Programi i ditës
Radioja Kombëtare Bullgare © 2022 Të gjitha të drejtat janë të rezervuara

Për të gjashtin vit radhazi në Sofje zhvillohet nisma "Poezia në metro"

Foto: Facebook / @polski.institut.sofia

A ka vend për poezinë në jetën tonë të përditshme, plot frika dhe kufizime? Duket edicioni i gjashtë i nismës “Poezia në metro” i jep një përgjigje të qartë kësaj pyetjeje.

Nga data 8 nëntor deri më 20 dhjetor, Instituti i Kulturës i Polonisë në Sofje dhe “Gazeta Letrare”, në partneritet me Bashkinë e Sofjes, do të na afrojnë edhe një herë me poezinë, pa pritshmëri paraprake. Vjershat e 14 autorëve evropianë, në origjinal dhe të përkthyera në bullgarisht, do të sjellin emocion dhe bukuri në vagonët dhe stacionet e metrosë së Sofjes. Për herë të parë një iniciativë e tillë u zhvillua në Poloni dhe shkaktoi një reagim të madh, dhe në vitin 2015, me idenë e drejtorit të atëhershëm të Institutit të Kulturës të Polonisë në Sofje Yaroslav Godun "Poezia në metro" u zhvillua edhe në Bullgari, së bashku me EUNIC Cluster Bulgaria (rrjeti i qendrave kulturore të vendeve të Bashkimit Evropian).

"Çdo vit, zgjedhja se cilat vepra dhe autorë do të përfshihen bëhet nga vetë qendrat kulturore," tha para mikrofonit të Radio Bullgarisë Pamela Kaczmarek, një bashkëpunëtore në Institutin e Kulturës të Polonisë në Sofje.- Për ne, si organizatorë, është e rëndësishme që kjo të jetë poezia bashkëkohore e shekullit XX dhe XXI për të treguar shkrimtarët e sotëm, ata që lexohen tani dhe janë të rëndësishëm për vendet pjesëmarrëse. Shpresoj shumë që projekti ynë jo vetëm që do ta bëjë udhëtimin me metron më të këndshëm, por edhe do të ngrejë shpirtin e pasagjerëve."

“Gjatë këtyre viteve u shfaqën shumë autorë cilësorë bullgarë dhe ndërkombëtarë, me një gamë shumë të gjerë tematike. Kështu u tërhoqën lexues të rinj, një audiencë e re, që është merita më e madhe e projektit”, thotë për Radio Bullgarinë Prof. Amelia Liçeva, kryeredaktore e “Gazetës Letrare”. Kjo që asaj i bën përshtypje është se në qendër të vjershave të përzgjedhura të këtij viti është vendosur theksimi më serioz i së përditshmes, i së tashmes.Janë prekur tema ekzistenciale, si dashuria, vdekja, udhëtimi drejt shpirtërores, por ka shumë vjersha që i kushtohen vetë poezisë - një gamë e gjerë temash në të cilat secili lexues mund të gjejë diçka për veten e tij, mjafton ta ngrejë kokën dhe të shikojë para tij, thotë Prof. Liçeva. Ajo dhe ekipi i saj kanë për detyrë që çdo vit të zgjedhin autorin nga Bullgaria. Tani ata u ndalën njëzëri te mjeshtri i vargut të shkurtër, i cili tregon histori dhe zbulon të vërtetën - Petër Çuhov.

“Petër Çuhov është një nga poetët më të mirë dhe interesantë bashkëkohorë bullgarë. Ai shkruan edhe vepra mjaft të shkurtra, gjë që ishte e rëndësishme për zgjedhjen tonë, sepse vargjet duhet të jenë të forta dhe të shkurtra që të mund të perceptohen më lehtë dhe më shpejt nga njerëzit. Përveç kësaj, këtë vit Petër Çuhov feston 60 vjetorin e tij dhe botoi shumë libra të rëndësishëm”.

Është një fakt kurioz që Hungaria merr pjesë në iniciativë me një haiku të Akosh Fodor, që do të dalë në bullgarisht përkthyer nga vetë Petër Çuhov. Ndërsa iniciatorët e projektit - Polonia, do t'i japin nder një prej artistëve më të rëndësishëm të shekullit të kaluar - Tadeusz Różewicz.

E reja këtë vit në projekt është se përveç poezisë së paraqitur në mënyrë statike në bullgarisht dhe në origjinal në 13 gjuhë të tjera evropiane, është përgatitur një animacion, i cili do të projektohet në ekranet e stacioneve të metrosë në kryeqytet. Është vepër e grafistes Anna Simeonova. Dhe Prof. Amelia Liçeva është e sigurt se madje të lexoni vetëm një vjershë në pritje të trenit të radhës, kjo do t’ju provokojë për të lexuar më shumë, përfshi këtu dhe poezi.

Sepse në situata si kjo e sotme, me shumë kriza, mendoj se poezia është një mënyrë për të gjetur disa përgjigje për veten tuaj”, tha ajo.

Partnerë mediatikë të nismës janë Radio Kombëtare Bullgare dhe Televizioni Kombëtar Bullgar.

Përgatiti në shqip: Vesella Mançeva

Foto: Facebook / @polski.institut.sofia


Më shumë nga rubrika

Viktoria Angellova-Vinarova. Sofje, Galeria e Arteve, Sheshi Shën Aleksandër Nevski, 1932-33 dhe Ministria e Ndërtimeve Publike, Rrugëve dhe Punëve Publike

Një ekspozitë ndjek rrugën e grave arkitekte në Bullgari dhe Gjermani

A e dini se ndërtesa e "Bibliotekës së kryeqytetit" në sheshin "Sllavejkov" në Sofje është projektuar nga një prej arkitekteve më të mira femra në Bullgari - Viktoria Angellova, në vitin 1926. Dhe nëse tani po pyesni veten se pse ky fakt është kaq..

botuar më 22-07-04 5.29.MD
Foto: Muzeu Historik Regjional - Plovdiv

Plovdivi nderon me ekspozitë donatorin më të madh në shëndetësinë bullgare

Në vitin 2022 mbushen 160 vjet nga lindja e Dimitër Petrov Kudogllu, i njohur akoma si donatori më i madh i shëndetësisë bullgare.Lidhur me këtë në pjesën lindore të Kopshtit “Mbreti Simeon” në qendër të qytetit është renditur një ekspozitë..

botuar më 22-07-04 11.10.PD

Georgi Gospodinov zbulon mesazhet e fshehura të kartëmonedhave bullgare

Shkrimtari Georgi Gospodinov prezantoi në qytetin Burgas një nga veprat e tij më pak të njohura me titull “Në të çarat e kanunit”. I ndarë në dy pjesë, libri zbërthen disa nga veprat më pak të njohura të klasikëve bullgarë si Hristo Botev,..

botuar më 22-07-03 9.25.PD