Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Çfarë vit po përcjellim – bullgarët në Bullgari dhe në të gjithë botën

Foto: arkiv

Po përfundon një vit plotë sfida dhe kthesa të papritura. Pandemia ndryshoi ditët tona të përditshme dhe rirenditi prioritetet tona, ndërsa triptiku zgjedhor – peizazhin politik në vend. Covid dhe “zgjedhje” – këto ishin dy fjalët domethënëse për Bullgarinë në vitin 2021.

Çfarë ishte ky vit përmes shikimit të bullgarëve nëpër botë dhe tek ne dhe me çfarë shpresa e presin ardhjen e Vitit të Ri 2022 – ja se çfarë ndanë bashkëbiseduesit e Radio Bullgarisë.

Daniella Zekina: Njeriu nuk mund të jetoj vetëm për vetën e vet


Daniella Zekina është një piktore bullgare nga Montreali. Nga Bullgaria e ndajnë mijëra kilometra, por ajo ende e mban në zemër dhe çdo verë kthehet në vendlindjen e saj, Sofje. Megjithatë pandemia e detyroi të shkelë këtë traditë. Ajo është e bindur se sprovat që kemi kaluar, na mësuan të mbrojmë atë që në të vërtet është e rëndësishme dhe e çmueshme për ne.

“Viti ishte i rëndë jo vetëm për Bullgarinë, por edhe për të gjithë botën. Mendoj, se kuptuam një gjë themelore gjatë këtij viti – pra se njeriu nuk mund të jetojë vetëm për vetën e vet, njerëzit janë të lidhur me njeri-tjetrin. Duhet të ketë një solidaritet më të madhe, një tolerancë më të madhe dhe një mirëkuptim midis nesh. Dhe jo vetëm në Bullgari, por edhe në vendet e tjera të botës.”

Rangell Vasev: E shoh veten si qytetar i Evropës

Rangell Vasev është një bullgar i cili jeton në Berlin. Ai e la punën e tij komforte në Bundestag për ta kthyer në profesion pasionin e tij për pllakat e gramafonit. Tani ai prodhon me sukses furça për pastrimin e pllakave të gramafonit. Sipas tij sot kufijtë janë një formalitet dhe na fton që edhe ne të ndahenu me stereotipat dhe me ndarjen e bullgarëve në bullgarë në Bullgari dhe përtej kufirit:

“Dëshiroj që të ndryshojmë filozofinë dhe mënyrën e të menduarit për këtë sesi të rinjtë e braktisin Bullgarinë dhe nuk kthehen. Qendra ime e jetës në moment është në Berlin, sepse familja ime është këtu. Por kontaktet tona me Bullgarinë janë shumë të ngushta dhe ne kalojmë sa më shumë kohë që është e mundur në atdhe.”

Pllamena Teneva-Man: Bullgaria të ketë një peshë më të madhe në Evropë


Pllamena Teneva-Man është bullgare, inxhiniere në një kompani ndërkombëtare. Tashmë më se 20 vjet jeton në Paris. Ajo e cakton vitin 2021 si i vështirë, por si një vit i cili çoi deri në ndryshimin e qeverisjes së vendit, të dëshiruar nga shumica e bullgarëve.

“Populli bullgar kaloi një vit të tërë duke menduar për zgjedhjet e përsëritura parlamentare. Pamë që parti të lindin dhe të rejat të vijnë në pushtet për të ndihmuar shtetin në krizë. Gëzohem se tashmë kemi një qeveri në një koalicion të katër partive.  Detyra e tyre nuk është aspak e lehtë, por është historike. Ndryshimi është i brishtë por filloi! Le t’u japim një shans pushtetarëve të rinj të bëjnë ashtu, që shteti ynë të qëndrojë në këmbë gjë që e ëndërrojmë prej vitesh.”

Pllamena shpreson, që viti 2022 do të sjell stabilitet në Bullgari.

Ivana Këllvaçeva: Gjërat janë të thjeshta – secili të kryejë punën e tij

Në kryeqytetin francez jeton edhe Ivana Këllvaçeva. Shoqëruesi i saj i pandryshueshëm është fotoaparati, objektivi i të cilit kap ditën e përditshme nga një këndvështrim të papritur humorist. Ajo e përcakton vitin 2021 si një vit i ndërlikuar, por bilanci është se “ka dritë në tunel”:

“Pas tri zgjedhjeve parlamentare radhazi pres që më në fund të kemi një qeveri që funksionin mirë dhe përfaqësues më të përgjegjshëm popullorë. Gjërat janë të thjeshta. Duhet që secili të kryejë punën e vet me ndërgjegje.”

Jordan Radkev: Filluam ndërtimin e një kishte bullgare në Republikën e Afrikës së Jugut


Jordan Radkev emigroi me familjen e tij në Johanesburg në vitin 1995. Në Bullgari ishte pedagog universitar, në Republikën e Afrikës së Jugut punon si inxhinier softueri.

“Bullgaria nga këtu dukej mjaftë e hutuar. Gëzohem se më në fund kemi një qeveri dhe shpresoj se ajo të jetë e mirë dhe të ndihmojë vendin të përparojë”, thotë Jordan Radkev.

Ai ndan se pavarësisht situatës së ndërlikuar si rezultat i pandemisë viti 2021 për komunitetin bullgar në Republikën e Afrikës së Jugut u shënua me një sukses të madh. Bashkatdhetarët tanë aty realizuan ëndrrën e tyre – morën leje për ndërtimin e një kishe bullgare dhe punimet filluan që në mars.

Marin Hristov: Një vit si çdo tjetër

Muzikanti Marin Hristov – Hriste jeton në qytetin Botevgrad (Bullgari Perëndimore). Te ai lindi ideja për të popullarizuar në mbarë botën traditën bullgare e quajtur “survakane”. Ai ftoi që bullgarë dhe të huaj të fotografohen duke zbatuar zakonin “survakane” para fenomeneve dhe godinave karakteristike në vendet ku jetojnë. Pasi ata do të dërgojnë materialet e fotografuara prej tyre do të realizohet një video të tërësishme. Marin Hristov e percepton vitin të cilin po përfundon në mënyrë filozofike:

“Në çdo një moment të jetës së tij njeriu mund të nxjerrë si konkluzione pozitive, ashtu edhe negative. Kështu që ky ishte një vit si çdo tjetër, pyetja është se si e pranojmë.”

Të dashur Miq, në prag të Vitit të Ri 2022 ne nga Radio Bullgaria gjithashtu ju urojmë të jeni të shëndetshëm, t’i ktheni gjërat negative në pozitive dhe të shijoni jetën!

Materiali është sipas intervistave të kolegëve: Gergana Mançeva, Desisllava Semkovska, Joan Kolev, Miglena Ivanova

Përpilues: Miglena Ivanova

Përgatiti në shqip: Svetllana Dimitrova

Foto: arkiv personal




Последвайте ни и в Google News Showcase, за да научите най-важното от деня!

Më shumë nga rubrika

“Ora e Tokës” ose si ta ndryshojmë botën në 60 minuta

“Nëse secili prej nesh, pavarësisht se ku jemi, gjen 60 minuta kohë dhe ia jep Tokës, do të kemi fuqinë të mbrojmë shtëpinë tonë të përbashkët dhe ta lëmë atë më se të mrekullueshme për brezat pas nesh” – ja çfarë thonë organizatorët për eventin më të..

botuar më 24-03-23 8.30.PD

Dita Botërore e Ujit e vë theksin mbi aksesin e pabarabartë në burimet ujore

Bullgaria shënon Ditën Botërore të Ujit - 22 Mars me ngjarje të shumta në mbarë vendin. Këtë vit, tema e Ditës Botërore të Ujit të OKB-së është "Uji për Paqe", duke theksuar aksesin e pabarabartë në ujë në mbarë botën dhe nevojën për të mbrojtur dhe..

botuar më 24-03-22 6.05.PD

Efikasiteti energjetik i ndërtesave: (pa)mundësia bullgare dhe standardet e reja evropiane

Nuk do të mjaftojë më ndërtimi i ndërtesave më të gjelbra, por duhet të rinovohen edhe ato ekzistuese. Ritmi i rinovimit të ndërtesave të vjetra në Bashkimin Evropian është shumë nën pritshmëritë - vetëm 1% dhe 1.5% çdo vit, por për të arritur..

botuar më 24-03-20 5.35.MD