Programi i ditës

Radioja Kombëtare Bullgare © 2022 Të gjitha të drejtat janë të rezervuara

Shkëmbinjtë e Bellogradçikut – balona, verë, biçikleta, varka me dragonj dhe emocione të tjera

Fenomeni natyror shtrihet në një sipërfaqe prej njëqind kilometra katrore në zonën e Bellogradçikut dhe është një minierë ari për aventurierët

4
Foto: Evtim Stefanov

Gjatë kësaj vere një popullaritet të gjerë fituan fluturimet me ballon mbi shkëmbinjtë e Bellogradçikut, kurse stina aktive turistike përfundoi me festën tepër të veçantë me balona në fund të muajit shtator. Atëherë mbi 10 balona prej disa shteteve u ngritën bashkë lart në qiell dhe u nisën në një udhëtim të papërsëritshëm ajror mbi luginën shkëmbore. “Bellogradçik gjithnjë e më shumë po afirmohet si një Kapadokia e re në Ballkan”- është kategorik Evtim Stefanov, krijuesi i qendrës për një turizëm aventuresk në qytet. Kështu mendojnë dhe qindra njerëzit me fat, të cilët deri në këtë moment kanë realizuar fluturimin ajror. Evtimi pohon se, gjithnjë e më shumë njerëz po e vizitojnë Bellogradçikun jo për shkak të kalasë së tij të njohur ose për shpellën e afërt “Magurata”, por pikërisht që të fluturojnë me balonë mbi fenomenin natyror. Fluturimet realizohen herët në mëngjes ose përpara perëndimit të diellit, vazhdojnë nga gjysmë orë ose 1 orë, kurse itinerari përcaktohet nga shpejtësia e erës. “Piloti mund ta ngjisë balonën lartë ose më ulët, që të kapë një rrymë të caktuar  për të drejtuar fluturimin”-Vthotë Evtim dhe shton: 

“Kjo është një ndjenjë e papërsëritshme! Ngrihemi nga një fushë midis shkëmbinjve, që aty e tutje na merr era. Pjesa më e madhe e shkëmbinjve janë të lartë, me forma shumë interesante, disa kanë emra shumë kureshtare si dhe legjenda. Duke kaluar lart tyre, ju i shihni në tre dimensione nga të gjitha anët . Ulemi, ngrihemi me shpejtësi, që të ndjekim hijen e balonës mbi shkëmbinjtë dhe dielli si i ndriçon.”


Udhëtimet me biçikletë përmes luginës shkëmbore janë një mundësi tjetër të afroheni deri tek bukuria e paprishur. Kurse, nëse biçikleta juaj është elektrike edhe më mirë. “Me një biçikletë elektrike njeriu mundet për një kohë më të shkurtër të shikojë shkëmbinjtë, të kalojë përmes shtigjeve të zeza midis tyre, që të ë arrijë deri në vende, të cilat janë jashtëzakonisht të bukura, si për shembull shpella “Lepenica”, fenomeni natyror “ Guri i pishës”, ose “Kisha e kuqe”. Dhe akoma:  

“Ka itinerare, të cilat të çojnë në vendin unik “Sbegovete”, në pjesën më perëndimore të shkëmbinjve. Ndaj kësaj disa grupe përfshijnë dhe degustime të verës në kantinën e afërt. Një atraksion i ngjashëm propozohet dhe në afërsi të liqenit “Rabisha” rreth shpellës “Magurata”. Në këtë mënyrë ne zhvillojmë një produkt të ri turistik - verë dhe biçikletë, që propozohet në Francë nëpër brigjet e lumit Loara për shembull. Në Bellogradçik ne kemi kushte të shkëlqyera për çiklizëm në kombinim me prodhuesit unik të verës të cilët propozojnë verëra tipike me cilësi të lartë”- saktëson Evtim Stefanov.  

Por, çfarë të themi për varkat e dragonjve - një nga atraksionet më të freskëta vendase! Enët lundruese jo standarde, të cilat mbledhin nga 22 veta, rregullisht  e kalojnë anë e mbanë liqenin Rabishko, kurse nganjëherë do t’i shikoni sesi i çajnë dallgët e lumit Danub. “Përpara vëmë nga një daullexhi, i cili jep ritëm me një daulle të madhe. Qëllimi është që vozitësit të vozisin në mënyrë të sinkronizuar  dhe atëherë varka fluturon!”, thotë Evtim Stefanov. Gjatë kësaj vere në rajon janë organizuar disa gara me varka dragonjsh me pjesëmarrjen e entuziastëve nga i gjithë vendi.  Një mënyrë e shkëlqyer të afrohesh deri tek natyra e paprekur e Bullgarisë Veriperëndimore!  

Përgatiti në shqip: Nataniela Vasileva 

Foto: Evtim Stefanov, Veneta Nikollova


Galeria

Më shumë nga rubrika

Jesus Caballero (majtas) dhe Hristo Prodanov

Aeroporti i Sofjes do të promovojë dhe ndihmojë turizmin bullgar

Turizmi është i lidhur ngushtë me Aeroportin e Sofjes. Suksesi i turizmit është një sukses edhe për aeroportin. Ekziston një potencial për mbështetje dhe bashkëpunim të ndërsjellë, duke pasur parasysh faktin se aeroporti i kryeqytetit është dera e..

botuar më 22-01-12 10.45.PD

Studentë nga qyteti Veliko Tërnovo prezantojnë Bullgarinë në një udhërrëfyes fotografik nëpërmjet kujtimeve personale

Studentë nga Specialiteti “Turizëm” në Universitetin “Shenjtor Kirill dhe Metodij” në qytetin Veliko Tërnovo prezantuan edicionin e dytë të udhërrëfyesit fotografik “Njihuni me Bullgarinë me ne”. Ai përfshin objekte dhe vende të njohura ose pak..

botuar më 22-01-09 10.15.PD

Ide për një fundjavë dimri në Berkovica

Në vend të vendpushimeve të tejmbushura dimërore, si Bansko, Borovec ose Pamporovo, shumë njerëz zgjodhën të festojnë Vitin e Ri 2022 në qytetin Berkovica në malin Stara Pllanina në këmbët e majës Kom. Në periudhën e festave hotelet vendase,..

botuar më 22-01-06 2.09.MD
Подкасти от БНР