Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tomas Vajc: Bullgaria ka pyje fantastike, një shoqëri të fortë civile dhe institucione të dobëta

Tomas Vajc
Foto: arkiv personal

Pyjet bullgare akoma kanë ruajtur një fond të mirë gjenetik, por duhet të ketë një aplikim më të rreptë të ligjit për mbrojtjen nga prerjet ilegale. Këtë e tha eurodeputeti austriak Tomas Vajc në një intervistë për Radion Kombëtare Bullgare. Bashkëpresidenti i të “Gjelbërve”  Evropianë është një specialist në fushën e pyjeve dhe të bujqësisë dhe komenton përshtypjet e tij gjatë kohës së vizitës së bërë në vendin tonë:

“Pash zona të shumta të mbrojtura dhe mund të them se, vendi juaj ka një trashëgimi fantastike. U njoha dhe me metodat e kontrollit të dëmtuesve të kulturave. Në Bullgari, si dhe në Rumani, akoma jeni duke përdorur preparate të dëmshme për insektet, kurse kjo ndikon mjaft mbi bletët. Pesticidet tek ju përdoren në sasi të mëdha”, konstaton Tomas  Vajc.

Eurodeputeti austriak është i mendimit se, situata tek ne është “deri diku shumë e mirë” për shkak të territoreve të shumta të mbrojtura, të cilat, sipas fjalëve të tij, mirëmbahen mirë.  

“Por në vendet e larguara nga rrugët kryesore me të vërtetë ka probleme me nxjerrjen e paligjshme të drurit. Por, po kështu dhe me prerjen “deri në rrënjë”.

Duke ndarë përshtypjet e tij nga parqet natyrore Rilla dhe Vitosha ai nënvizoi:

“Po vëmë re njëfarë praktikash, të cilat nuk janë sipas legjislacionit tuaj për mbrojtjen e pyjeve. Pamë prerje me një mekanizim të rëndë. Makinat lënë gjurmë mjaft serioze, gjë e cila çon deri në një erozion”.

Prerja ilegale nuk është vetëm një problem në Bullgari, ajo ekziston si problem dhe në shtete të tjera si Sllovakia ose Rumania, vuri në dukje Tomas Vajc.

“Por, një nxjerrje e ngjashme e paligjshme rastis, në qoftë se institucionet të cilat e kontrollojnë, janë të dobëta. Kjo është dhe një çështje korrupsioni. Por, këto probleme prekin dhe brezat e ardhshëm. Vë re se në Bullgari ka me të vërtetë një shoqëri civile, e cila ngrihet në mbrojtje të pyjeve dhe të mjedisit natyror. Prandaj është e nevojshme që institucionet të kryejnë punën e vet dhe të kontrollojnë vazhdimisht nëse prerja bëhet sipas rregullave.”

Sipas eurodeputetit austriak Bashkimi Evropian ka mekanizma, me anë të të cilave të sanksionojë një shtet të dhënë, po të shikojë se politika e saj nuk është në përshtatje me vlerat evropiane. Në raste të tilla mund të zbatojë dënimet e duhura, si ndalimi i fondeve ose ridrejtimi i tyre direkt drejt bashkive, në një nivel vendas. Në këtë mënyrë “mund të anashkalohet një qeveri, e cila nuk i plotëson kriteret dhe njëkohësisht qytetarët të marrin një përkrahje evropiane”, sqaroi Vajc.  

Përmes fondeve të rimëkëmbjes, vendet e mëdha qëndrojnë në një vijë me ato të vogla, vuri në dukje miku. Sipas fjalëve të tij, paratë evropiane presin planin strategjik të qeverisë bullgare për këtë sesi të përdoren, kurse vendi ynë duhet të përfitojë nga ky financim evropian.


“Duhet të jemi të sigurt se, këto para përdoren në dobi të qytetarëve, dhe jo vetëm nga bizneset e mëdha ose nga oligarkët. Këto para Bullgaria duhet t’i përdorë dhe për kalimin drejt ekonomisë së gjelbër, energjisë rinovuese, transportit publik, efikasitetit energjetik të godinave. Ky është një shans unik për shtetin, që përmes fondeve të ndryshojë modelin ekonomik, i cili do të jetë dhe modeli i ardhshëm për funksionimin e Evropës. Do t’i rekomandoja Bullgarisë që të mos mbetet prapa, të mos vonojë, por thjesht ta shfrytëzojë mundësinë”, tha Tomas Vajc në një intervistë të dhënë për Radion Kombëtare Bullgare.

Intervistë: Dobromir Videv

Përgatiti në shqip: Nataniela Vasileva

Foto: thomaswaitz.eu, arkiv, BGNES,



Последвайте ни и в Google News Showcase, за да научите най-важното от деня!

Më shumë nga rubrika

Pijet probiotike dhe menuja kozmike - Shkencëtarët bullgarë zhvillojnë me sukses ushqimet e së ardhmes

Në vitin 1979, Bullgaria u bë vendi i tretë në botë, pas Bashkimit Sovjetik dhe SHBA-së, që krijon ushqime kozmike. "Ne kishim gjithçka në dispozicion - fruta, perime, supa dhe të gjitha llojet e shijshme. Një person atje lart nuk e ndjen se është i..

botuar më 24-04-18 7.15.PD
Kallojan Geshev

Një nxënës bullgar i klasës së shtatë është tre herë kampion në llogaritjen e shpejtësisë

Nxënësi i klasës së shtatë Kallojan Geshev nga shkolla e 125 e kryeqytetit "Bojan Penev" u bë tre herë kampion në llogaritjen e shpejtësisë. Ai fitoi vendin e parë në Olimpiadën e Llogaritjes Mendore, e cila u mbajt online. Kallojan shënoi 243..

botuar më 24-04-17 9.29.MD

Parlamenti Evropian i dha një “po” përfundimtare Paktit për Migracionin dhe Azilin

Pas vitesh debatesh dhe mosmarrëveshjesh, Parlamenti Evropian më në fund miratoi javën e kaluar Paktin për Migracionin dhe Azilin. Ai prezanton solidaritetin e detyrueshëm midis shteteve anëtare në rast të fluksit të migrantëve dhe trajtim të barabartë..

botuar më 24-04-17 5.45.MD