Programi i ditës
Radioja Kombëtare Bullgare © 2022 Të gjitha të drejtat janë të rezervuara

Ritualet e festave të dhjetorit fillojnë me homazhe për tre shenjtorë

“Shën Varvara vlon, Sava pjek, Nikolla i pret mysafirët”

Foto: arkiv

Në Ditën e Shën Varvarës më 4 dhjetor fillon një sërë festash, të cilat në traditën bullgare shoqërohen me shumë besime dhe zakone. Sipas legjendës, Shën Varvara ka lindur në trojet e sotme bullgare, në fshatin Eleshnica, i quajtur në atë kohë Iliopolis. Shenjtorja nderohet si mbrojtëse e fëmijëve nga sëmundjet, më së shpeshti nga fruthi. Ekziston një besim se fëmijët duhet të kërcejnë gjithë ditën, kështu që Varvara të mos i gjejë. Në Bullgarinë Perëndimore kjo ditë quhet Krishtlindjet Femërore –këtë ditë vajza të maskuara, me çanta të varura mbi supe, shkojnë nëpër shtëpi dhe, si kolendarët, këndojnë këngë me urime për shëndet dhe pjellori.

Të nesërmen, më 5 dhjetor, kisha nderon Shën Savën - themeluesin e vendbanimit më të vjetër të banuar deri më sot e kësaj dite nëTokën e Shenjtë e njohur si Manastiri i Shën Savës. I lindur nga prindër fisnikë në Kapadokia në shekullin IV, Sava, 18 vjeç, u vendos në një manastir, ku u arsimua dhe u bë murg. Në kërkim të vetmisë dhe përkushtimit ndaj Zotit, ai u nis për në Shkretëtirën e Jordanit dhe jetoi në një shpellë të treguar në ëndërr. Pas vdekjes së prindërve, Sava mori një trashëgimi të pasur, me të cilën ndërtoi disa manastire, spitale dhe dy bujtina. Si udhëheqës shpirtëror i manastireve, Sava u mësonte besimtarëve që vinin butësinë, përulësinë, heshtjen dhe besimin te Zoti.

Në përfytyrimet e bullgarëve shpesh Shën Sava duket si një grua dhe ritualet këtë ditë kanë të bëjnë me martesën e vajzave dhe lindjen e fëmijës së dëshiruar. Kulmi i këtij rituali para festave të Vitit të Ri është më 6 dhjetor, kur kremtojmë Shën Nikollën e Mirës - shenjtori mbrojtës i marinarëve, peshkatarëve, bankierëve dhe tregtarëve.

Në besimet popullore, Varvara është motra e Savës dhe Nikollës, prandaj festat popullore kanë mbledhur elemente pagane dhe të krishtera. Kjo triadë ka lindur proverbin bullgar “Shën Varvara vlon, Sava pjek, Nikolla i pret mysafirët”.

Më shumë hollësi për traditat dhe çfarë duhet vënë në tryezë gjatë festave mund të lexoni në botimin nga koleksioni i Radio Bullgarisë Nga Varvara deri në ditën e Shën Nikollës – zakone, rite dhe ushqime rituale.

Përpiloi: Elena Karkallanova

Përgatiti në shqip: Vesella Mançeva

Më shumë nga rubrika

“Sot është një ditë e madhe për ne”

Më 22 shtator të vitit 1908 për herë të parë tingëlloi Himnin e Pavarësisë, i krijuar pikërisht në ditën kur u shpall solemnisht Pavarësia e Bullgarisë në qytetin Veliko Tërnovo. Kjo ishte një ditë në të cilën i gjithë vendi po festonte, ndërsa në..

botuar më 22-09-22 8.15.PD

Krëstova Gora – atje ku besimi në Zot dëbon dëshpërimin

Dita e Kryqit (Krëstoden), të cilën Kisha e feston më 13 dhe 14 shtator si Dita e Lartësimit të Kryqit të Nderuar, është një nga festat më të mëdha të krishtera, që festohet me solemnitet të veçantë. Në këtë ditë të rëndësishme për të krishterët,..

botuar më 22-09-14 5.05.PD

Në ditën e Lindjes së Virgjëreshës në manastirin Osenovllashki "Shtatë Fronet"

Më 8 shtator, kur festojmë Lindjen e Virgjëreshës së Bekuar, e njohur edhe si Virgjëresha e Vogël, drejtojmë vështrim drejt luginës së bukur të lumit Gabrovnica, ku gjendet manastiri Osenovllashki “Shën Mëria”, më i njohur si “Shtatë Fronet”. Sot..

botuar më 22-09-08 1.14.MD