasoveNaTradiziata

“E falënderoj Zotin për këtë peshqesh të madh - 60 vjetorin tim në skenë dhe 80 vjetorin tim jetik, të cilin e arrita - me shumë emocion tregon këngëtarja Ollga Borisova. - Jam e lumtur se gjatë gjithë jetës jam duke kënduar këngët tona të papërsëritshme dhe tepër emocionuese popullore, fillimisht në Ansamblin për Këngë Popullore pranë Radios Kombëtare Bullgare, pas kësaj-në “Misterin e Zërave Bullgarë”. Unë u bashkova me Ansamblin gjatë vitit 1960 bashkë me këngëtare të tjera. Shumë shpejt e kuptuam se kemi zëra, por nuk kemi mjeshtëri. Aty në Radion Kombëtare Bullgare, u bëmë këngëtare. Jo rastësisht dhe deri tani unë e quaj Radion Kombëtare shtëpinë time të dytë. Më shumë se gjysma e jetës sime të vetëdijshme ka kaluar në këtë godinë, të cilën e dua kaq shumë, i dua shumë dhe njerëzit të cilët punojnë në të.”

Ollga Borisova është nga rajoni i qytetit Kjustendill  - qyteti në të cilin më 28 qershor, pikërisht në ditëlindjen së saj një festë organizon Vatra e Kulturës “Bratstvo”,/vëllazëria/ kolegë, miq dhe adhurues të saj.

“Unë kam lindur në 4 kilometra nga qyteti, në fshatin Zhilenci. Shtëpia jonë tanimë nuk ekziston, mbetën shumë pak njerëz të afërt, por është e vërtetë ajo që thonë - toka vendase ngroh dhe përmbush me energji. Le të mos tingëllojë si një mburrje por në Kjustendill unë jam shumë e dashur si këngëtare, më njohin që të gjithë. Në koncert do të marrin pjesë këngëtarë dhe instrumentistë të njohur, drejtues do të jetë Daniell Spasov. Pres e di se do të jetë e shkëlqyer”.

Si një pjesë nga “Misteri i Zërave Bullgarë”, si dhe të grupeve të tjera të dhomës, Ollga Borisova ka kënduar në dhjetëra vende në katër kontinentet. Ajo është mirënjohëse për njerëzit e mrekullueshëm me të cilët pati mundësinë të ndajë dashurinë e saj për këngën. Me shumë emocion kthehet drejt momenteve të papërsëritshme nga koncertet e “Misterit të Zërave Bullgarë” në kohën në të cilën e gjithë bota filloi të flasë për folklorin bullgar:

“Do tu tregoj për një nga koncertet tona në Nju Jork, në sallën e madhe të John F. Kennedy Center for the Performing Arts. Ajo qe e përmbushur, kishte dhe njerëz në këmbë. Në fund të koncertit këta mbi 5000 veta qëndronin në këmbë dhe trokisnin, brohorisnin, duartrokisnin. Atëherë unë për herë të parë u përlota në skenë. E ndieja veten jashtëzakonisht krenare nga fakti se jam bullgare. Në “Misterin e Zërave Bullgarë” dikur ishin këngëtare, stili i të cilave ishte një etalon - Janka Rupkina, Nadezhda Hvojneva,  Kalinka Vëllçeva,  Pavlina Gorçeva... Nuk do të përmend që të gjithë. Njerëzit nëpër botë mrekulloheshin me zërat tanë, me të kënduarit tonë pa mikrofon. Ne i shpërthenim sallat me forcën e zërave tanë. Na duartrokitën, nuk na lanë të largoheshim nga skena. Për suksesin  e këngës popullore bullgare nëpër botë merita është dhe e kompozitorëve tanë të shkëlqyer në fushën e përpunimit dhe të këngës prej autori në stilin folklorik - Filip Kutev,   Kirill Stefanov, Kosta Kolev, më të rinjtë Krasimir Kjurkçijski, Stefan Dragostinov e të tjerë. Dikur nuk ishe e pranuar që këngëtaret të krijojnë këngë, por disa e bënin, unë po kështu. Një këngë krejtësisht prej autori është “Mjeshtri Manoll” të cilën unë e incizova në Radion Kombëtare Bullgare, ndërsa më vonë Nikollaj Kaufman e përpunoi për “Misterin e Zërave Bullgarë” nën emrin “Nusja e murosur”. Si dhe kënga e korrjeve “Mesdita është o vëlla” me të cilën unë fitova çmimin e parë  në Konkursin e Radios në Bratislavë. Ka dhe të tjera.”

Gjatë viteve të fundit këngëtarja shpesh është juri nëpër festivalet e ndryshme dhe konkurset tek ne.

“Sa shumë djem e vajza të talentuar ka në Bullgari, jam shumë e çuditur. Bashkë me disa këngëtare nga “Misteri i Zërave Bullgarë”, Daniell Spasov, Milen Ivanov, të bashkuar rreth Fondacionit “Zërat e Traditës”, vendosëm t’ia transmetojmë përvojën tonë të rinjve. Unë tani po e vlerësoj se çfarë lumturi e madhe ka qenë gjatë gjithë jetës sime të këndoj këngët popullore bullgare. Unë jam shumë mirënjohëse dhe përkulem në shenjë nderimi përpara gjeniut krijues të popullit tonë”.

Përgatiti në shqip: Nataniela Vasileva





Последвайте ни и в Google News Showcase, за да научите най-важното от деня!

Më shumë nga rubrika

"Përpara" - rikthimi rok i muzikantit Toma Zdravkov

Pas një sërë eksperiencash interesante në zhanre të ndryshme dhe në skena të ndryshme, ishte çështje kohe që Toma Zdravkov t'i kthehej tingullit të papërpunuar rok me një këngë të re. Dhe siç sugjeron vet titulli i saj - "Përpara" – pasi grumbulloi..

botuar më 24-03-12 6.45.PD
Foto: YouTube / @AcademicFolkChoir

Në Paris u prezantua muzikë popullore dhe muzikë kishtare-sllave bullgare

Shembuj të jashtëzakonshëm të kulturës muzikore bullgare u prezantuan para publikut francez. Shfaqjet e Korit Popullor të Akademisë së Muzikës, Valleve dhe Arteve të Bukura në Plovdiv "Prof. Asen Diamandiev", me dirigjent prof. Kostadin Buraxhiev,..

botuar më 24-03-11 7.05.PD

"Gjithçka ishte për të mirë"

Në prag të pranverës dy nga këngëtaret e njohura bashkëkohore bullgare - Mihaella Fileva dhe Dara Ekimova - u prezantojnë fansave të tyre një këngë të përbashkët. Përveç faktit që zërat e tyre tingëllojnë së bashku për herë të parë, ato janë edhe..

botuar më 24-03-08 7.45.PD