Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Temë nga radio-rrjeti evropian "Euranet Plus"

Transformimi digjital dhe mësimi gjatë gjithë jetës – pikët e kryqëzimit në Evropë

Foto: epale.ec.europa.eu

Teknologjitë digjitale dhe digjitalizimi tashmë kanë ndryshuar një pjesë të konsiderueshme të mënyrës sonë të jetesës dhe punës dhe kërkojnë që ne të përvetësojmë vazhdimisht njohuri dhe aftësi të reja, të rikualifikohemi dhe të përmirësojmë veten. Kjo është arsyeja se pse koncepti evropian i “mësimit gjatë gjithë jetës” po bëhet gjithnjë e më i rëndësishëm.

Sigurimi i aksesit tek arsimi për të gjithë qytetarët në të gjitha fazat e jetës së tyre ka qenë gjithmonë një prioritet i BE-së. Dhe hapësira digjitale ofron një gamë të gjerë mundësish. Para pak kohe, rrjeti pan-evropian i qendrave të kompetencës digjitale All Digital publikoi një version të rinovuar të Manifestit për Avancimin e Kompetencave Digjitale në Evropë, i cili rekomandon të theksohen pesë fushat kryesore në lëmin e arsimit - më shumë propozime, akses më i mirë, cilësi më e lartë, kompetenca digjitale dhe qëndrueshmëri.

Por si një njeri i moshuar do të mësojë të përdorë bankingun në internet, për shembull? Ka shumë të ngjarë që ai të ketë nevojë për ndihmë nga dikush tjetër, ose të paktën për udhëzime me shkrim. Indeksi i përhapjes digjitale në ekonomi dhe shoqëri, DESI, i përdorur për krijimin e "Busullës Digjitale deri në vitin 2030" të Evropës tregon se katër nga dhjetë të rritur, si dhe një nga tre evropianë që punojnë, nuk kanë aftësi bazë digjitale. Komisioni Evropian synon që 70% e evropianëve të moshuar të kenë fituar aftësi bazë digjitale deri në vitin 2025.

Kjo nuk mund të ndodhë pa ndryshime në sistemin arsimor. Divina Frau-Maigs, profesoreshë e sociologjisë së mediave dhe teknologjive të informacionit dhe komunikimit në Sorbonne, është e bindur për këtë. Ajo është gjithashtu një specialiste e kërkuar nga organizata si UNESCO, Këshilli i Evropës, KE.

Divina Frau-Maigs

“Në shekullin e njëzetë kishte një bum në arsim, shumë njerëz donin të studionin. Një nga gjërat që harrojmë është se sot kemi një ndryshim të shpejtë sepse mësojmë gjatë gjithë jetës. Dhe tashmë nuk ka rëndësi vetëm ajo që mësojmë në shkollë, por edhe mënyra se si ne si të rritur vazhdojmë të mësojmë dhe e përdorim atë që kemi mësuar në jetë. Në të ardhmen, ata që do të mbeten prapa do të jenë ata që nuk mund të përshtaten me mjedisin digjital.”

Një pikënisje e dobishme për arritjen e suksesit në rrugën e transformimit digjital janë burimet e ndryshme arsimore të krijuara me ndihmën e Komisionit Evropian. Një prej tyre është platforma elektronike shumëgjuhëshe për mësimin e të rriturve EPALE (Electronic Platform for Adult Learning in Europe). Ajo ofron përmbajtje edukative, seminare, mundësi për punë në rrjete dhe ofron mundësi për anëtarësim të profesionistëve të arsimit të të rriturve. EPALE i lejon ata të lidhen me njëri-tjetrin dhe të mësojnë nga njëri-tjetri. Në një diskutim të organizuar para pak kohe në të njëjtën platformë interneti, Divina Frau-Maigs theksoi sfidat me të cilat do të përballen institucionet arsimore në të ardhmen.

“Çdo media sociale dhe platformë interneti na ofron mundësi më të mëdha për ndërveprim, për shkëmbim idesh dhe opinionesh. Në këtë mënyrë, rrjetet sociale hyjnë në konkurrencë me shkollën tradicionale. Prandaj është shumë e rëndësishme që të gjitha shkollat ​​dhe qendrat e mësimit të të rriturve të fillojnë ta perceptojnë veten si platforma online dhe ta konsiderojnë këtë si një avantazh të tyre, që të jemi të sigurt se vlerat që kemi zhvilluar në shekullin e njëzetë do të vazhdojnë të kenë rëndësi. Të gjitha ato – aksesi në arsim, liria e fjalës dhe aktiviteti i qytetarëve – po shndërrohen në vlera digjitale. Dhe është e rëndësishme për ne që universitetet, shkollat ​​dhe qendrat arsimore të hyjnë më shpejt në botën digjitale.”

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD

Bullgarët janë të shqetësuar për gjëra më të rëndësishme sesa kriza politike

Për 2/3 e bullgarëve, problemet më të rëndësishme janë "papunësia" - 39 për qind dhe kostoja e jetesës - 26 për qind, sipas një sondazhi përfaqësues të Eurobarometrit nga shkurti 2024. Për 28 për qind, kujdesi shëndetësor është shqetësimi tjetër më..

botuar më 24-03-27 12.24.MD