Vetëm orë na ndajnë nga momenti, në të cilin do të mësojmë emrin e kreut të ri të shtetit të Bullgarisë për 5 vitet e ardhshme. Pas zgjedhjeve të rregullta parlamentare më 4 prill, filluam të jetojmë në një fushatë të vazhdueshme parazgjedhore, e cila pushtoi të përditshmen brenda dhe jashtë vendit. Prandaj motivi kryesor i bullgarëve për të votuar sot është shpresa për një stabilitet afatgjatë. Pikërisht në personin e presidentit ata kërkojnë një dorëzanë për të, sepse detyra e tij sipas Kushtetutës është të jetë bashkues në kohë pasigurie sociale dhe politike.
Radio Bullgaria i pyeti bashkatdhetarët përtej kufirit, cilat janë cilësitë që duhet të posedojë një kandidat i denjë për postin e kreut të shtetit dhe me çfarë pritshmëri e rëndojnë personalitetin e tij.
“Votojmë për një president të ndershëm, i cili mund të përfaqësojë Bullgarinë jashtë shtetit – thekson Antonina Dellçeva. – Një njeri inteligjent, që flet rrjedhshëm gjuhë të huaja, i aftë të pranojë kritikat dhe ndryshimet. Bullgaria duhet të kalojë përmes reformave dhe ndryshimeve të thella, sepse nuk është e mundur të vazhdojë të ekzistojë sipas modelit aktual” – është e bindur bashkatdhetaria jonë e cila jeton në Londër.
Margarita Takaç, e cila zgjodhi Gjermaninë për shtëpinë e vet, bashkë me familjen, thekson se megjithëse duket shumë përfaqësive, institucioni i presidentit ka kompetenca kyçe për vendin. Ndër to janë mundësia për të miratuar disa nga emërimeve në pushtetin gjyqësor, për të ushtruar kontroll në disa nga organet rregullatorë, nëpërmjet emërimeve të tyre atje, si dhe për të thënë fjalën e fundit në miratimin e ndryshimeve në legjislacion. Bashkatdhetaria jonë shprehu shpresë, se megjithëse deri tani për kreun e shtetit zgjidhej gjithmonë një burrë, deri në zgjedhjet e ardhshme presidenciale shoqëria do të jetë e gatshme të mbështesë edhe një grua në këtë post.
Ndërsa pritjet ndaj presidentit janë universale, pavarësisht nga gjinia dhe viti, në të cilin zhvillohen zgjedhjet.
“Presidenti duhet të jetë një njeri me integritet, me një sistem të qëndrueshëm vlerash dhe me moral të lartë, një garantues gjë për të cilën duhet të jetë e kaluar e tij – vazhdon arsyetimin e saj Margarita. - Ai duhet të jetë një autoritet që ngjall besim dhe respekt te njerëzit, të jetë në gjendje të shprehë mesazhet e tij në mënyrë të arritshme dhe të kuptueshme dhe të ketë guximin të qëndrojë pas vendimeve jopopullore që janë në interes të kombit. Shpresoj që presidenti i ri bullgarë të ketë pozita parimore mbi çështjet e politikës së jashtme pa demonstruar varësi. Pres që ai të njohë problemet e shoqërisë, të mos përdorë populizmin dhe të japë shembull dhe ide personale për zgjidhjen e tyre.”
Të jetë i paanshëm, të mund të flasë hapur si me partitë politike, ashtu dhe me çdo shtetas bullgar, pret nga kreu i ri i shtetit Nikollaj Vllajkovski, i cili jeton dhe punon në qytetin Reding të Britanisë së Madhe.
“Kushtetuta i ka dhënë mjaftë pushtet institucionit presidencial dhe presidenti nuk duhet të këmbëngulë për kompetenca të reja më të gjera – është kategorik bullgari. - Ne nuk jemi dhe nuk duhet të bëhemi republikë presidenciale, kreu i shtetit duhet të jetë mbi partitë, i gatshëm për vendime të shpejta në kohë krize, të ketë këshilltarë të mençur dhe të pa korruptuar. Nuk duhet të harrojmë, se në se do të shkelë rregullat, do të humbë besimin e popullit dhe rrezikon për të arritur procedurën e shkarkimit të parakohshëm nga posti.”
Themeluesja e Shkollës Bullgare “Asen dhe Ilija Pejkovi” në Romë – Veneta Nenkova, është njeri prej atyre shtetasve bullgarë jashtë shtetit, dashuria dhe lidhja e të cilëve me atdheun nuk pushojnë së ekzistuari, por forcohet me kalimin e viteve. Ajo na siguroi se si ajo, e ndjejnë veten shumë bullgarë, të cilët i kushtojnë kohën dhe aftësitë mirëqenies së Bullgarisë.
“Shpresoj sinqerisht që presidenti i ardhshëm i Bullgarisë të jetë i hapur dhe i ndjeshëm ndaj problemeve të bullgarëve jashtë shtetit – ndau Nenkova. – Për bullgarët jashtë shtetit Bullgaria është po aq e shtrenjtë siç për të gjithë që jetojnë në atdheun tonë.”
Përgatiti në shqip: Svetllana Dimitrova
Bullgaria shënon Ditën Botërore të Ujit - 22 Mars me ngjarje të shumta në mbarë vendin. Këtë vit, tema e Ditës Botërore të Ujit të OKB-së është "Uji për Paqe", duke theksuar aksesin e pabarabartë në ujë në mbarë botën dhe nevojën për të mbrojtur dhe..
Nuk do të mjaftojë më ndërtimi i ndërtesave më të gjelbra, por duhet të rinovohen edhe ato ekzistuese. Ritmi i rinovimit të ndërtesave të vjetra në Bashkimin Evropian është shumë nën pritshmëritë - vetëm 1% dhe 1.5% çdo vit, por për të arritur..
Bullgaria është në vendin e 81-të për nga lumturia në botë , duke u përmirësuar me katër pozicione krahasuar me vitin e kaluar në studimin e Rrjetit të Kombeve të Bashkuara për zgjidhje të zhvillimit të qëndrueshëm, i cili mbulon 143 vende dhe..
Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në..
Për 2/3 e bullgarëve, problemet më të rëndësishme janë "papunësia" - 39 për qind dhe kostoja e jetesës - 26 për qind, sipas një sondazhi përfaqësues të..
Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit..