Programi i ditës

Radioja Kombëtare Bullgare © 2021 Të gjitha të drejtat janë të rezervuara

“Shtëpitë e mençura” mund të pushtojnë tregun e pasurive të paluajtshme më shpejt nga sa pritej

Foto: arkiv

Ju nevojitet që të udhëtoni për një-dy javë, por në shtëpi mbetet kafsha juaj e shtëpisë, të cilën të afërmit tuaj ose shokët duhet që ta ushqejnë çdo ditë. Dhe në këtë nuk do të kishte ndonjë gjë të pazakonshme nëse kohët e fundit nuk keni hyrë në një shtëpi të një brezi krejt të ri. Pavarësisht se për pjesën më të madhe të njerëzve kjo tingëllon në mënyrë ekzotike, e ashtuquajtura “shtëpi e mençur”, në të cilën çdo gjë mund të  kontrollohet nga distanca, pak nga pak do të bëhet një ofertë në tregun e pasurive të paluajtshme. Çdo pajisje e shtëpisë do të mund të lidhet me internetin dhe të drejtohet nga telefoni juaj mobil. Kështu , pas një dite të gjatë pune, kur ktheheni në shtëpi, shtëpia juaj do të jetë mjaft e freskuar ose e ngrohur, dyshemeja do të jetë e pastruar, kurse produktet të cilat kanë mbaruar, do t’ju presin përpara shtëpisë, meqenëse frigoriferi juaj disponon me funksionalitetin për t'i porositur ato në vendin tuaj . Në intervistën  e dhënë për Radion Kombëtare Bullgare futurologia Mariana Todorova prognozon se, një skenar i ngjashëm, mund të realizohet më shpejt nga e pritura:

Mariana Todorova

“Mundet që kjo të rastis deri më 10 vjet, sepse teknologjia nuk është shumë e ndërlikuar, tanimë ekziston dhe nuk do të jetë e shtrenjtë. Po flasim  për aplikimin e tij globalisht, sepse në nivelin e përparimit teknologjik, fenomenet zhvillohen në këtë mënyrë. Sado vonë që të vijnë në vendet, të cilat nuk janë dhe kaq të zhvilluara, vonimi nuk është dhe kaq i madh”.

Arkitektura dhe materialet nga të cilat janë të bëra banesat e së ardhmes po kështu do të ndryshojnë, është i bindur futurologia:

“Mbase këto shtëpi do të pajisen me më shumë panele fotovoltaike, të cilat do të kënaqin  nevojat e korrentit , ose do të blejnë energji elektrike me çmime më të ulëta nga godina ose objekte të tjera, të cilat i prodhojnë. Fasadat do të bëhen mbi bazën e 3D dhe 4D printimit, që do të thotë se do të mund të ndryshojnë karakteristikat e veta. Gjatë verës do të jenë në një ngjyrë të çelët, që të mos mbledhin ngrohtësi, kurse gjatë dimrit në një ngjyrë të errët, që ta akumulojnë. Në këtë mënyrë prona drejtohet në mënyrë efektive dhe do të kursejë resurse të shumta.”

Pak nga pak ndryshojnë kërkesat, të cilat blerësit i kanë për banesat të cilat i marrin me qira ose i blejnë. Gjithnjë e më shpesh, tani për tani kryesisht në vendet aziatike, njerëzit kërkojnë banesa të vogla ose fare të vogla, në të cilat mobilet mund të transformohen, kurse mobilimi është tepër modest.

Një shembull për një shtëpi funksionuese mobile, e cila mund të transformohet dhe në një hapësirë për një përdorim publik është ky i projektuar nga arkitekti Dejvid Martin. Ajo qetësisht mblidhet në një kuti e cila mund të transportohet me kamion. Pas zhbllokimit dhe me ndihmën e një mekanizimi të ndërlikuar, për disa minuta shfaqet një shtëpi, e pajisur me mobile dhe dizajn sipas shijes së klientit.  

Përpiloi: Joan Kolev

Përgatiti në shqip: Nataniela Vasileva

Foto: arkiv, Facebook /@mariana.todorova, tenfoldengineering.com

Më shumë nga rubrika

Certifikata e rreme e vaksinimit për Covid-19 – gënjim i sistemit apo ruletë ruse

Vala e katërt e Covid pandemisë po vazhdon të diktojë ritmin e jetës sonë. Në ditën e parë nga java e re e punës Ministri i Arsimit profesor Nikollaj Denkov deklaroi përpara gazetarëve se që nga fillimi i vitit shkollor janë rritur dyfish mësuesit..

botuar më 21-10-07 7.15.PD

Gjuhë e kuptueshme për të gjithë në shkollë – qëllimi i madh i pedagogëve-novatorë

Pesë vjet më parë, si mësuese e re, Aleksandrina filloi të jepte mësim në një qytet të vogël bullgar për fëmijët nga klasa e parë deri në të pestën. Por mësuesja e re u befasua kur zbuloi se shumë nga nxënësit e saj ishin analfabetë dhe dinin vetëm..

botuar më 21-10-06 12.25.MD

A po ringjallet fshati bullgar?

Vetëm tre apo katër vjet më parë Bullgaria, së bashku me Rusinë, Bjellorusinë dhe Ukrainën, kryesoi statistikat e zymta botërore me shpopullimin e shpejtë të zonave të saj rurale. Në atë kohë, parashikimi i Fondit të Popullsisë pranë OKB-së ishte..

botuar më 21-10-06 7.15.PD