Pavarësisht nga koha në të cilën jetojmë, kalendari gjithmonë numëron ditët e javës dhe festat. Periudha e dashur e Krishtlindjeve po afron, dhe bashkë me të - fundi i Kreshmës. Edhe njerëzit që nuk janë të krishterë e dinë se abstenimi nga ushqimi me origjinë shtazore duhet të na bëjë që të përmbahemi nga mendimet, fjalët dhe veprimet e këqija. Dhe pastrimi në nivel fizik duhet të na ndihmojë në rrugën e përmirësimit shpirtëror.
Dikur bullgarët kanë respektuar ndalesa të ndryshme lidhur me ushqimin dhe pijen, që para pranimit zyrtar të fesë së krishterë. Për shembull, në periudha të caktuara të ciklit kalendarik ata nuk kanë ngrënë ushqime me ngjyra të caktuara, kanë shijuar disa fruta për herë të parë rreth datave të caktuara etj.
Për kuptimin shpirtëror të kreshmëve dhe praktikat tradicionale të popullit bullgar na tregon botimi nga koleksioni i Radio Bullgarisë "Kreshmët – në jetën e përditshme dhe festive të bullgarit".
Përpiloi: Allbena Bezovska
Përgatiti në shqip: Vesella Mançeva
Të shtunën para së Djelës së të Lidhurit të Mishit bullgarët ortodoksë përkujtojnë të vdekurit. Është një nga tre të Shtunat e Shpirtrave që të krishterët orthodoksë festojnë çdo vit, para fillimit të Krishtlindjeve, Kreshmës së Madhe dhe Pendikostisë...
Në kishën ruse "Shën Nikollaj Mirlikijski” u nderua solemnisht kujtimin e Shën Serafimit të Sofjes. Shërbesa u kryesua nga Peshkopi i Melnikut Gerasim në bashkëpunim me kreun e kishës At Vlladimir Tishçuk dhe priftërinj nga kishat ortodokse bullgare..
Më 19 shkurt mbushen 151 vjet nga vdekja e Vasill Levskit. Të shumta janë veprat popullore kushtuar Apostullit të Lirisë Bullgare. Në fondin e pasur të Radios Kombëtare Bullgare (BNR) ruhen një sërë këngësh të cilat na e mbajnë të gjallë..