Big Bendi i BNR-së do të japë koncertin e parë për sezonin e ri

Big-Bendi i Radios Kombëtare Bullgare hap sezonin e tij muzikor më 21 tetor në Studion e Parë të medias sonë. Dirigjenti Antoni Donçev, i cili më shumë se 10 vjet e udhëheq orkestrën, thotë se muzikantët kanë përgatitur programe interesante që do t'i prezantojnë para fansave të tyre në muajt në vijim.

Koncerti i parë i kushtohet 50 vjetorit të Georgi Kornazovit - trombonist, kompozitor dhe aranzhues që jeton në Francë. Do të interpretohet suita e tij “Reflektime”.

Georgi ka incizuar disa albume, ndër të cilat “Forcë”, “Vetëdije” – projekti u shndërrua në një suitë, që u interpretua me Big Bendin e BNR-së, etj. Publiku bullgar e njeh dhe projektin e tij “Hije të lehta”, që u prezantua në vitin 2018 bashkë me muzikantë elitarë bullgarë të xhazit.

Përgatiti në shqip: Vesella Mançeva