Programi i ditës

Radioja Kombëtare Bullgare © 2021 Të gjitha të drejtat janë të rezervuara

Fillon punë Legjislatura e 46 e Kuvendit Popullor

Foto: Ani Petrova

Deputetja më e e moshuar - Mika Zajkova nga partia "Ka një popull të tillë" (ITN) do të bjerë zilen e parlamentit për të hapur Legjislaturën e 46 të Kuvendit Popullor të Bullgarisë. Vetëm tre muaj më parë, ajo përsëri qëndroi në tribunën parlamentare si kryetare e përkohshme, por jeta e Parlamentit të 45-të zgjati vetëm 25 ditë.

Dita e parë parlamentare do të kalojë në ndërtesën e vjetër dhe madhështore, mbi hyrjen qendrore të së cilës shkruhet motoja "Bashkimi e bën forcën". Deputetët do të betohen dhe duhet të zgjedhin Kryetarin e Kuvendit Popullor dhe zëvendësit e tij. Pritet që edhe tani të propozohet Iva Miteva nga "Ka një popull të tillë". Forca e dytë politike, GERB, ndoshta nuk do të paraqesë kandidaturë të saj, ndërsa partia e tretë – Partia Socialiste Bullgare (BSP,) do të dalë me një vendim në momentin e fundit.

Pritet që në ditën e parë të punës të parashtrohet edhe propozimi për dëgjimin e dy ministrave - Ministri i Brendshëm Bojko Rashkov dhe Ministri i Drejtësisë Janaki Stoillov. Arsyeja është kërkesa për ndërprerjen e hershme të mandatit të Kryeprokurorit Ivan Geshev, njoftoi Nikollaj Haxhigenov nga “Ngrihu! Kriminelët jashtë" /“Ngrihu BG! Ne po vijmë!” - emri i ri i formacionit/.

Por detyra më e rëndësishme e deputetëve është zgjedhja e qeverisë së re.

Sipas procedurës, pas konsultimeve politike, Kreu i Shtetit ia jep mandatin për të formuar qeverinë e re fituesit në zgjedhje. Tani kjo është partia "Ka një popull të tillë". Nëse partia e showmanit Sllavi Trifonov nuk propozon një përbërje për qeverinë e re brenda shtatë ditësh, mandati do të shkojë tek kjo e fundit - koalicioni GERB-SDS. Nëse edhe ata dështojnë, Presidenti ka të drejtën të zgjedhë se cilit grup parlamentar do t'ia japë mandatin e tretë. Ka nevojë për një minimum prej 61 deputetësh dhe një kuorum prej 121 për të zgjedhur një kryeministër dhe më pas një kabinet. Në Legjislaturën e 46-të të Kuvendit Popullor "Ka një popull të tillë" do të ketë 65 deputetë, GERB-SDS - 63, "BSP për Bullgarinë" - 36, "Bullgaria Demokratike" - 34, Lëvizja për të Drejtat dhe Liritë (DPS) - 29 dhe "Ngrihu BG! Ne po vijmë" -  13.

Përgatiti në shqip: Vesella Mançeva


Më shumë nga rubrika

Ngjarjet me adresë ballkanike

Kabineti i Zoran Zaev mbijetoi për shkak të mungesës së kuorumit parlamentar Deputeti Kastriot Rexhepi nga partia shqiptare Besa, e cila shpalli se do t'i votojë “mosbesim” qeverisë së Kryeministrit të Maqedonisë së Veriut, Zoran Zaev, nuk..

botuar më 21-11-12 2.14.MD

10 nëntor - fillimi i tranzicionit bullgar drejt demokracisë

Më 10 nëntor 1989, një ditë pas rënies së Murit të Berlinit, gjatë plenumit të nëntorit të Komitetit Qendror të Partisë Komuniste Bullgare në Sofje, lideri shumëvjeçar komunist Todor Zhivkov u lirua nga posti i sekretarit të përgjithshëm të..

botuar më 21-11-10 6.00.PD

Pesë ditë deri në zgjedhjet 2 në 1

Bullgaria është në pragun e zgjedhjeve të treta radhazi të parakohshme parlamentare dhe të rregullta presidenciale. Fushata zgjedhore është në vijën përfundimtare, por për të kuptuar nëse mesazhet e kandidatëve arrijnë tek votuesit, duhet të..

botuar më 21-11-08 4.22.MD
Подкасти от БНР