Programi i ditës

Radioja Kombëtare Bullgare © 2021 Të gjitha të drejtat janë të rezervuara

A mund të ketë konsensus politik në Parlamentin e ri bullgar?

Foto: BGNES

Fjalimet e kryetarëve të grupeve parlamentare në Legjislaturën e 46 të Kuvendit Popullor në ditën e tyre të parë të punës, riafirmuan dëshirën për të ndryshuar modelin aktual të qeverisjes dhe ambicien për dialog me fituesin e zgjedhjeve - "Ka një popull të tillë" (ITN). Nga ana e vet, përfaqësuesit e formacionit të showmenit Sllavi Trifonov ITN i mbetën besnik imazhit të tyre të deritanishëm.

Në një intervistë për BNR prof. Ljubomir Karaxhov, pedagog në lëmin e komunikacioneve publike, na shpjegoi:

Ljubomir Karaxhov

"Me këtë sjellje dhe mënyrë komunikimi, partia i ngjan imazhit të Sllavi Trifonovit dhe dallohet nga të gjithë politikanët e tjerë që po përpiqen të jenë më të afrueshëm dhe të vendosin dialog me të tjerët. Këtu duhet të përmendim dy fakte. Zëvendëskryetari i ITN Toshko Jordanov nuk iu drejtua kryetares së Parlamentit dhe gaboi emrin e Presidentit. Mendoj se në rastin konkret kjo flet për një tension shumë të madh dhe se improvizimi nga tribuna e Parlamentit është absolutisht i papërshtatshëm."

Sipas Karaxhovit, një nga arsyet për tensionin në radhët e partisë, ndoshta lidhet me nevojën që t’i marrin parasysh rrethanat dhe jo ta zbatojnë sipas planit që nga fillimi deri në fund programin e tyre paraelektoral. Ndërkaq, për herë të dytë hapja e seancës së parë të Legjislaturës së 46 të Kuvendit Popullor nga deputetja më e moshuar, Mika Zakova, na kujtoi se ëndrrat mund të realizohen. Mika Zajkova na bëri përshtypje edhe me vizionin dhe sjelljen e saj të këndshme:

“Fjalimi i saj ishte në kufirin e politikës dhe jetës jashtë saj, të formalitetit dhe joformalitetit” - shtoi prof. Karaxhov.

Mika Zajkova nuk harroi të përmendë dhe disa nga temat aktuale, të cilët e preokupojnë shoqërinë. Ajo preku temën e shëndetësisë, biznesit dhe domosdoshmërisë që ai të përkrahet, u përmendën edhe pensionet dhe jeta e nënave me fëmijë me çrregullime. 

Megjithë deklaratat e partive të veçanta dhe dashamirësinë e Mika Zajkovës politologu Antonij Gëllëbov është skeptik se formimi i qeverisë është i mundur.

Antonij Gëllëbov

"Duhet të them qartë se mbështetja për një qeveri do të thotë marrjen e përgjegjësisë politike për veprimet e saj. Mendoj se qeveria e re e propozuar nuk do të marrë përkrahjen e domosdoshme dhe për fat të keq ka shumë të ngjarë që ky parlament të ketë një mandat shumë të shkurtër. Një skenar i tillë do të ishte më i keqi për Bullgarinë. Ne e humbasim kohën dhe çdo ditë e humbur rrit çmimin që do ta paguajmë të gjithë ne".

Në rast se ka zgjedhje të reja të parakohshme, shkencëtari politik parashikon pjesëmarrje edhe më të ulët elektorale dhe domosdoshmërinë për një përvojë shumë më të madhe politike dhe përpjekje më të mëdha për të zgjidhur një krizë të mundshme e cila përveç dimensioneve politike mund të ketë edhe dimensione ekonomike. Gëllëbov na qetësoi se deri më tani treguesit makroekonomikë të vendit janë të mirë, por "çdo ditë e humbur në favor të egoizmit partiak do të na kushtojë shumë shtrenjtë".

Përpiloi: Joan Kolev

Përgatiti në shqip: Vesella Mançeva

Foto: BGNES, BNR-Radio Pllovdiv

Më shumë nga rubrika

Angela Merkel

Një zgjidhje e menjëhershme e mosmarrëveshjes midis Sofjes dhe Shkupit është e pamundur

Nuk mund të merren vendime të menjëhershme për të zgjidhur mosmarrëveshjen midis Bullgarisë dhe Republikës së Maqedonisë së Veriut, sepse Bullgaria po përballet me zgjedhje parlamentare dhe presidenciale. Këtë e deklaroi kancelarja gjermane Angela..

botuar më 21-10-07 9.37.PD
Presidenti Rumen Radev

Në dialogun me Maqedoninë e Veriut Bullgaria mbron vlerat e BE -së

Në dialogun me Republikën e Maqedonisë së Veriut Bullgaria mbron jo vetëm interesat kombëtare, por mbi të gjitha vlerat e BE-së, të cilat bazohen në demokracinë dhe respektimin e të drejtave të njeriut. Kjo u tha nga Presidenti Rumen Radev në një..

botuar më 21-10-05 11.11.PD

Ngjarjet me adresë ballkanike

Zgjeruan zonën për orën e mbrëmjes në Greqinë Veriore Për arsye të kalimit në zonën e kuqe për nga numri i të infektuarve dhe të shtruarve në spital me koronavirus u vendos orë e mbrëmjes në rajone të reja të Greqisë Veriore. Në Selanik,..

botuar më 21-10-01 4.11.MD