Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Fillon punë Legjislatura e 46 e Kuvendit Popullor

Foto: Ani Petrova

Deputetja më e e moshuar - Mika Zajkova nga partia "Ka një popull të tillë" (ITN) do të bjerë zilen e parlamentit për të hapur Legjislaturën e 46 të Kuvendit Popullor të Bullgarisë. Vetëm tre muaj më parë, ajo përsëri qëndroi në tribunën parlamentare si kryetare e përkohshme, por jeta e Parlamentit të 45-të zgjati vetëm 25 ditë.

Dita e parë parlamentare do të kalojë në ndërtesën e vjetër dhe madhështore, mbi hyrjen qendrore të së cilës shkruhet motoja "Bashkimi e bën forcën". Deputetët do të betohen dhe duhet të zgjedhin Kryetarin e Kuvendit Popullor dhe zëvendësit e tij. Pritet që edhe tani të propozohet Iva Miteva nga "Ka një popull të tillë". Forca e dytë politike, GERB, ndoshta nuk do të paraqesë kandidaturë të saj, ndërsa partia e tretë – Partia Socialiste Bullgare (BSP,) do të dalë me një vendim në momentin e fundit.

Pritet që në ditën e parë të punës të parashtrohet edhe propozimi për dëgjimin e dy ministrave - Ministri i Brendshëm Bojko Rashkov dhe Ministri i Drejtësisë Janaki Stoillov. Arsyeja është kërkesa për ndërprerjen e hershme të mandatit të Kryeprokurorit Ivan Geshev, njoftoi Nikollaj Haxhigenov nga “Ngrihu! Kriminelët jashtë" /“Ngrihu BG! Ne po vijmë!” - emri i ri i formacionit/.

Por detyra më e rëndësishme e deputetëve është zgjedhja e qeverisë së re.

Sipas procedurës, pas konsultimeve politike, Kreu i Shtetit ia jep mandatin për të formuar qeverinë e re fituesit në zgjedhje. Tani kjo është partia "Ka një popull të tillë". Nëse partia e showmanit Sllavi Trifonov nuk propozon një përbërje për qeverinë e re brenda shtatë ditësh, mandati do të shkojë tek kjo e fundit - koalicioni GERB-SDS. Nëse edhe ata dështojnë, Presidenti ka të drejtën të zgjedhë se cilit grup parlamentar do t'ia japë mandatin e tretë. Ka nevojë për një minimum prej 61 deputetësh dhe një kuorum prej 121 për të zgjedhur një kryeministër dhe më pas një kabinet. Në Legjislaturën e 46-të të Kuvendit Popullor "Ka një popull të tillë" do të ketë 65 deputetë, GERB-SDS - 63, "BSP për Bullgarinë" - 36, "Bullgaria Demokratike" - 34, Lëvizja për të Drejtat dhe Liritë (DPS) - 29 dhe "Ngrihu BG! Ne po vijmë" -  13.

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Kanë kaluar dy vjet nga mandati i dytë presidencial i Rumen Radev

Më 22 janar u mbushën 2 vjet nga inaugurimi i Presidentit Rumen Radev dhe Zëvendës Presidentes Ilijana Jotova në mandatin e tyre të dytë. “Politika është legjitime kur mbron dinjitetin kombëtar, sovranitetin dhe simbolet e shtetit, kur..

botuar më 24-01-22 1.11.MD
Nikollaj Denkov

Në një intervistë për CNBC, kryeministri Nikollaj Denkov deklaroi se Ukraina po lufton për të gjithë Evropën

Ukraina nuk po lufton vetëm për territorin e saj, vetëm për vendin e saj, por edhe për të gjithë Evropën, tha kryeministri Nikollaj Denkov në një intervistë për CNBC, një pjesë e së cilës u përhap nga shërbimi për shtyp i qeverisë. Kryeministri..

botuar më 24-01-18 3.21.MD

Zëvendëskryeministrja Maria Gabriel: “Negociatat e Shengenit janë ende në vazhdim"

Ne kemi mbështetjen e Presidencës belge të BE-së për Shengenin. Kështu deklaroi zëvendëskryeministrja Maria Gabriel në Davos në përgjigje të një pyetjeje se çfarë të presim për Shengenin. “Për mua ishte e rëndësishme që tema e Shengenit të..

botuar më 24-01-18 12.16.MD