Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Gjuhë e kuptueshme për të gjithë në shkollë – qëllimi i madh i pedagogëve-novatorë

Foto: educ-art.eu

Pesë vjet më parë, si mësuese e re, Aleksandrina filloi të jepte mësim në një qytet të vogël bullgar për fëmijët nga klasa e parë deri në të pestën. Por mësuesja e re u befasua kur zbuloi se shumë nga nxënësit e saj ishin analfabetë dhe dinin vetëm disa shkronja të alfabetit. Përveç kësaj, kishte fëmijë në klasën e saj që nuk flisnin fare bullgarisht.

Aleksandrina nuk është e vetmja mësuese bullgare që haset me këtë problem! 20% e fëmijëve në shkollat ​​tona fillore flasin një gjuhë amtare, ndryshe nga bullgarishtja, sipas statistikave jozyrtare të Fondacionit “Së bashku në klasë”. Më shpesh këta janë fëmijë të etnisë rome ose turke, si dhe fëmijë të refugjatëve. Por numri është i kushtëzuar dhe është e vështirë të merren të dhëna reale, vë në dukje fondacioni.

Me problemin e keqkuptimit në gjuhën bullgare përballen kryesisht mësuesit në zonat me një popullsi mbizotëruese minoritare. “Për një kohë të gjatë kisha ndjenjën se fëmijët nuk më kuptonin mirë në klasë. Fillova të kërkoj vetë zgjidhje të problemit, ”thotë Aleksandrina. Kështu, mësuesja e re filloi të kërkonte materiale dhe burime nga jashtë dhe të provonte metoda me të cilat ajo vetë kishte mësuar gjuhë të huaja. “Nxënësit e mi e mbaruan shkollën me sukses, mbetën vetëm dy që nuk dinin të lexonin dhe të shkruanin. Por problemi me ta ishte i ndryshëm - ata nuk e vizitonin shkollën, " thotë mësuesja.

Për një kohë të gjatë institucionet nuk u kushtonin vëmendjen e domosdoshme vështirësive me të cilat përballen fëmijët në shkollë me gjuhë amtare të ndryshme nga ajo bullgare. Injoroheshin edhe problemet me të cilat ndeshen mësuesit e tyre. Por e vërteta është se zotërimi i gjuhës bullgare në moshë të re është mburoja më e mirë kundër izolimit social të fëmijëve të tillë në të ardhmen.

Sipas specialistëve, të jesh një nga fëmijët e quajtur dygjuhësh është një avantazh i madh, është e bindur Vjara Mihallova, specialiste e zhvillimit të hershëm dygjuhësor nga Asociacioni EducArt. Sipas saj, shumëgjuhësia është një potencial i këtyre nxënësve, të cilin ata duhet ta përdorin në shkollë. Lajmi i mirë është se abetarja e parë bullgare për nxënësit me gjuhë amtare të ndryshme nga bullgarishtja është gati dhe e disponueshme. Manuali është gjithashtu i dobishëm për fëmijët që nuk kanë aftësi të mjaftueshme gjuhësore në shkollën fillore, si dhe për ata që jetojnë në një mjedis të huaj gjuhësor jashtë vendit.

Autorët e kanë titulluar manualin shkollor "Le të lexojmë me Asja dhe Javor" - dy emra me shkronjën e parë dhe të fundit të alfabetit bullgar. Libri shkollor shpërndahet falas në faqen e internetit prepodavame.bg dhe mësuesit mund ta përdorin atë në vitin e ri shkollor si material shtesë në zotërimin e aftësive të leximit.

Ne duam t'i ndihmojmë fëmijët dhe ata të mos e braktisin shkollën "- thotë Vjara Mihajllova, e cila është gjithashtu autore e tekstit mësimor:

Vjara Mihajllova

"Mësuesit e tjerë na thanë se fëmijët deri në klasën e 3-të dhe të 4-të kanë vështirësi në mësimin e teknikës së leximit, dhe kjo është një aftësi kryesore për arritjen e suksesit. Kështu që ne hulumtuam nevojat e tyre. Shumica e fëmijëve me të cilët punojmë kanë një gjuhë amtare rome ose turke. Ata shumë shpesh bien në kontakt me bullgarë që në moshën 5-6 vjeç. Kjo do të thotë se këta fëmijë janë gati të bëhen dygjuhësh, por ata ende nuk janë. Kur gjuha mësohet më vonë, pasi të jetë mësuar gjuha amtare, proceset janë të ndryshme dhe nxënësit kanë nevojë për mbështetje të synuar gjuhësore në shkollë. Kolegia ime Dr. Anastasia Novekova dhe unë kemi përvojë nga Gjermania, ne u diplomuam atje dhe kemi punuar në këtë fushë. Tani qëllimi ynë është të aplikojmë motivimin dhe përvojën e universiteteve ndërkombëtare në shkollën bullgare. Partneri ynë afatgjatë është Ministria e Arsimit dhe Shkencës. ”

Përpiloi: Gergana Mançeva

Përgatiti në shqip: Vesella Mançeva

Foto: educ-art.eu, prepodavame.bg, Facebook / @teachforbulgaria


Последвайте ни и в Google News Showcase, за да научите най-важното от деня!

Më shumë nga rubrika

Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD

Bullgarët janë të shqetësuar për gjëra më të rëndësishme sesa kriza politike

Për 2/3 e bullgarëve, problemet më të rëndësishme janë "papunësia" - 39 për qind dhe kostoja e jetesës - 26 për qind, sipas një sondazhi përfaqësues të Eurobarometrit nga shkurti 2024. Për 28 për qind, kujdesi shëndetësor është shqetësimi tjetër më..

botuar më 24-03-27 12.24.MD