Programi i ditës
Radioja Kombëtare Bullgare © 2022 Të gjitha të drejtat janë të rezervuara

Ivet Goranova është sportiste № 1 e Bullgarisë për 2021

Ivet Goranova
Foto: bgolympic.org

Çmimi i parë për “Sportist të Vitit të Bullgarisë” i jepet mbajtëses së medaljes së artë nga Lojërat Olimpike të Tokios, Ivet Goranova (karate). Këtë e tregojnë rezultatet e edicionit të 64-të të sondazhit të organizuar nga Nove AD Holding, ku morën pjesë 133 gazetarë nga 54 media të shkruara dhe elektronike.

Në kategorinë “Ekipi i Vitit” u zgjodh pa mëdyshje Ansambli Kombëtar i Gjimnastikës Ritmike. Në Lojërat e Tokios, Simona Djankova, Madlen Radukanova, Laura Traats, Stefani Kirjakova dhe Erika Zafirova regjistruan emrat e tyre në histori si kampionet e para olimpike të Bullgarisë në gjimnastikën ritmike. Vesella Dimitrova, e cila çoi ansamblin deri te titulli olimpik u zgjodh “Trajner i Vitit”.

Hristian Stojanov (atletikë) u bë “Sportist me aftësi të kufizuara” për vitin 2021. Ai fitoi një medalje argjendi në Lojërat Paraolimpike në Japoni në vrapimin 1500 metra T46.

Ivet Goranova u bë fituese edhe në kategorinë “Çmim të publikut” për të cilën votuan  tifozët bullgarë të sportit.