Programi i ditës

Radioja Kombëtare Bullgare © 2022 Të gjitha të drejtat janë të rezervuara

Premiera bullgare e Stantchev Soul Songs

Xhaz koncerti Stançev – Lenkontan - pjesë e Festivalit “Kameralia”

Mario Stantchev
Foto: arkiv

“Gëzohem shumë se do të ekzekutoj në të njëjtën sallë, në të cilën mbajta dhe koncertin tim të parë vetjak”- thotë  xhaz pianisti Mario Stantchev përpara se të prezantojë “Këngë nga shpirti". Salla për të cilën bëhet fjalë  është në godinën legjendare në “Oborishte” numër 5, e cila për dekada të tëra strehonte Shkollën Kombëtare të Muzikës, kurse sot është një vend për ngjarje kulturore. Aty më 28 tetor është premiera bullgare e projektit të ri, një pjesë nga Festivali “Kameralia”

„Stantchev Soul Songs kështu e emërtova projektin. Doja që nën këtë titull të bashkoj stilet e mi të dashur, të cilët janë shumë të ndryshëm - në këtë mënyrë muzikanti i njohur i xhazit prezanton idenë e tij. - Në gjuhën bullgare do të ishte “Këngë nga shpirti”. Vendosa ta ndërtoj projektin rreth pianos dhe kontrabasit, ftova Christophe Lincontang - kolegu im dhe mik, I cili po kështu jeton në Lion. Shkrova pjesa të reja, përfshiva dhe disa të cilat tanimë i kam prezantuar përpara publikut. Doja që kompozicionet të pasqyrojnë dashurinë time ndaj muzikës amerikane e thënë në mënyrë më të përgjithësuar. Me paramendim nuk përmend vetëm xhaz, sepse ka po kështu soull, blus, si dhe muzikë  klasike dhe tradicionale.  Këtë projekt e prezantova disa herë në Francë, publiku e pranoi shumë mirë dhe prandaj gëzohem  se kam mundësi të prezantojmë këtë program  dhe në Festivalin “Kameralia” në Sofje.”

Mbase do të jetë mirë të rikujtojmë se, xhaz-pianisti i njohur, kompozitor dhe themelues i Departamentit të Xhazit në Konservatorin  në Lion, ku deri vonë jepte mësime, ka lindur në Sofje. Ai merr një arsim klasik muzikor në Shkollën Kombëtare Muzikore dhe në Akademinë Kombëtare Muzikore, kurse që nga fillimi i viteve 80 të shekullit të 20 jeton në Francë.

Nuk janë të pakët dhe albumet prej autori, të cilat muzikanti i nxori vetëm gjatë viteve të fundit. Mes tyre janë Jazz Before JazzMusica sin fin, Monk and More, Autumn Leaves in Sofia e të tjera.

Pavarësisht se është i angazhuar vazhdimisht me projekte të ndryshme dhe shfaqje në Francë dhe në Evropë, Mario thotë se gjithmonë me padurim pret koncertet në atdhe. Kurse tani mbase emocioni nga koncerti shtohet dhe nga kujtimet e tij lidhur me vendin në të cilin do të zhvillohet:

“Pikërisht kështu! Kjo është shkolla muzikore e dashur, të cilën e njohim nga koha e kaluar. Aty për herë të parë realizova një program vetjak. Në ato vite unë kisha pësuar tendinit, pata probleme dhe kalova tek boria, vetëm e vetëm të jem në Shkollën Muzikore. Në fakt, isha nxënës në pianon e detyrueshme (të cilën e mësojnë që të gjithë instrumentistët dhe këngëtarët, për të cilët nuk është një instrument bazë). Por, një mësuese shumë inteligjente Anna Ilievska, vendosi të merret me arsimimin tim dhe më bëri pianist. Atëherë luajta “Tre prelude për piano” të Gershwin-it.Ishteshumë zbavitëse, sepse 2 vjet më parë më përjashtuan nga po kjo shkollë për shkak se ekzekutoja pikërisht këto pjesa-muzika amerikane akoma nuk ishte e mirëseardhur në Bullgari. Kurse tani, në të njëjtën sallë, do të prezantojmë xhaz projektin tim të ri, që për mua është një kënaqësi e madhe.”

Publiku në Sofje më 29 tetor dhe në Plovdiv më 2 nëntor do të ketë mundësinë të dëgjojë Mario Stantchev dhe në një program tjetër, bashkë me Hristo Jocov (bateri) dhe Boris Taslev (kontrabas). “Pjesët të cilat do t'i interpretojmë janë prej autori, si dhe xhaz standarde të njohura. Janë të zgjedhura kështu që të jenë të përshtatshme për një atmosferë dhome të klubeve të njohura, në të cilat do të jenë koncertet”

Përgatiti në shqip: Nataniela Vasileva


Më shumë nga rubrika

Orlin Pavllov me Big Bend-in e BNR-së

Big Bendi i BNR-së dhe Orlin Pavllov në një aventurë emocionuese Krishtlindjesh

Koncerti i Krishtlindjeve i Big Bend-it të Radios Kombëtare Bullgare këtë vit është më 17 dhjetor në sallën “Bëllgara” në kryeqytet. Solist është Orlin Pavllov, të cilin e njohim si vokali i grupit “Kaffe” në fillim të karrierës së tij, e më vonë..

botuar më 21-12-17 11.56.PD

Koncert në Radion Kombëtare Bullgare me rastin e Ditës së Krishtlindjeve në Euroradio

Ansambli Gli Accordatiu shfaqet spontanisht në vitin 2014, si një realizim i një ëndrre të mbajtur prej kohësh , si një formacion i këndimit, si një shprehje e miqësisë. Këtë e tregon dhe emri ynë – “i akorduar”. Me njëri-tjetrin, ndaj njëri-tjetrit,..

botuar më 21-12-14 12.10.MD

Rosen Genkov: "Kurrë mos lejoni që të thahet rrënja e traditës”

Rosen Genkov është një muzikant i shquar në artin tonë tradicional bashkëkohor. Ai ka lindur në Sofje dhe akoma si fëmijë i njeh këngët e krahinës shope dhe mënyrën e interpretimit në fshatrat e afërta Kokaljane dhe Pançarevo (sot..

botuar më 21-12-14 7.15.PD
Подкасти от БНР