Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Turizmi përcjell një vit 2021 jo aq të keq por plotë kthesa dhe pasiguri

Foto: BGNES

Një vit tjetër i shënuar nga Covid-19 është duke përfunduar, përderisa të punësuarit në turizëm po mbyllin bilancet dhe bëjnë plane për të ardhmen e afërt, sado e paqartë të jetë. Është e vërtetë se pandemia fund e krye ndryshoi mënyrën tonë të jetesës dhe të udhëtimit. Pavarësisht pasigurisë totale dhe rregullave gjithnjë në ndryshim të lidhura me masat kufizuese, pavarësisht protestave në masë të pronarëve të objekteve turistike, industria arriti të mbijetojë, madje të shënojë një rritje të mirë.

Në vitin 2021 Bullgaria priti përafërsisht 40 për qind më shumë turistë në krahasim me vitin 2020 – thotë Rumen Draganov, Drejtor i Institutit për Analizë dhe Vlerësim të Turizmit. Stina verore kaloi me sukses me dyfishimin e fjetjeve të turistëve të huaj në pushimoret detare. “Mirëpo, akoma jemi me afro 30 për qind nën nivelet e vitit para pandemisë 2019” – shton Draganov. Dhe më shumë:

“Ky është një vit, i cili vërteton se turizmi bullgar mund të punojë në mënyrë të qëndrueshme, sidomos kur bëhet fjalë për biznes familjar, shtëpi për mysafirë, hotele të vogla familjare dhe korporative. Por dega u afirmua edhe në fushën e rinovimit teknologjik. Shumë shpejtë depërtoi digjitalizimi në rezervimet dhe anulimin e udhëtimeve, si dhe tregtimi i dërgesave, i cili shfrytëzon të ashtuquajturat dyqane elektronike për furnizimin e produkteve ushqimore etj..”

Vendosja e certifikatës së gjelbër në një moment të përshtatshëm për turizmin tonë, domethënë në fund të tetorit, kur sezoni në bregdetin e Detit të Zi ishte i përfunduar, ndërsa pushimoret malore akoma nuk ishin ende të hapura për turizmin e skive, përcaktohet si një masë e mirë nga Rumen Draganov. Ajo sjell njëfarë parashikueshmërie dhe tashmë po jep rezultate të mira, duke gjykuar nga rritja serioze e regjistrimeve për pushimoret dimërore gjatë sezonit aktual të skive. Sipas një sondazhi kombëtar i Asociacionit Bullgar të Profesionistëve në Menaxhimin e Hoteleve, 14 për qind e hotelierëve e caktojnë vendosjen e certifikatës së gjelbër si një pengesë serioze për biznesin e tyre gjatë vitit 2021. Një e treta prej tyre thonë se sfida kryesore gjatë vitit 2021 ishte mungesa e kuadrove dhe çmimet në rritje të rrymës elektrike.

Përveç kësaj, për shkak të masave kufizuese të lidhura me udhëtimet, dega vitin e dytë me radhë iu shpreson kryesisht turistit bullgar, i cili u riorientua te hotelet vendore dhe më në veçanti te shtëpitë familjare për miq në mes të natyrës, duke injoruar komplekset e mëdha. “Sidomos në korrik dhe gushtë kemi pasur shumë vizita dhe interes të rritur ndaj fenomeneve kulturore dhe historike” – shpjegon Darja Zariçinova nga Shoqata Tur Klub ReMark, në të cilën anëtarësojnë pronarë të objekteve turistike në katër bashki në malin Stara Pllanina, ku zhvillohet turizmi aventuresk dhe ekologjik.

“Kjo na gëzon, sepse për shkak të pandemisë një përqindje e madhe e turistëve bullgarë mbetën në Bullgari. Ata shfaqin interes të theksuar ndaj vendeve të panjohura. Nuk bëhet fjalë vetëm për hotele dhe restorante, por edhe për të gjitha llojet e objekteve natyrore dhe kulturore. Dhe jam me shpresë, që rajoni ynë arriti të përmbush këto nevoja të rritura me atraksione të larmishme dhe të mirëmbajtura. Muajit tetor dhe nëntor sipas traditës ishin të dobët, por tabloja e përgjithshme na jep bazë të flasim për një final të mirë të vitit 2021” – thekson në përfundim Darja Zariçinova.

Përgatiti në shqip: Svetllana Dimitrova

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Vendpushimet tona janë në dhjetëshen e parë të turistëve gjermanë

Bullgaria është në vendin e 8-të në regjistrimet e hershme për pushimet verore të gjermanëve në vitin 2024. Pas pandemisë së koronavirusit, pati një ulje të numrit të turistëve gjermanë në pushimoret tona. Tani, megjithatë, gjermanët kanë filluar të..

botuar më 24-03-17 7.05.PD
Skulptura shkëmbore „Koka“ në shenjtëroren trake Gradishteto

Fytyra njerëzore, breshka shkëmbi, altarë dhe vrima për zvarritje – rajoni "Gradishteto" ruan sekrete mijëravjeçare

Zona “Gradishteto” në Rodopet Perëndimore është e mbushur me silueta shkëmbore kafshësh, formimi i të cilave u përsos nga dora e njeriut afro 7 mijë vjet më parë. Në ditët e sotme këto skulptura misterioze janë të aksesueshme falë një rruge..

botuar më 24-03-10 10.35.PD

Vendet historike për t'u vizituar në Festën Kombëtare të Bullgarisë

Mbi 6000 bullgarë do të ngjiten në majën Shipka më 3 Mars për të nderuar ata që sakrifikuan jetën e tyre për lirinë e Bullgarisë. 25 mijë bashkatdhetarë të tjerë do të shfrytëzojnë pushimet rreth Festës Kombëtare - 3 Marsit për të vizituar..

botuar më 24-03-02 11.35.PD