Franca, Bullgaria dhe 8 vende të tjera të BE -së po dalin me një nismë të përbashkët në mbështetje të energjisë bërthamore, bëri të ditur agjencia AFP. Ajo do të luajë një rol të rëndësishëm në luftën kundër ngrohjes globale dhe "do të mbrojë konsumatorët evropianë nga luhatjet e çmimeve", nënvizojnë 10 vendet në një artikull të përbashkët të botuar në mediat evropiane. Deklarata është nënshkruar nga ministra të vendeve përkatëse. Përveç Francës dhe Bullgarisë, apeli u nënshkrua nga përfaqësues të Rumanisë, Republikës Çeke, Finlandës, Sllovakisë, Kroacisë, Sllovenisë, Polonisë dhe Hungarisë.