Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

"Mini Shengeni" ballkanik-perëndimor do të ketë një emër të ri

Në forumin e ardhshëm ekonomik për një bashkëpunim regjional në Shkup, më 28 dhe 29 korrik, do të firmosen 3 marrëveshje, njoftoi presidenti i Serbisë Aleksandër Vuçiç, pas një bisede në video me kryeministrat e Maqedonisë së Veriut dhe të Shqipërisë Zoran Zaev dhe Edi Rama. Sipas njërës marrëveshje do të ndryshohet emri i iniciativës “Mini Shengen” shkruan blic.rs. Nëpër pikat kufitare midis të tria vendeve do të ndërtohen "korsi të shpejta" speciale për trafikimin e përshpejtuar të qytetarëve në rajon. Marrëveshja e tretë është për një përkrahje të përbashkët në raste zjarresh, përmbytjesh dhe fatkeqësish të tjera, tha Vuçiç. Po përgatitet  dhe një inspektim fito sanitar nëpër kufijtë. “Do të mundohemi të merremi vesh dhe për gjëra të tjera, do të tregojmë se mund të arrijmë edhe më larg”, shprehu bindjen Vuçiç.

Maqedonia e Veriut është gati të ndahet me Shqipërinë në rrugëtimin e saj drejt Bashkimit Evropian

Kryeministri maqedonas Zoran Zaev deklaroi në një intervistë për “Deutsche Welle” se po shpreson  për një zgjidhje të mosmarrëveshjes me Bullgarinë, me anë të qeverisë së re në Sofje. Nëse kjo nuk ndodh, ai i uron shumë fat Shqipërisë në rrugëtimin e saj drejt BE-së. I madh është zhgënjimi dhe trauma mes qytetarëve, pas bllokimit të rrugës evropiane të Maqedonisë së Veriut, por vendi nuk do të kërkojë alternativa, tha Zaev. “E dini se ka interesa të tjera të shumta këtu në Evropën Juglindore dhe në Ballkan, nga Rusia, nga Kina dhe nga bota tjetër. Por, ato nuk propozojnë vlera demokratike, nuk propozojnë vlera evropiane”, thotë Zaev. Ai është i bindur, se gjatë muajit shtator numërimi i popullsisë në vend do të jetë i suksesshëm dhe rezultatet nuk do të ndikojnë mbi të drejtat e ushtruara tashmë të grupeve etnike në Maqedoninë Veriore.

47 vjet më vonë, Qiproja mbetet po kështu e ndarë

Komuniteti ndërkombëtar  hodhi poshtë njoftimin e shpallur nga presidenti turk Recep Tayyip Erdoğan për hapjen e zonës Varosha në qytetin e okupuar Famagusta të Qipros Veriore. Nikozia reagoi ashpër dhe kërkoi përkrahje kundër cenimit të ri të statukuosë. Sekretari i shtetit i Shteteve të Bashkuara Antony John Blinken deklaroi se kjo lëvizje është në kundërshtim me Rezolutat 550 dhe 789 të Këshillit të Sigurimit të OKB-së, të cilët i bëjnë thirrje Varoshës të administrohet nga OKB-ja. Përfaqësuesi i Bashkimit Evropian mbi politikën e jashtme Josep Borrell dhe Britania e Madhe po kështu sfiduan aktin e njëanshëm. Në lidhje me 47 vjetorin nga ndarja e Qipros, Erdogani vizitoi zonën e okupimit turk.  Për herë të parë shfaqjet e Erdoganit u bojkotuan nga politikanët turq qipriotë, si ish presidentët Mustafa Akıncı dhe Mehmet Ali Talat, të cilët janë të pakënaqur nga ndërhyrja e Ankarasë në punët e brendshme të turqve qipriot, njoftoi korrespondentja e Radios Kombëtare bullgare në ishull Branisllava Bobanac.  

Bashkimi Evropian përsëri nuk i afroi Serbinë dhe Kosovën

Serbia dhe Kosova përsëri biseduan në Bruksel pa rezultat. Gazeta “Koha Ditore” shënon se Kryeministri i Kosovës Albin Kurti ka propozuar një deklaratë për paqe në 6 pikë, por ato ishin refuzuar pa u lexuar. Prishtina ka numëruar dhe akoma 11 pikë të tjera, mbi të cilat Beogradi e ka bllokuar Kosovën, por ato po kështu kanë mbetur të padëgjuar, shkruhet gjithashtu në gazetën “Koha ditore”. Kosovarët gjithashtu kategorikisht nuk e pranojnë pikëpamjen e Beogradit për "botën serbe", të cilën ata e konsiderojnë një eufemizëm për "Serbinë e Madhe". ”Me Kurtin qe e pamundur të biem dakord për asgjë. Më shumë se kurrë jam i shqetësuar për sigurinë e serbëve në Kosovë”, tha Vuçiç  pas takimit, i cili ishte i stuhishëm dhe vazhdoi më pak sa ishte i parashikuar, njoftoi televizioni shtetëror serb RTS. Vuçiç është i zemëruar nga fakti se sipas  shqiptarëve të Kosovës , kundër tyre ka pasur tre gjenocide serbe - pas Kongresit të Berlinit - gjatë vitit 1878, pas Luftërave Ballkanike - nga viti 1913 dhe gjatë vitit 1999.

Greqia ngre cepelina kundër imigrantëve të paligjshëm

Greqia bëri hapat e saj të parë drejt kryerjes së planit nga Agjencia Evropiane e Kufirit dhe Rojës Bregdetare Frontex për vërejtjen e kufijve me ndihmën e 2 cepelinave të marra nga Bashkimi Evropian. I pari nga dy aparatet e fluturimit, të cilat do të përdoren tashmë janë në Aeroportin në Alexandroupolis në Greqinë Verilindore. Cepelina e dytë duhet të vendoset në fillim të gushtit, në bazën ushtarake në afërsi me ishullin Limnos. Aerostatet janë të pajisura me kamera moderne me një diapazon që shtrihet mbi 16 kilometra, dhe do të japin një përfytyrim për lëvizjet jo vetëm nëpër det, por dhe nëpër kufirin tokësor greko-turk, transmetoi BGNES.

Kroacia dëshiron që të vendosë Nikola Tesla në centët e saj të euros

Kryeministri kroat Andrej Plenković shpalli se imazhi i fizikanit Nikola Tesla do të jetë në monedhat 50, 20 dhe 10 euro cent, kur Kroacia do të bëhet anëtare e еurozonës gjatë vitit 2023. Sipas Bankës Kombëtare Kroate, mes imazheve të tjera në prerjet kroate për monedhat euro do të jetë një tabelë shahu, një hartë gjeografike e vendit dhe alfabeti glagolik, njoftoi televizioni shtetëror HRT. Banka Kombëtare e Serbisë vlerësojë përdorimin e profilit të Teslas si "përvetësim të trashëgimisë kulturore dhe shkencore të popullit serb". Mosmarrëveshja do të zgjidhet nga Këshilli i Bashkimit Evropian sepse ai është organi që miraton përfundimisht modelin e monedhave euro," deklarojnë bankierët në Beograd, të cituar nga agjencia Tanjug.

Përpiloi: Ivo Ivanov

Përgatiti në shqip: Nataniela Vasileva

Fotos: EPA/BGNES, BE, frontex.europa.eu

Më shumë nga rubrika

Saga politike bullgare e përkthyer për të huajt

Shkëmbimi i kryeministrit dhe zëvendëskryeministrit në krye të shtetit, i rënë dakord 9 muaj më parë, mund të jetë në prag të dështimit. I ashtuquajturi rotacion midis kryeministrit në dorëheqje Nikollaj Denkov dhe zëvendës kryeministres Maria Gabriel..

botuar më 24-03-22 12.41.MD
Ne duam të kemi një qeveri, çështja është se si ta marrim kthesën pas asaj që u tha nga të dyja palët - tha lideri i GERB-it Bojko Borisov

Falja është mënyra për të vazhduar negociatat për një qeveri bullgare

Bullgaria po kalon një moment të vështirë politik, në të cilin duhet të bëhet rotacioni i parë në qeverisje në historinë tonë, i rënë dakord 9 muaj më parë kur u formua kabineti i kryesuar nga Nikollaj Denkov. Përfaqësuesja e forcës së parë parlamentare..

botuar më 24-03-20 11.32.PD
Radko Vllajkov

Shkëlqesia e Tij Radko Vllajkov: Marrëdhëniet bullgaro-rumune duhet të zhvillohen me shpejtësi evropiane

Nga shkurti i vitit 2022 Shkëlqesia e Tij Radko Vllajkov është Ambasador i Jashtëzakonshëm dhe Fuqiplotë i Republikës së Bullgarisë në Rumani. Ai ka qenë zëdhënës i Ministrisë së Punëve të Jashtme nga viti 1994 deri në vitin 2001. Ndër misionet dhe..

botuar më 24-03-20 7.20.PD